Gedagtes vir elke dag
Of lees almal by Gedagtes vir elke dag
Oorwinning in die lewe is nie daarin dat jy nooit mag struikel nie; dit lê suiwer in die feit dat jy elke keer opstaan wanneer jy gestruikel het.
IS U OPREG MET GOD
Hannes Ollewagen
Joh. 1:35-52
“Daarop sien Jesus Natánael na Hom toe kom en sê van hom: Hier is waarlik 'n Israeliet in wie daar geen bedrog is nie.” (:48).
Geliefdes, wat ‘n pluimpie is dit nie wat Natánael hier ontvang nie! Só ‘n kompliment van die Seun van God. Die oomblik toe Jesus hierdie man sien, maak hy meldig van hierdie kosbare eienskap van Natánael. Dit is duidelik dat hierdie vir Hom ‘n baie kosbare eienskap in ‘n mens is. Christus stel dit dat Hy kan sien dat daar geen bedrog in Natánael is nie. Hy kom na Christus met ‘n opregte gesindheid en nie met allerhande bybedoelings nie. Hy kom nie na Christus met sy eie motiewe of bedoelings nie, maar in waarheid. Hy is opreg.
Geliefdes, dit is nodig dat ons ook dikwels ons gesindheid teenoor God in oënskou neem. Ja, ons behoort onsself ook die vraag te stel of ons in ons verhouding met God waarlik opreg is. Die mens kan so maklik met valse motiewe en bybedoelings tot God probeer nader. Ons sien in ons tyd hoeveel mense “godsdiens” met ‘n valse motief bedryf, mense wat “God wil dien” omdat hulle graag deur Hom geseën wil word.
GOD’S WAARSKUWING OOR COVID-INSPUITINGS
Anita Joubert
Antwoord aan ’n vriend wat my gevra het oor ons opinie omtrent die inspuiting
Ek het nie professionele mediese kennis nie, maar daar is baie inligting beskikbaar daaroor. Gaan soek dit gerus op die internet.
Wat ek egter kan doen en graag wil doen, is om jou op geestelike gebied te waarsku. Daar is een ding wat ons as Christene baie goed moet besef. Wanneer ons met die werk van Satan te doen het, dan dan moet ons onthou dat Jesus in Johannes 8:44 vir die Fariseërs gesê het dat hulle vader die duiwel is; en dat hy van die begin af ’n moordenaar was. Hy staan nie aan die kant van die waarheid nie, omdat daar geen waarheid in hom is nie.
Toe Eva vir die slang gesê het God het gesê dat hulle nie van die vrugte van die boom in die middel van die tuin mag eet nie, want dan sal hulle sterf, het Satan onmiddellik vir haar gelieg en gesê: “Julle sal beslis nie sterf nie.”
Ons moet vir geen oomblik dink dat die merk van die dier saam met ’n advertensiebordjie gaan kom, waarop geskryf staan: “Kry gerus hierdie merk en gaan dan reguit hel toe,” nie. (Op 14:9). Daar sal verseker daaroor gelieg word en dit sal onder valse voorwendsels gegee word.
COVID EN DIE NUWE WÊRELDORDE
Die Irish Light, ‘n Ierse koerant wat deur gewone burgers gefinansier word, is ‘n tekenende bewys van die groeiende wêreldwye weerstand teen die onderdrukking van menseregte. Die hele Covid-sage het die rol van die Nuwe Wêreldorde (NWO) in hierdie verband behoorlik oopgekrap en word daar nou meer opsigtelik gemeet hoe die wêreldgeldmagte besig is om die globale mensdom te verslaaf. In die Irish Light word die saak soos volg aangespreek:
Die Verenigde Nasies (VN) is heel waarskynlik die mees sigbare uitdrukking van die onderdrukking. Die VN is in 1945 gestig ten einde “nasies te verenig”. ‘n Mens word wysgemaak dat dit voordelig sal wees, maar het u al daaraan gedink dat, as alle nasies/volke verenig sou wees, dit sou beteken dat onafhanklike soewereine nasies nie meer sal bestaan nie? Ons sal dus eindelik onder beheer staan van ‘n Eenwêreld Regering (One World Government), wat beteken dat mag al verder en verder verwyder word van individuele landsburgers.
