Gedagtes vir elke dag
Of lees almal by Gedagtes vir elke dag
Here, gee dat ons kinders verby ons as ouers sal kyk en saam met ons 'n hemelse Vader sal raaksien wat 'n Herder is vir sy kudde en hulle lei na waters waar rus is.
BID VIR N JONATHAN
... OPREGTE VRIENDE BEMOEDIG JOU IN NOOD
Ds AE van den Berg
Lees reeks by Artikels: Ds Andrè vd Berg
"Die Boerevolk gaan sy vryheid binnekort herwin, maar nie sonder stryd nie. Dit gaan donker word en ons gaan mekaar nodig hê. Vriendskap gaan goud werd wees... Ons volk is verdeeld en daar is oorlog in die lug. Daar is twee groepe: enersyds volksgenote met sterk konserwatiewe lewensbeginsels wat aan geen volksvyandige kerk of kultuurorganisasie behoort nie..."
“Daarop het Jonathan, die seun van Saul, hom klaargemaak en na Dawid in Hores gegaan. En hy het hom bemoedig in God…” 1 Sam.23:16
Oorlog, opstand en stakings het huishoudelike woorde geword. Let op die plaaslike en internasionale nuusberigte – toenemende anargie; een van die kenmerkende eindtekens van die naderende wederkoms van Jesus Christus. “En julle sal hoor van oorloë en gerugte van oorloë. Pas op, moenie verskrik word nie….Want die een nasie sal teen die ander opstaan en die een koninkryk teen die ander…En omdat die ongeregtigheid vermeerder word, sal die liefde van die meeste verkoel…” (Mt.24:6,7 en 12).
Aan die einde van die tyd sal nog ’n vorm van oorlogvoering uitbreek: die lelikste burgeroorlog, wanneer volksgenote die wapen teen mekaar opneem!
“En die een broer sal die ander tot die dood oorlewer en die vader sy kind, en die kinders sal teen hulle ouers opstaan en hulle doodmaak” (Mark.13:12).
WIE ÍS HY TOG?
Hannes Ollewagen
Markus 4:35-41
“En ‘n groot vrees het hulle oorweldig, en hulle het vir mekaar gesê: Wie is Hy tog, dat selfs die wind en die see Hom gehoorsaam is!” (:41).
Geliefdes, is dit nie ‘n interessante vraag wat Jesus se dissipels in vers 41 van ons gelese gedeelte stel nie – “... Wie is Hy tog,? ...”. Dit is die dissipels van Christus wat hierdie vraag stel – mense wat elke dag saam met Hom geleef en gewandel het. ‘n Mens sou verwag dat húlle meer as enigeen sou weet Wie Hy tog is. Ja, ‘n mens sou verwag dat daar by hulle geen twyfel oor Christus se Goddelikheid sou bestaan nie. Hulle het tog al soveel wonderwerke deur sy Hande sien plaasvind. Hulle het tog al die suiwer, kosbare leringe uit sy Mond gehoor. Hulle het tog al soveel ervaring van sy wonderlike Mag gehad. En tog tree hierdie dissipels van Christus op so ‘n wyse op asof hulle nie in teenwoordigheid van die Almagtige in hulle toestand van nood is nie. Ja, hulle tree op asof hulle nie weet Wie dit is wat saam met hulle in die skuit op die see met die storm rondom hulle is nie.
GRONDBENUTTING
Leer van ʼn Farao
Ds. A.E van den Berg
“Die weg van ’n dwaas is reg in sy eie oë, maar die wyse luister na raad” (Spr.12:15).
Die regering se dreigemente van grondonteiening sonder vergoeding is niks anders as roof wat op die nodige wetgewing wag nie. Dwase politici glo vas dat dit die sg. Onregte van die verlede sal regstel en ekonomiese voorspoed vir die land beteken.
Ramaphosa het in 2018 gesê dat onteiening sonder vergoeding Suid-Afrika in ʼn tuin van Eden gaan verander. Die geskiedenis leer egter dat drome nie huise bou nie en dat onwerklike verwagtinge gereeld skipbreuk ly. Sulke lugkastele kom nie verder as die kelderverdieping nie.
