Gedagtes vir elke dag
Of lees almal by Gedagtes vir elke dag
Jesaja kla dat Juda slegter as diere is: “’n Os ken sy besitter en ‘n esel die krip van sy eienaar, maar Israel het geen kennis nie, my volk verstaan nie. Wee die sondige nasie, die volk swaar van skuld, die geslag van kwaaddoeners, die kinders wat verderflik handel! Hulle het die Here verlaat, die Heilige van Israel verag, hulle het agtertoe weggedraai” (Jes.1:3,4). Wat ‘n ongelooflike verval! Soos ons volk vandag?
HEMELVAART IS 'N CHRISTELIKE DAG
LEEF DAN SOOS KONINGSKINDERS!
Ds Andrè van den Berg
“En nadat Hy dit gesê het, is Hy opgeneem terwyl hulle dit sien; en ʼn wolk het Hom voor hulle oë weggeneem” (Hand.1:9).
Ek wonder hoeveel volksgenote vandag Jesus se hemelvaart herdenk? Ek wil waag om te sê dat die oorgrote meerderheid onverskillig teenoor hierdie dag staan. Toe Suid-Afrika ʼn Christelike grondwet gehad het, was dit ʼn godsdienstige vakansiedag. Ná die magsoorname in 1994 het booswigte dit afgeskaf. Ek is dankbaar vir mense wat nog waarde daaraan heg.
Ons kan die belangrikheid van Goeie Vrydag en Paassondag nooit genoeg beklemtoon nie.
Jesus se aardse bediening het egter nie hier opgehou nie. Ná sy opstanding het Jesus vir 40 dae sy dissipels oor God se koninkryk onderrig en daarna na die hemel opgevaar. Die kruis en die leë graf was die hart van die Evangelie wat deur Jesus se volgelinge versprei is. Paulus skryf : “Broeders, ek maak julle die evangelie bekend ... dat Christus vir ons sondes gesterf het volgens die Skrifte; en dat Hy begrawe is, en dat Hy op die derde dag opgewek is volgens die Skrifte” (1 Kor.15:1-4).
Vir baie gelowiges is hemelvaart slegs ʼn nagedagtenis van Goeie Vrydag en Paassondag. Nee, die hemelvaart het wonderlike betekenis vir ons. Kom ons kyk na ʼn paar aspekte van die hemelvaart en verheerliking van Jesus.
VANDAG IS HEMELVAART...
...WAT SOOS 'N SONDAG DEURGEBRING MOET WORD
Dr Johan Celliers
Vandag is dit weer Hemelvaart en herdenk ons Christus se opvaar na die hemel ná sy kruisiging en opstanding. Vir ons beteken Hemelvaart die terugkeer van Jesus na Vader in die hemel. Lees gerus die Lukas-evangelie asook Handelinge waar die gebeure vertel word hoe Jesus ná die Opstanding verskeie kere aan sy apostels en volgelinge verskyn het, en ná veertig dae na die hemel opvaar terwyl sy volgelinge toekyk hoe Hy in die wolke onsigbaar word.
Dat Hemelvaart vir ons as Christene soos 'n Sondag deurgebring moet word, is ongelukkig iets waaroor nie genoeg gepraat word nie. Ons ouer lesers sal onthou dat ons wel vroeër jare hierdie dag as 'n Christelike dag deurgebring het. Dit is tyd dat ons weer ons besighede sluit en aan ons Vader die dank en eer vir hierdie groot gebeure bring.
Al is dit hierdie jaar buitengewone omstandighede, kom ons bring Hemelvaart hierdie jaar só deur dat ons voorbeeld vir die talle ongelowiges daar buite as hoeksteen van die Christelike geloof vas en duidelik staan. Ons kan ons besighede sluit en op hierdie wyse aan diegene rondom ons toon dat ons te midde van 'n ekonomiese krisis steeds op God vertrou deur gehoorsaam aan sy Gebooie te wees en Hom die eer en respek wat Hom toekom daardeur betoon.