Die VN het stelselmatig onafhanklike state se aktiwiteite begin oorneem met die daarstel van riglyne vir nasionale beleid wat voorheen die alleenreg en voorreg van elke individuele land was. Die Europese Unie is niks anders nie as ‘n “VN” vir Europa. Vryhede van volke word stelselmatig opgeslurp deur die anonieme, onverkose groepe wat beheer uitoefen oor die VN en die EU.
SO MOOR INSPUITINGS DIE JONGMENSE
Ons bring hierdie verslag van Israel National News wat gebaseer is op die navorsing van vooraanstaande Israeliese wetenskaplikes, onder die aandag van ons lesers.
Israelse navorsers het hierdie week gewys op 'n verband tussen die Pfizer Covid-19-entstof en 'n seldsame outo-immuun-siekte.
Die navorsers, verbonde aan die Departement Hematologie by die Shamir Mediese Sentrum, het gedurende 'n tydperk van een maand 'n verhoogde voorkoms van verworwe trombotiese trombositopeniese purpura (TTP) in Israel gevind en opgemerk dat die gevalle nou voor kom by diegene wat die Pfizer-entstof ontvang het, tot 'n maand vantevore. TTP is 'n bloedversteuring wat lei tot bloedklontvorming in klein bloedvate dwarsdeur die liggaam. Dit lei tot 'n lae plaatjie telling, lae rooibloedselle as gevolg van hul afbreek, en dikwels nier, hart, en brein disfunksie. Simptome kan insluit groot kneusplekke, koors, swakheid, kort van asem, verwarring, en hoofpyn.
Navorser Dorit Blickstein het aan Channel 13 ivm TTP gesê:
'' Dit is ‘n siekte wat in sy klassieke vorm dodelik is - 90% van die siekes sal sterf. Met behulp van nuwe behandelings, wat so vinnig moontlik toegedien moet word, herstel die meeste pasiënte vandag. ”
HIERHEEN IS ONS OPPAD
Indien iemand 'n duideliker prentjie nodig het om te verstaan waarheen die Geldmag met die wêreldbevolking oppad is, kyk gerus hierdie kortfilm. Tans is dit nog fiksie maar nie meer vir lank nie.
OPENBARING EN 'N VIRUS...
Openbaring se versekering in hierdie (en alle) tye
Welgeluksalig is die man wat nie wandel in die raad van die goddelose en nie staan op die weg van die sondaars en nie sit in die kring van die spotters nie; maar sy behae is in die wet van die Here en hy oordink sy wet dag en nag.
Psalm1:1-2
Wat ‘n pragtige woord is welgeluksalig nie. So ‘n driedubbele woord wat drie keer beklemtoon hoe mens volkome gelukkig kan wees. Ook in Openbaring1:3 word die woord aangetref. Latere vertalings het die rykheid van die woord en die betekenis van die vers verlore laat gaan deur dit net te vervang met die veel armer woord “gelukkig”.
Met die Korona-sage beleef mens dat dit juis “geluk”, ja vrede is wat nou by mense ontbreek. Rykdom, verstedeliking, besittings, nuwerwetse tegnologie en vermaak kon die mensdom toe nie gelukkig maak nie. Hierdie goed wys in hierdie tye juis hoe leeg dit is. Begrip vir dinge waaroor dit werklik moet gaan, het juis ontbreek. Toegegooi met inligting en kennis, maar sonder wysheid - dit is nou die naakte waarheid wat ontbloot word.
WEES HEILIG, WANT HY IS HEILIG
Hannes Ollewagen
1 Pet. 1:13-25
“Maar soos Hy wat julle geroep het, heilig is, moet julle ook in jul hele lewenswandel heilig word,omdat daar geskrywe is: Wees heilig, want Ek is heilig. En as julle Hom as Vader aanroep wat sonder aanneming van die persoon oordeel volgens elkeen se werk, wandel dan in vrees gedurende die tyd van julle vreemdelingskap; omdat julle weet dat julle nie deur verganklike dinge, silwer of goud, losgekoop is uit julle ydele lewenswandel wat deur die vaders oorgelewer is nie,maar deur die kosbare bloed van Christus, soos van 'n lam sonder gebrek en vlekkeloos,” (:15-19).
U het sekerlik al gehoor – “niemand is volmaak nie.” En dit is ook heeltemal waar geliefdes. Daar was en sal deur al die eeue heen maar net Een wees wat volmaak en sonder sonde was - Christus Jesus wat in gedaante van ‘n mens kom leef het om aan ons ‘n voorbeeld van ‘n volmaakte lewe te stel. Ja, geliefdes, God verwag van elkeen wat tot geloof in Hom kom om hierdie volmaakte lewenswandel na te streef.