In Genesis het die maer koeie in die Farao se droom die vettes opgevreet en ʼn ramp veroorsaak. Dit gaan ook aan die suidpunt van Afrika gebeur. Die rigting waarop die ANC-regering afstuur, kan geen tuin van Eden oplewer nie, maar eerder nog kommissies van ondersoek, waarvoor belastingbetalers moet opdok.
Ons land lê met tragiese landboumislukkings besaai. Al hoe meer produktiewe plase gaan tot niet weens opkomende boere wat so goed as niks laat opkom nie. Ramaphosa se geïdealiseerde tuin van Eden lewer slegs dorings en distels op. ʼn Eertydse minister van landbou skat die grondmislukkings op minstens 90%!
WANDEL ONS IN DIE VREES VAN DIE HERE?
Hannes Ollewagen
Neh. 5:1-19
“Verder het ek gesê: Dit is nie goed wat julle doen nie. Moet julle nie in die vrees van onse God wandel ter wille van die smaad van die heidene, ons vyande, nie?” (:9).
Geliefdes, hoeveel vrees vir die HERE is daar in ons tyd nog in mense se harte? Ek wil selfs vra of ons weet wat dit beteken om die HERE te vrees? Ons lees op soveel plekke in die Woord van die HERE hiervan, maar weet ons wel wat dit van ons vereis? Ja, luister na die opdrag uit Ps. 2:11:
“Dien die HERE met vrees, en juig met bewing.”
Dit klink nogal na ‘n teenstrydigheid – om met vrees te dien en om met bewing te juig, nie waar nie? Josua gee ook hierdie bevel aan die volk Israel in die woorde van Jos. 24:14:
“Vrees dan nou die HERE en dien Hom in opregtheid en waarheid ...”
Ons moet dalk begin vra wat dit beteken om die HERE te vrees. Is dit dat ek met soveel angs en ontsetting vervul is met die aanhoor van sy Naam dat ek nie eers aan Hom kan dink nie? Alhoewel die HERE onse God só almagtig, verhewe en wonderbaar is dat ons met die aanhoor van sy Naam behoort te sidder, is hierdie nie die vrees waarvan ons leer nie. Ons lees in Exodus 14 hoedat Israel kon aanskou hoedat God Farao se hele leërmag binne-in die see gestort en vernietig het. Ja, hierdie grote, magtige en gedugte leërmag is geheel en al, op een slag, deur die HERE vernietig. En by aanskoue hiervan is die volk met ontsag vir God vervul. Ja, hulle is met vrees vir Hom vervul.
WhatsApp, DIE god VIR MENSLIKE UITSPRAKE
WhatsApp is deesdae die media wat besluit of mense die reg het om iets te sê al dan nie. Natuulik nie die enigste nie maar op die oomblik het Gelofteland sy mes in vir WA. Oor ons nie sameswerende teorieë plaas nie maar daarvan beskuldig word en hulle dit nie kan bewys nie, word ons doodeenvoudig in stilswyende gevangenisskap geplaas. of is dit dalk of ons beter kan skryf en spel as hulle... Nietemin, hierdie gevangenisskap is sowat 'n week gelede in werking gestel en is Gelofteland nou ook 'n gevangene, logies né, as gevolg van die waarheid wat ons verkondig en die duiwel vir wie ons uitgemaak word. Moet sê, dit is nogal 'n kompliment om deur sulke hogere skurke as 'n gevaar beskou te word...
"Die regsdeskundige Emma Sadleir, waarnemende sosiale media, het gewaarsku dat Suid-Afrikaners wat op WhatsApp of Twitter boodskappe aanstuur wat op Facebook of Twitter hou, of hulle strafregtelik kan vervolg. (Wou nie hulle swak sinkonstruksie korrigeer nie - Red)
"By skuldigbevinding is 'n persoon strafbaar met 'n boete of gevangenisstraf vir 'n tydperk van hoogstens ses maande, of 'Ons het wel arrestasies gesien en vervolgings,' het Sadleir gesê.
"Sy het bygevoeg dat tegnologiese ingrypings - soos om WhatsApp-video en beeldmateriaal se aanstuur na een persoon tegelykertyd te beperk - ook die verspreiding van vals nuus beperk het."