DIE GELDMAG (8)
B M Schoeman
Lees reeks by Die Geldmag
Vorster en die Geldmag
Vir die verteenwoordigers van die groot geldmag hier en in die buiteland moes die verwydering van dr. Verwoerd van die politieke toneel in Suid-Afrika deur die kommunis Tsafendas ongetwyfeld ’n belangrike moment in hulle veroweringsplanne gewees het. Dr. Verwoerd was die een man teen wie hulle altyd gestuit het in hulle berekenings om deur hulle geld die politieke mag in Suid-Afrika te verower. Hy het tussen hulle en die Afrikanerdom gestaan en telkens moes hulle sien hoe hulle planne deur hom verongeluk is. Die vooruitsigte op sukses het na 30 Maart 1966, toe dr. Verwoerd in daardie verkiesing binnelands nuwe hoogtes bereik het, baie skraal gelyk. En na die uitspraak in die Internasionale Hof in Den Haag oor die Suidwes-saak in Julie van daardie jaar het hierdie man in die buitewêreld feitlik tot ’n onaantasbare posisie uitgestyg. Die planne van die internasionale magshebbers en die magte wat agter hulle geritsel het, was erg deurmekaar gekrap. Die sluipmoord op 6 September 1966 in die Volksraad het egter alles oornag verander.
DIE GELDMAG (7)
B M Schoeman
Lees reeks by Die Geldmag
DIE BILDERBERGERS
In ’n studie van sulke magsgroepe soos die Council on Foreign Relations en sy Britse eweknie, die Royal Institute of International Affairs, sal dit blyk dat die politieke mag in die Westerse wêreld deur klein, dog magtige, elite-groepe_gerig word. Hierdie elite-groepe, wat in die geheim werk, is nie baie lief vir persfotograwe nie en hulle invloed op die gang van wêreldsake moet dus afgelei word uit die bedrywighede van die agentskappe wat hulle in hulle diens het. Daar is talle van hierdie agentskappe, waarvan een van die belangrikste die Bilderbergerroep is. Dit is noodsaaklik dat kortliks stilgestaan word by hierdie groep.
Waar die CFR uitsluitend tot Amerikaanse geldbaronne beperk is, is lidmaatskap van die Bilderberger-groep eintlik “internasionaal.” Onder sy bekendste lede tel sakemanne, nyweraars en politici en uit die VSA, Brittanje, Wes-Duitsland en ander Wes-Europese lande, asook lede van koningshuise in Brittanje en Nederland. Sedert sy totstandkoming was prins Bernhard, van Nederland, voorsitter van die Bilderbergers. Enkele Jare gelede is hy opgevolg deur prins Philip van die Britse koningshuis.
DIE GELDMAG (6)
B M Schoeman
Lees reeks by Die Geldmag
COUNCIL ON FOREIGN RELATIONS
Agter die huidige Amerikaanse aanslag op die Afrikanerdom sit daar etlike geheime organisasies, waarin die verteenwoordigers van die groot geldmag saamgetrek is. Maar dit is veral een wat in die middelpunt staan: die Council on Foreign Relations (CFR). Voor hom het hy etlike frontorganisasies en agter hom lê dieper verskuilde organisasies. Van sy frontorganisasies waarmee Suid-Afrika regstreeks te doen het, is die belangrikste die United States-South Africa Leader Exchange Programme (USSALEP) en die African-American Institute (AAI). Maar daarnaas is bv. die Ford Foundation en die Carnegie Endowment for International Peace, wat oënskynlik onafhanklik is, maar ook vanuit die CFR beheer word.
DIE WOORDE UIT ONS MOND
Hannes Ollewagen
Ps. 10:1-18
“Sy mond is vol van vloek en van bedrog en verdrukking; onder sy tong is moeite en onreg.” (:7).
Geliefdes, die psalmdigter beskryf vir ons die woorde uit die mond van ‘n goddelose mens. Ja, ‘n mens wat God nie in sy hart vrees en liefhet nie se woorde getuig ook hiervan. Onse Here Jesus Christus leer ons in Lukas 6:45 dat ‘n mens se woorde tot ‘n groot mate getuienis lewer van wat in daardie mens se hart aangaan.
“Die goeie mens bring uit die goeie skat van sy hart te voorskyn wat goed is; en die slegte mens bring uit die slegte skat van sy hart te voorskyn wat sleg is; want uit die oorvloed van die hart spreek sy mond.”
Geliefdes, die goddelose rig met sy mond verderf en vernieling in God se Skepping hier op aarde aan. Hy gee nie om om op onverskillige wyse die harte van ander mense te laat bloei nie.