“Verder, broeders, wees bly; word volmaak; laat julle vermaan; wees eensgesind; hou vrede, en die God van liefde en vrede sal met julle wees.” (2 Kor. 13:11).
Dit is duidelik dat God van sy geroepe en bekeerde kinders in Christus Jesus verwag om gedurig na volmaaktheid en heiligmaking te streef.
“jaag die vrede na met almal, en die heiligmaking waarsonder niemand die Here sal sien nie; (Heb. 12:14).
MOET ONS OOR DELTA BEKOMMER?
Volgens die streekdirekteur in die Europese kantoor van die Wêreldgesondheidsorganisasie, (WGO) Hans Henri Kluge, is 'n nuwe coronavirus-variant genaamd "Delta" (waarvan die wetenskaplike naam B.1.617.2 is en glo afkomstig van Indië), "gereed om pos te vat in Europa, wat moontlik die strengste hernieude inperkings sal verg”. So, hier kom dit alweer...
In 'n artikel van The June, 2021, berig The Hill dat die SARS-CoV-2 Delta-variant “vinnig kan versprei en diegene wat net een van die twee entstofdosisse ontvang het, baie erger kan infekteer as diegene wat volledig ingeënt is met 2 inspuitings.” Ja, hoeveel meer deursigtig kan ‘n leuen dan word!
Volgens Kluge word Europa nóu net so gekonfronteer as in die winter van 2020, toe dinge vinnig gebeur het om tot 'n vernietigende ekonomie, streng inperkingmaatreëls en groot lewensverlies te lei.
Tans is die Delta-variant die dominante stam in die Verenigde Koninkryk, waar dit groot vrees veroorsaak agv die negatiewe mediaberigte daaroor, naamlik dat dit nou 'n toename in gevalle onder jonger mense tussen die ouderdom van 12 en 20 veroorsaak.
Interessant, alhoewel daar beweer word dat enkel-dosis ‘inenting’-ontvangers 'n groter risiko het as diegene wat twee dosisse ontvang het, is talle meer volledig ingeënte mense reeds aan hierdie variant dood.
Belangriker nog, uit 'n PHE-verslag van 11 Junie 2021 blyk dit dat hospitaalpasiënte ‘n ses keer groter kans staan om aan die COVID Delta-variant te sterf as hulle volledig ingeënt is, as wat hul glad nie ingeënt is nie.
KAN U COVID 2 MAAL KRY?
Is dit moontlik dat mense wat COVID-19 gehad het, weer siek kan word en ander mense kan aansteek?
Daar is tot dusver beperkte verslae van bevestigde gevalle van herinfeksie.
Hoe word ons immuun?
As kieme en virusse die liggaam binnedring, kom u immuunstelsel in werking. Dit is hoe dit werk:
• Bakterieë en virusse soos dié wat COVID-19 veroorsaak, bevat proteïene wat antigene genoem word. Elke soort kiem en virus het sy eie unieke antigeen.
• Witbloedselle in u immuunstelsel maak proteïene wat teenliggaampies genoem word om die antigeen te bestry. Teenliggaampies heg aan antigene soos 'n sleutel in 'n slot pas, en vernietig die indringender.
• Sodra u aan 'n virus blootgestel is, maak u liggaam geheueselle. As u weer aan dieselfde virus blootgestel word, herken hierdie selle dit. Hulle sê vir u immuunstelsel om teenliggaampies daarteen te maak.
Entstowwe – dit is nou regte entstowwe en nie die gifstof wat onder voorwendsel as entstof teen Covid ingespuit word nie – werk op dieselfde manier. Hulle stel u liggaam bloot aan 'n antigeen wat u immuunstelsel oplei om die virus in die toekoms te beveg. Aangesien entstowwe verswakte weergawes van virusse bevat, word u immuun sonder om siek te word.
Nou is die vraag, as u COVID-19 gehad het, is u nou immuun daarteen?
"JAB OR NO JAB, NO FLIGHT!"
INGESPUITE VLIEËNIERS STERF EEN NA DIE ANDER
In Brittanje is daar nou ‘n nuwe krisis wat binnekort ook 'n wêreldwye een sal wees: die Britse Lugvaart is in samespreking met die regering of vlieëniers wat die inspuiting teen Covid ontvang het, nog toegelaat moet word om te vlieg. Hierdie gesprekke het begin nadat die 4e ingespuite vlieënier pas dood is. Mens kon dink dat die bloedklontrisiko nie net tot die passasiers beperk sou wees nie.
Die probleem kom veral daarby in dat reeds 85% Britse vlieëniers ingespuit is. Dit bring die totaal wat oorbly op ‘n skamele 15%. Die “British Airways” (BA) sal dit nie finansiëel oorleef indien daar besluit word dat die ingespuite vlieëniers nie meer mag vlieg nie.
Intussen berig Sky News uit Australië dat lugdiensondernemings in Spanje en Rusland mense wat die inspuiting gehad het ernstig waarsku om nie te vlieg nie weens die risiko van bloedklonte. Die media hou die front asof dit net ‘n waarskuwing is maar in waarheid word ingespuite mense in baie lande reeds verbied om te vlieg.
LEEF U VIR GOD?
Hannes Ollewagen
Romeine 6:1-23
“As ons dan saam met Christus gesterf het, glo ons dat ons ook saam met Hom sal lewe, omdat ons weet dat Christus, nadat Hy opgewek is uit die dode, nie meer sterf nie. Die dood heers oor Hom nie meer nie. Want die dood wat Hy gesterf het, het Hy vir die sonde eens en vir altyd gesterwe; maar die lewe wat Hy leef, leef Hy vir God. So moet julle ook reken dat julle wel vir die sonde dood is, maar lewend is vir God in Christus Jesus, onse Here.” (:8-11).
Geliefdes, besef u dat daar baie kerkmense is wat nie die hemel gaan beërwe nie? Ja, daar is baie mense wat voor ‘n gemeente hul geloofsbelydenis afgelê het, maar nie deel het aan die koninkryk van God nie. Daar is talle mense wat net in naam “Christene” is, maar beslis is hulle dit nie in hul hart en wese nie. En hierdie is geen nuwe verskynsel nie, geliefdes. God het reeds in Openbaring die gemeente van Sardis oor hierdie verskynsel aangespreek.
“...Ek ken jou werke, dat jy die naam het dat jy leef, en jy is dood.” (Open. 3:1).
VERSKROEIDE AARDEBELEID
Op 16 Junie elke jaar herdenk ons Die Verskroeideaardebeleid, omdat ons steeds met meegevoel en dankbaarheid onsself nie die verskriklike lyding van ons Boeregesinne kan indink nie. Dié beleid is aanvanklik deur lord Roberts ingestel en later deur Horatio Kitchener uitgebrei gedurende die Tweede Vryheidsoorlog wat geduur het van 1899 - 1901.
Die Engelse was nie in staat om ons Boere in die oorlogveld te wen nie en daarom die lafhartige plan uitgedink om die vrouens en kinders gevange te neem en landerye af te brand. Volgens hierdie beleid is ook byna al die Boere se plaashuise verbrand, vee op die wreedste wyses doodgemaak en die vroue en kinders is na konsentrasiekampe toe gestuur, soms soos vee deur swartes soontoe aangejaag, sommige kaalvoete, oues, siekes, alles sonder enige genade. In die kampe was daar onvoldoende kos, mediese dienste en doelbewuste pogings om veral kinders te laat sterf. In 1901 het ongeveer 25 000 kinders en 3 000 vroue in hierdie kampe van honger en siekte gesterf.
Lord Roberts het op 16 Junie 1900 die volgende proklamasie (No 5/1900) uitgevaardig:
AMERIKANERS BEGIN BEHEER NEEM
‘n Hele aantal state in Amerika begin nou sê genoeg is genoeg! Die aanhoudende leuens en reëls oor die Covid-sage is besig om Amerikaners die harnas in te jaag. Die talle maatreëls wat hulle moet nakom is besig om veral die kinders se geestesgesondheid te knou. Nou begin die een na die ander staat om maskers in skole te verbied.
Texas was die voorloper toe ‘n uitvoerende bevel wat regeringinstansies se maskerdra-reël verbied, daar op 4 Junie 2021 in werking getree het.