“Daar is een wat onverskillig woorde uitspreek soos swaardsteke ...” (Spr. 12:18).
Koning Dawid het ook tot God geroep teenoor sulke mense onder wie hy groot ellende gely het.
“Ék moet onder leeus lê, wraakgieriges, mensekinders wie se tande spiese en pyle is, en wie se tong ‘n skerp swaard is.” (Ps. 57:5).
ONTHOU U NEURENBERG?
COVID-REGULASIES ERGER AS KRYGSWET!
Onthou u nog die reeks verhore in Nürnberg, Duitsland, in 1945–46? Hier kom ‘n tweede een, groter as die eerste, word daar gesê. En weer is Duitsland betrokke.
Neurenberg, waarin voormalige Nazi-leiers deur die Internasionale Militêre Tribunaal aangekla en as oorlogsmisdadigers verhoor is, het die Duitse leierskap ontbloot wat die Nazi-diktatuur ondersteun het. Van die 177 beskuldigdes is 24 ter dood veroordeel, 20 tot lewenslange gevangenisstraf en 98 ander gevangenisstraf. Vyf en twintig beskuldigdes is onskuldig bevind. Baie van die gevangenes is vroeg in die vyftigerjare vrygelaat as gevolg van kwytskelding. Tien vooraanstaande lede van die politieke en militêre leierskap van Nazi-Duitsland is gehang. Lord Justice Geoffrey Lawrence, die Britse lid, was die voorsitter van die verrigtinge wat tien maande geduur en uit 216 hofsittings bestaan het. Op 1 Oktober 1946 is 12 argitekte van die Nazi-beleid ter dood veroordeel. Sewe ander is gevangenisstraf opgelê wat wissel van tien jaar tot lewenslank, en drie is vrygespreek.
Dr. Reiner Fuellmich, ’n verbruikersregprokureur van Duitsland en ook aktief in Kalifornië, berei tans die grootste groepsgeding in die geskiedenis voor, 'n tweede NEURENBERG.
DIE GELDMAG (5)
B M Schoeman
Lees reeks by Die Geldmag
DIE 'ROUND TABLE'
Vir ’n Afrikaner wat ’n sin vir die geskiedenis het, was die Rhodes-beurse nog altyd iets wat jy op ’n groot afstand gehou het. Die vroeg gestorwe, skrander dr. Tobie Muller, van Stellenbosch, wat al nasionalisme verkondig het lank voordat die Nasionale Party in 1914 tot stand gekom het, het bv. ’n aanbod van ’n Rhodes-beurs van die hand gewys. So ook die ewe skrander dr. H.F. Verwoerd, wat later Eerste Minister van Suid-Afrika en die skyf van haat van die moderne Rhodes-Milner-politiek geword het. Ander Afrikaners (of juister, Afrikaanssprekendes) het Rhodes-beurse aanvaar. Hulle het al tot in die kabinet gevorder:dr. Hilgard Muller, voormalige Minister van Buitelandse Sake, was een en dr. Piet Koornhof, Minister van Samewerking en Ontwikkeling, is ’n ander. Dit is miskien nie blote toeval dat albei ’n paar jaar gelede deur die Vrymesselaars vereer is met die Orde van Malta nie.
Sulke Afrikaanssprekende Rhodes-beurshouers het na Suid-Afrika teruggekeer, uiterlik soms onveranderd, soms ook nie. Maar moontlik, sonder dat hulle in hulle jeugdige ongevormdheid geweet het, het hulle deel geword van die wye netwerk in die Engelse wêreld waardeur die oogmerke van die Rhodes-beurse bevorder word.
ENTSTOF-CHAOS IN ISRAEL
Dit blyk met meeste lande se verslae dat die Pfizer- en die AstraZenica-entstof by verre die mees skade aanrig terwyl hulle die wêreldbevolking as proefkonyne inspan. Die ander maatskappye is nie vry te spreek nie, selfs hier in Suid-Afrika is die Johnson&Johnson-entstof vir ‘n tyd gestaak nadat talle newe-effekte gerapporteer is.
Volgens die data van die Sentrale Buro vir Statistiek was daar in Januarie-Februarie 2021, op die hoogtepunt van die Israelse massa-inentingsveldtog, 'n toename van 22% in die totale sterftesyfer in Israel in vergelyking met die vorige jaar. In werklikheid was Januarie-Februarie 2021 die dodelikste maande van die afgelope dekade, met die hoogste totale sterftesyfers vergeleke met ooreenstemmende maande in die afgelope tien jaar.