'n Soortgelyke wetsontwerp is in Mei 2021 in Iowa uitgevaardig, wat ook die dra van skoolmaskers verbied. In 'n verklaring het Kim Reynolds, goewerneur van Iowa, gesê: "Die staat Iowa plaas ouers weer in beheer van hul kind se opvoeding en neem groter stappe om die regte van alle Iowans met betrekking tot hul eie gesondheidsbesluite, te beskerm."
INGEËNTES WORD BIOWAPENS!
NAVORSING ONTBLOOT GIFTIGE COVID-ENTSTOWWE
Hoe meer mens leer oor die COVID-19-entstowwe, hoe meer besef mens die sataniese beplanning daaragter. In 'n onlangse onderhoud met radio-omroeper Alex Pierson, het dr Byram Bridle, skokkende inligting meegedeel wat onmiddellik wyd versprei het, ondanks die feit dat dit deur Google gesensor is. Dit het gebeur deurdat hy met behulp van ‘n regsaksie toegang tot Pfizer se entstof-navorsing bekom het.
Onder andere het drie nuwe aspekte aan die lig gekom, nl dat borsgevoede babas inwendig bloei nadat die ma die inspuiting ontvang het, en dat ingeëntes wat bloed skenk die gif daarmee oordra aan reeds verswakte pasiënte. Dit opsigself is ‘n bloedstollende wete! Die derde onthulling is dat die gifstof ook grootliks in die vroulike eierstokke vergader wat steriliteit tot gevolg het.
In 2020 het Bridle 'n toekenning van $ 230,000 ontvang vir navorsing oor die ontwikkeling van COVID-entstowwe. As deel van die navorsing het hy en 'n span internasionale wetenskaplikes volgens 'n wet op die Freedom of Information (FOIA) versoek om toegang tot Pfizer se biodistribusienavorsing van die Japanse reguleringsagentskap te verkry. Die navorsing, wat onlangs vir die eerste maal ontbloot is, bevestig wat ons reeds maande lank by oningeligtes probeer tuisbring, nl dat alle COVID-19-entstowwe ‘n gif is wat bedoel is om biljoene mense te dood.
“Ons het 'n groot fout gemaak,” sê Bridle. “Ons het gedink die aarproteïen is 'n uitstekende teiken-antigeen; ons het nooit geweet dat die proteïen self 'n gifstof is en 'n patogene-proteïen is nie. Deur mense in te ent, ent ons dus 'n gifstof in. ”
HY IS DEUR GOD TOT LEIDSMAN VERHOOG
Hannes Ollewagen
Hand. 5:17-42
“Die God van ons vaders het Jesus opgewek, wat julle omgebring het deur Hom aan ‘n kruishout te hang. Hom het God as Leidsman en Verlosser deur sy regterhand verhoog om aan Israel bekering en vergifnis van sondes te skenk. En ons is sy getuies van hierdie dinge, en ook die Heilige Gees wat God gegee het aan die wat Hom gehoorsaam is.” (:30-32).
Geliefdes, die samelewing in ons tyd verkeer in groot verwarring. En mense soek na leiding. Dit is tog ironies dat in die era waarin ons so vryelik tot inligting toegang het, die onsekerheid en verwarring onder mense so groot is, nie waar nie? En die rede hiervoor is eintlik eenvoudig – nie alle inligting is betroubare inligting nie.
Die tegnologie maak die verspreiding van kommunikasie en inligting deesdae baie maklik. Ons almal ontvang op ‘n daaglikse basis videos van mense wat ‘n opinie het oor al wat ‘n saak is. Ja, mense lig hul mening oor die sogenaamde “pandemie” in hierdie dae, oor politieke kwessies, oor die Godsdiens, eintlik oor alles en nog wat. En al hierdie inligting oefen tog op ons elkeen ‘n invloed uit en veroorsaak dat ons menigmaal dink oor wat in hierdie lewe waar is en wat nie. Ja, dit laat ons dalk ook besluite neem en vrae vra wat die rigting van ons lewens kan beïnvloed.
LAAT JOU WEG AAN DIE HERE OOR
Ds A.E. van den Berg
“Laat jou weg aan die HERE oor en vertrou op Hom, en Hy sal dit uitvoer”(Ps.37:5).
Psalms tref ʼn duidelike onderskeid tussen twee groepe mense op die aarde; gelowiges en ongelowiges. Die gelowiges het ʼn geestesverhouding met God en die ongelowiges nie. Daarom noem die Bybel gelowiges regverdiges; mense wat kragtens hul bekering hul lewe aan God oorgegee het:
“Ek is met Christus gekruisig, en ék leef nie meer nie, maar Christus leef in my......” (Gal.2:20).