DIE GELDMAG (4)
B M Schoeman
Lees reeks by Die Geldmag
Geheime aanslag uit die VSA
In die voortgesette volgehoue aanslag wat vandag nog teen pres. Kruger se nalatenskap gevoer word, verbaas een ding ’n mens telkens. Dit is die aanmatigende houding van die Engelse gevestigdheid teen geheime organisasies in die Afrikanerlewe. Die meriete of andersins van geheime organisasies daargelaat, die feit is dat die huidige aanslag teen Suid-Afrika byna geheel en al op geheime organisasies rus en vanuit binnekamers gevoer word waartoe slegs ’n klein groepie mense toegang het; dat die geheime Rhodes Trust vandag nog op geheime wyse die oorlog, net met ander middele, teen die Afrikanerdom voer; dat allerlei frontorganisasies in die Anglikaanse wêreld bestaan waaragter die geheime stryd om die Afrikanervolk te onderwerp, voortgesit word.
DIE GELDMAG (3)
B M Schoeman
Lees reeks by Die Geldmag
DIE WESE VAN DIE STRYD
Suid-Afrika was nog nooit gevrywaar van die mag en die bedreiging van die geldmag nie. Trouens, die Afrikanervolk het in die verlede, net soos vandag, op verskillende maniere met hierdie vyand kennis gemaak, selfs in die vorm van ’n bloedige oorlog waardeur die Afrikanernasie byna uitgewis is. Vandag maak die geldmag nie meer van oorloë gebruik om sy oogmerke in Suid-Afrika te bevorder nie, maar dit beteken nie dat hy minder berekend te werk gaan nie. Teen die einde van die vorige eeu was dit Rhodes en Milner en hulle handlangers wat hulle teen die Afrikanerdom gerig en ’n vernietigende oorlog teen die Afrikaner ontketen het om sy land en sy rykdom te verower. Vandag word nog dieselfde stryd deur die opvolgers van die Rhodes-Milnerpolitiek teen die Afrikanervolk gevoer — net met ander middele. Die ideale en strewes van Rhodes en Milner is steeds die ideale van hulle opvolgers in Suid-Afrika en hulle belangrikste wapen teen die Afrikaner bly steeds hulle groot rykdomme en ander middele, soos die pers, wat hulle met hierdie rykdom ingepalm het.
DIE GELDMAG (2)
B M Schoeman
Lees reeks by Die Geldmag
SAAM IN DIE RAND CLUB
Ondersoek na die werkinge van die geldmag en die invloed wat dit op die politieke mag uitoefen, is vandag nie ’n baie gewilde onderwerp nie. Dit was trouens nog nooit ’n gewilde onderneming nie, want as daar een ding is wat die verteenwoordigers van die groot geldmag soos die pes haat, is dit dat hulle planne, hulle skemas, hulle knoeiwerk onder die soeklig geplaas moet word. Dit het verder ’n ongewilde onderwerp geword, omdat die massa-media, wat grotendeels deur hierdie geldmag beheer word, ’n beeld van die rykes en die super-rykes opgebou het van onaantasbare wesens. soort godjies, wie se dade en planne nie bevraagteken mag word nie. Hulle het ’n soort ekonomiese herrenvolkie geword wat verhewe bo enige kritiek is.
Selfs sommige politieke leiers duld nie enige kritiek op die verteenwoordigers van die geldmag nie, dikwels omdat hulle self vasgevang is in die net van hierdie geldmanne, of weet dat hulle politieke voortbestaan deur hierdie mense beheer word.
DIE GELDMAG (1)
Baie mense hoor nou eers van terme soos Die Nuwe Wêreldorde, 'n Een Wêreldregering en Die Geldmag. Dit is terme wat nou dikwels gebruik word vandat die Covid-virus sy skielike verskyning gemaak het en ons dit met mekaar verbind. Maar daar is baie lank gelede reeds uitstekende werke oor die Geldmag, die superrykes van die wêreld geskryf. Van een daarvan is Beumont Schoeman die outeur en is dit nou die regte tyd om dit weer deur te werk om sodoende 'n beter begrip te kry van wat presies nou vir ons voor die deur lê.