Die Psalms praat ook deurgaans van die ander groep nl. die ongelowiges; mense wat God nie in hul lewens toelaat nie, nooit tot bekering kom nie en na die dood verlore is. Hulle is nie noodwendig slegte mense nie, maar dikwels goeies wat God net nie Koning in hul lewe wil maak nie en stewig op die troon van hul eie lewe sit totdat die dood hul omstoot en hulle in die ewige verderf aftuimel.
In Ps.37 praat Dawid van ʼn ding wat talle gelowiges hinder - die frustrerende werklikheid dat goddeloses dikwels materieel voorspoedig is terwyl gelowiges soms bitter swaar kry. Is dit nie onregverdig nie? Moet die ongelowiges nie eerder swaarkry en gelowiges voorspoedig wees nie? Hulle probeer tot God se eer te leef terwyl die ongelowiges Hom bewustelik uitsluit.
WAAROM MOET EK KERK TOE GAAN?
- 1.Dis God se wil
“En laat ons ons onderlinge byeenkoms nie versuim nie”(Hebr.10:25).
- 2.Ek het ʼn belofte aan God gemaak
“Ek sal my geloftes aan die Here betaal in die teenwoordigheid van Sy ganse volk”(Ps.116:18)
- 3.Ek verlang na God se huis
“My siel verlang, ja smag na die voorhowe van die Here” (Ps.84:3).
- 4.Ter wille van my gesin
“Maar ek en my huis, ons sal die Here dien” (Jos.24:15)
- 5.Christus het vir ons die voorbeeld gestel
“En soos Hy gewoond was, gaan Hy op die Sabbatdag in die sinagoge” (Luk.4:16).
- 6.Dit maak ons geestelik fiks
“Oefen jou in die godsaligheid” (1 Tim.4:7).
- 7.Ek moet ʼn voorbeeld vir ander wees
“Betoon jou in alles ʼn voortbeeld van goeie werke” (Tit.2:7)
- 8.Om saam met geesgenote na die Bybel te luister
“En op de volgende Sabbat het byna die hele stad saamgekom om die Woord van die Here te hoor” (Hand.13:44).
- 9.Omdat my siel daarna hunker
“Dat ek al die dae van my lewe mag woon in die huis van die Here” (Ps.27:4).
- 10.Omdat ek as sondaar ʼn behoefte daaraan het
“En al die tollenaars en sondaars het die gewoonte gehad om na Hom te luister” (Luk.15:1).
- 11.Dit verskaf vreugde
“Ek was bly toe hulle vir my gesê het: Laat ons na die huis van die Here gaan” (Ps.122:1).
- 12.Dis een van die beste dinge wat ʼn mens kan doen
“Want ʼn dag in U voorhowe is beter as duisend; ek wil liewer by die drumpel staan in die huis van my God as om te woon in die tente van goddeloosheid”(Ps.84:11).
- 13.Ek word opgeroep om te kom luister
“Wie ʼn oor het, laat hom hoor wat die Gees aan die gemeentes sê”(Openb.3:6)
- 14. Om te luister wat God deur sy dienskneg sê
“Hoe kan hulle Hom dan aanroep in wie hulle nie geglo het nie? Hoe kan hulle in Hom glo ban wie hulle nie gehoor het nie? En hoe kan hulle hoor sonder een wat preek?”(Rom.10:14)
- 15.Omdat God op ʼn besondere wyse in die kerk teenwoordig is
“Want waar twee of drie in my Naam vergader, daar is ek in hulle midde” (Mt.18:20).
DIE DOODSKOOT SE GEVOLGE
‘n Artikel in die New York Times (NYT) berig oor ‘n drastiese bevolkingsvermindering regoor die wêreld. Die artikel maak nêrens melding van die doelbewuste vermindering van die bevolking dmv die Covid-plandemie nie, die gedwonge en giftige inentingsveldtog met 'n nie-entstof. Die NYT berei ons saggies voor op hierdie misdaad en noem die komende "ontvolking" 'n natuurlike verskynsel as gevolg van 'n wending in die demografie - wat glo te verwagte is as gevolg van ons westerse "oorvloedige lewenstyl" en as gevolg van mensgemaakte klimaatsverandering wat gelei het tot verminderde oeste - hongersnood - in die ontwikkelende wêreld, oftewel die Global South.