B M Schoeman
Lees reeks by Die Geldmag
Van Rhodes tot Oppenheimer
Dit was Benjamin Disraeli, voormalige Eerste Minister van Brittanje, wat gesê het: “Die wêreld word vandag regeer deur heeltemal ander mense as wat diegene glo wat nie agter die skerms is nie.” En dit was die bekende lord Bryce wat in sy Modern Democracies geskryf het: “Die demokrasie het nie ’n meer volhardende en verraderlike vyand as die geldmag nie... Daardie vyand is gedug omdat dit in die geheim deur middel van oorreding of misleiding werk, eerder as deur mag en so mense niksvermoedend betrek. Dit is oral ’n gevaar vir enige goeie regering.”
Ander skrywers en politieke leiers van naam voor en ná hulle het die invloed en bedreiging van die groot geldmag ewe oortuigend geïdentifiseer en die standpunt van C. Rothschild, een van die magtige Rothschild-familie, bevestig toe hy verklaar het: “Gee my beheer oor die rykdomme van ’n land en ek gee nie om wie die wette van die land maak nie.” Abraham Lincoln het in sy stryd teen die magte van die suidelike state van Amerika gesê: “Ek het twee groot vyande: die Suidelike leër voor my en die groot finansiële instellings agter my. Van die twee is die een agter my my grootste vyand.” Vir die groot geldmag was Lincoln ’n stuikelblok in die verwesenliking van hulle oogmerke en daarom is hy gewelddadig van die toneel verwyder.
SKOKKENDE VERSLAE VAN BEROERTES, MISKRAME, STERFTES ENS AGV INENTING
Soos verwag veroorsaak die mRNS-inspuitings chaos deur die wêreld. Dit is nou die sogenaamde entstof teen die Covid-19-virus. Uiteindelik sal baie meer mense daarvan sterf as wat van die virus gesterf het. Die newe-effekte van die inspuitings mag dalk selfs meer wreed wees as die dood self. Intussen dwing regerings op verskeie wyses dit steeds op hulle bevolkings af. President Biden het selfs nou gesê mense mag sonder maskers uit hulle huise kom indien hulle die inspuiting gehad het.
Onlangse verslae van die UK Medicines Agency en die UK's Medicines Regulatory Agency onthul nog meer newe-effekte van die sogenaamde entstof. Dit is nadat hulle ‘n ‘geelkaart’-stelsel ingestel het waarvolgens “ingeêntes” hulle simptome kan aanteken. In Brittanje is mense ingespuit met AstraZeneca, Moderna en Pfizer / BioNTech. Ongeveer twee derdes van die kennisgewings en byna 60 000 individuele antwoorde in die geelkaart-skema hou verband met Pfizer / BioNTech se entstof. AstraZeneca vul die res. Alhoewel die entstof Moderna ook sedert 8 Januarie in die Verenigde Koninkryk gelisensieer is, word dit nie in die regeringsverslag genoem nie.
Teen einde Januarie is daar reeds oor die 100 000 newe-effekte gerapporteer. Behalwe honderde sterftes het sommiges blind geword, talle miskrame het plaasgevind, ander het gesigsverlamming, verlamming in ander dele van die liggaam en baie pyn ervaar. Volgens Epoch Times is die ergste die bloeding. Tot meisies van een jaar oud het vaginaal begin bloei. Meisies en vroue het berig dat hulle menstruele siklus totaal deurmekaar is deurdat hulle aanmekaar en oorvloedig bloei. Mense bloei ook deur hulle oë en neuse.
HOE LYK JOU GEESTELIKE FONDAMENT?
Ds A.E. van den Berg
“Skiet die biesie op waar geen moeras is nie? Groei die riet sonder water? So gaan dit met almal wat God vergeet, en so vergaan die verwagting van die goddelose; sy hoop is afgesny en die voorwerp van sy vertroue is ’n spinnerak. Hy steun op sy huis, maar dit bly nie staan nie; hy klem hom daaraan vas, maar dit hou geen stand nie” (Job.8:11,13-15).
Om ʼn huis te koop of te laat bou kos baie en is mense soms puntenerig met so ʼn koop. Maar, waarna kyk mense as hulle huis koop? Gewoonlik na alles behalwe die belangrikste – die fondament. Die mure, dak, vloer en binne afwerkings kry meer aandag. Dis soos ʼn man wat ʼn vrou trou net omdat sy mooi is. Alles gaan om die uiterlike. As dit reg is, is die wêreld reg.