Gedeeltes uit die berig lui soos volg:
"Regoor die wêreld word lande gekonfronteer met stagnasie van die bevolking en 'n vrugbaarheidskrisis, 'n duiselingwekkende ommekeer in die geskiedenis wat ongeëwenaard is, wat die eerste verjaardagpartytjies 'n skaarser gesig sal maak as begrafnisse, en leë huise 'n algemene gesig."
En dit gaan voort:
“Kraamafdelings sluit reeds in Italië. Spookstede verskyn in die noordooste van Sjina. Universiteite in Suid-Korea kan nie genoeg studente vind nie, en in Duitsland is honderdduisende eiendomme vernietig en op daardie gronde verrys parke een na die ander”.
“Alhoewel sommige lande steeds hul bevolking sien groei, veral in Afrika, daal vrugbaarheidsyfers byna oral anders. Demografiste voorspel nou dat die wêreldbevolking teen die laaste helfte van die eeu of moontlik vroeër vir die eerste keer 'n volgehoue agteruitgang gaan hê.”
AFRIKA-LEEU NIE SO ONSKULDIG...
Die African Lion, die grootste militêre oefening op die vasteland van Afrika wat beplan en gelei word deur die Amerikaanse leër, het begin. Dit sluit land-, lug- en vlootmanoeuvres in Marokko, Tunisië, Senegal en aangrensende see in - van Noord-Afrika tot Wes-Afrika, van die Middellandse See tot die Atlantiese Oseaan. 8 000 soldate neem daaraan deel, die helfte van hulle is Amerikaans, met ongeveer 200 tenks, selfaangedrewe gewere, vliegtuie en oorlogskepe. African Lion 21 sal na verwagting $ 24 miljoen kos, en dít het gevolge wat dit besonder belangrik maak.
Hierdie politieke skuif is fundamenteel in Washington beslis: die Afrika-oefening vind hierdie jaar vir die eerste keer in Wes-Sahara plaas, dit wil sê op die grondgebied van die Sahrawi Republiek, erken deur meer as 80 VN-state. Rabat het verklaar dat 'Washington' die Marokkaanse soewereiniteit oor Wes-Sahara erken 'en nooi Algerië en Spanje om' hul vyandigheid teenoor die territoriale integriteit van Marokko ' te laat vaar. Spanje, wat deur Marokko beskuldig word van die ondersteuning van die Polisario (Wes-Sahara Bevrydingsfront), neem nie vanjaar aan die African Lion deel nie. Washington het sy volle steun aan Marokko herbevestig en dit 'belangrike' nie-NAVO-bondgenoot en vennoot van die Verenigde State 'genoem.
ONS SIENING VAN RYKDOM
Hannes Ollewagen
1 Sam. 16:1-13
“Maar die HERE sê vir Samuel: Kyk nie na sy voorkoms en sy hoë gestalte nie, want Ek ag hom te gering. Want nie wat die méns sien, sien God nie; want die mens sien aan wat voor oë is, maar die HERE sien die hart aan.” (:7).
Geliefdes, hierdie kosbare les uit die Woord van God moet ons dalk meer gereeld in ons dae hoor. Ja, die mens van ons tyd wat so maklik met dit wat voor oë is, bekoor word. Hierdie ydelheid en oppervlakkigheid het tot gevolg dat mense wat materiëel welaf is, deesdae diegene is wat aansien geniet. Dit is die mense wat in leiersposisies en posisies van mag beland – ongeag of hulle bekwaam is en oor die wysheid daarvoor beskik. Hartseer genoeg is dit ongelukkig waar dat daar selfs mense in kerke se leiersposisies beland wat geen liefde of vrees vir God het nie, maar hulle het darem baie geld en groot aansien! En só oppervlakkig het die mens geword dat dit nie eens saak maak hoe ‘n persoon hierdie groot rykdom verwerf het nie. Ja, selfs rykdom deur goddeloosheid en oneerlikheid verwerf is vir die mens van vandag so bekoorlik dat dit hom geheel verblind. En tog wonder ons waarom die wêreld in ons tyd in soveel chaos en verwarring verkeer. Die Here stel dit tog duidelik in Lukas 6:39 dat dit katastrofies sal wees!