So is dit ook met baie mense; as dit op stoflike gebied goed gaan, is alles reg. ʼn Dak oor die kop, ʼn betroubare voertuig en paar rand in die bank en die lewe is goed. Maar wat van die geestelike lewe? Is alles daar ook reg? Dit gebeur so dikwels dat as dit op stoflike gebied skielik sleg gaan, God daarvoor verkwalik word asof Hy mense ʼn gemaklike lewe skuld.
DAAR IS VIR ONS GENESING IN CHRISTUS
Hannes Ollewagen
Lukas 5:17-26
“En daar het manne ‘n mens wat verlam was, op ‘n bed gebring, en hulle het probeer om hom in te bring en voor Hom neer te sit. En toe hulle vanweë die skare geen kans sien om hom in te bring nie, klim hulle op die dak en laat hom met die bed afsak deur die panne tussen die mense in en voor Jesus. En toe Hy hulle geloof sien, sê Hy vir hom: Mens, jou sondes is jou vergewe.” (:18-20).
Ons lees hier van ‘n man wat vir geruime tyd deur verlamming aan bande gelê is. Hierdie verlamming sou hom natuurlik van baie dinge in die lewe weerhou. Daar sou baie dinge wees wat hy a.g.v. hierdie verlamming eenvoudig net nie kon doen nie. Hierdie man het egter van Christus gehoor en hom op Jesus beroep om van hierdie verlamming verlos te word. Hy het ‘n vaste geloofsvertroue gehad dat Jesus by vermoë is om hom te verlos – daarom dat hy en die manne wat hom na Jesus neem geen steen onaangeraak laat bly om uiteindelik tot Christus te kom nie. Dit was vir hulle nie ‘n vinnige en maklike besoek en alles was oor en verby nie. Dit het vir hulle gelyk asof hulle nie by Jesus sou kon uitkom nie. Hulle vaste geloof in die redding wat Christus kan bied, het hulle egter met vasberandenheid laat volhard totdat hulle uiteindelik hierdie verlamde voor Christus kon neerlê. Christus eer hierdie verlamde man vir sy vaste, bewonderingswaardige geloofsvertroue in Hom en staan hom sy versoek toe. Sy geloof word deur Christus beloon.
STAKINGS, OORLOË EN ‘N WONDERWERK
Oorlog, opstand en stakings het huishoudelike woorde geword. Tans dreig die grootste staking wat Suid-Afrika nog ooit beleef het. Selfs mediese personeel gaan heel moontlik daaraan deelneem. Dit kan begin as klein groepe wat sal uitbrei tot ‘n massiewe landswye staking waar noodsaaklike lewensmiddele en selfs geen brandstof beskikbaar sal wees nie.
Let ook op die plaaslike en internasionale nuusberigte – toenemende anargie; een van die kenmerkende eindtekens van die naderende wederkoms van Jesus Christus.
Siener van Rensburg en Johanna Brandt het ‘n honderd jaar gelede albei voorspel dat daar nog ’n bloedige stryd, groot rampe, pessiektes en ellende vir Suid-Afrika in die verre toekoms voorlê. Dit sou begin met ’n reeks stakings hier plaaslik wat een van die grootstes denkbaar sou wees, en dan volg’n oorlog in Europa. “En julle sal hoor van oorloë en gerugte van oorloë. Pas op, moenie verskrik word nie….Want die een nasie sal teen die ander opstaan en die een koninkryk teen die ander…En omdat die ongeregtigheid vermeerder word, sal die liefde van die meeste verkoel…” (Mt.24:6,7 en 12).
Ook groot natuurrampe sal wêreldwyd voorkom.
NOG ‘N MARTEL- INSTRUMENT AAN DIE KOM
Die vyandelike aanslae om die mensdom onder die antichris se komende Een Wêreldregering te plaas brei by die dag verder uit. Nou is daar ‘n nuwe mikroskyfie , ‘n klein sensor wat onder die vel ingebed kan word. Die voorgehoue doel daarvan is glo om chemiese reaksies in die liggaam op te spoor wat kan aantoon of ‘n persoon besmet is met 'n virus soos COVID-19 of griep nog voordat daar enige simptome voor kom. Dit bestaan uit ‘n gel, genoem hidrogel, wat 'n DARPA-uitvinding is en nanotegnologie en nanobotte insluit. Hierdie "bio-elektroniese koppelvlak" is deel van die COVID-19 mRNS-entstowwe se afleweringstelsel. Die bioskyfie wat deur Profusa ontwikkel word, is soortgelyk aan die voorgestelde COVID-19-mRNS-entstowwe omdat dit hidrogel gebruik.
Die inplantaat is die grootte van 'n ryskorrel en is gekoppel aan 'n aanlyn databasis wat die veranderinge in u biochemie en 'n wye verskeidenheid biometrieë, soos hart- en asemhalingstempo, sal aantoon.
WAT IS DIE ‘GREAT RESET’ WAAROOR GEPRAAT WORD?
Wat is hierdie 'Great Reset' of dan Groot Herstel, waarvan ons nou so dikwels hoor?
In 'n neutedop verwys die Great Reset na 'n wêreldwye agenda om die wêreld te monitor en te beheer deur middel van digitale toesig.
Dit is geen samesweringsteorie nie. Die plan is in die oopte. Soos opgemerk deur die tydskrif Time, "Die COVID-19-pandemie bied 'n unieke geleentheid om na te dink oor die soort toekoms wat ons wil hê." Dieselfde verklaring is die afgelope maande deur talle politici en organisasies regoor die wêreld gelewer.
Soos verduidelik deur joernalis James Corbett in sy Corbett-verslag op 16 Oktober 2020, is die Great Reset 'n nuwe 'sosiale kontrak' wat elke persoon daaraan verbind deur middel van 'n elektroniese ID wat gekoppel is aan u bankrekening en gesondheidsrekords, en 'n sosiale krediet-ID wat uiteindelik elke faset van u lewe sal dikteer.
Professor Klaus Schwab, stigter en uitvoerende voorsitter van die World Economic Forum, wat die boek oor die vierde industriële revolusie geskryf het, het die Groot Reset-inisiatief van die Wêreld Ekonomiese Forum in Junie 2020 aangekondig, wat insluit dat alle mense van hul bates in private besit gestroop word, en hy het gepraat van 'n nabye toekoms waarin mense saamsmelt met masjiene en waarin wetstoepassers ons gedagtes sal kan lees.
Dit gaan daaroor om van kapitalisme en vrye klein ondernemings ontslae te raak, en dit te vervang deur 'volhoubare ontwikkeling' en 'belanghebbende-kapitalisme'.
AS DIE TEENOORGESTELDE GEBEUR
Heyns se dodelike misgissing
Ds. A.E van den Berg
Johan Heyns was van 1986-1990 moderator van die NG Kerk wat vir baie jare ʼn morele en teologiese ondersteuner van die regering se apartheidsbeleid was. Toe hy in 1980 by die kritiek teen die kerk se ondersteuning van apartheid betrokke geraak het, was die skrif aan die muur – die kerk gaan dit spoedig afsweer. Heyns het in tussentyd aan Kerk en Samelewing gewerk, ʼn dokument wat in 1986 na sy verkiesing as moderator, as nuwe beleidsrigting aanvaar is.
Voor dit het talle internasionale kerkorganisasies die NG Kerk se teologiese en morele verdediging van apartheid as kettery en teenstrydig met ʼn kerk se Gereformeerde karakter veroordeel wat haar geloofwaardigheid in gedrang gebring het.
Die Algemene Sinode het in 1982 teen hierdie agtergrond vergader en die status quo gehandhaaf. Dit was vir Heyns en sy vrysinnige bondgenote ʼn geweldige teleurstelling en as ʼn hindernis op die weg van sg versoening betreur.
Heyns was een van agt hoëprofiel teoloë wat hul besorgdheid oor die NG Kerk se skynbare magteloosheid om versoening tussen blankes en swartes te verwesenlik, uitgespreek het. Die kerk was basies in twee kampe verdeel; voor- en teenstanders van verandering. Eersgenoemdes was daarvan oortuig dat as die NG Kerk apartheid nie afsweer nie, geen vreedsame oplossing vir Suid-Afrika se rassespanning bereik kon word nie. Sy was die gewete van die volk.