Daar het hulle ons! Of is dit dat ons nou vir hulle het... Ja, hulle het ons videos en beeldmateriaal se ontvangs gestop, dalk ook ander s'n, veral as jy die waarheid plaas...
Maar ons sal dit ook oorleef!!
WETTELOOSHEID...
...het 'n chaotiese samelewing op aarde geskep
Stephanus Hennig
"Kan 'n maghebber heerskappy voer oor 'n volk sonder enige reël? Kan 'n volk voortbestaan as daar geen regering is om hulle as 'n eenheid te rig nie? As hierdie dinge moontlik is, waarom kan die publiek nie toegelaat word om hulle eie reg te verdedig, en hulleself te wreek op misdadigers nie? Selfs onder die vervalle humanistiese regerings van die aarde word so iets nie toegelaat nie, want dit sal in algehele chaos eindig. Daarom is sentrale regering nodig om 'n sentrale riglyn te verteenwoordig onder die volk."
Die regering van God, in die hemel sowel as op die aarde, kan nie anders geskied as deur wetgewing nie. God verklaar Homself as heilig! Dit wil sê: as een wat die wet van die geregtigheid vervul. "Heilig" kan tog geen ander betekenis hê, as sondeloos nie. Soos die woordeboek dit verklaar – sonde is om die wet te verbreek. Daarom word sonde wetteloosheid genoem. - Joh.3:4.
As sonde dan wetteloosheid is, dan moet ons aanvaar dat die duiwel en sy magte vyande is van die wet van God. Hulle het sonde in die skepping ingebring, en daarom die wet van God weerstaan, en in II Thes.2:8 noem Paulus die antichris "die wettelose" (avojuoa), en in vers 7 van dieselfde hoofstuk noem hy hulle bedrywigheid "wetteloosheid" (avojuoo), dieselfde woord wat in I Joh.3:4 gebruik word.
PASOP VIR ‘N GEES VAN VREESAGTIGHEID!
Ds A.E. van den Berg
“Want God het ons nie ’n gees van vreesagtigheid gegee nie, maar van krag en liefde en selfbeheersing” (2 Tim.1:7).
Wanneer jy in die bosveld is en dit donker word, hoor jy naggeluide waarvan sommige jou selfs onrustig kan maak. As jy egter by ʼn kampvuur sit en die vuur brand hoog, hoor jy amper niks daarvan nie. As die vuur begin uitbrand, word jy al hoe meer van die naggeluide en moontlike gevare wat dit inhou bewus. Hoe kleiner die vuur, hoe swarter en gevaarliker word die nag.
Dis ook van die geestelike lewe waar. Vrees groei die weligste in beproewing en as dit donker in jou lewe word. Hoe sterker die vuur van die Heilige Gees in ons lewe brand, hoe minder vrees is daar. Hoe flouer dit brand, hoe banger word ons vir die lewe en ontwikkel makliker ’n gees van vreesagtigheid.
Paulus skryf aan Timoteus, ’n jongman wat die Evangelie verkondig en die wind van die heidene sterk van voor gekry het. Dit het hom soms so bang laat word, dat hy wou ophou preek. Paulus skryf in ’n tweede brief aan hom:
“Want God het ons nie ’n gees van vreesagtigheid gegee nie, maar van krag en liefde en selfbeheersing. Skaam jou dan nie oor die getuienis van onse Here….maar ly saam verdrukkinge vir die evangelie…” (2 Tim.1:7,8).
GELOWIGES EN VERVOLGING
ʼn Onvermydelike werklikheid
Ds. A.E van den Berg
Inleiding
Nie alle mense neem met die verkondiging van die waarheid van God se Woord genoeë nie. Dis vir talle ʼn hindernis wat liefs uit die weg geruim moet word. Die gevolg is dat Evangelie-verkondigers van meet af aan vervolg en in baie gevalle selfs gedood is. Jesus eindig sy saligsprekinge met:
“Verbly en verheug julle omdat julle loon groot is in die hemele; want so het hulle die profete vervolg wat voor julle gewees het” (Mt.5:12).
In Stefanus se verdediging voor die Joodse raad sê vir hulle:
“Watter een van die profete het julle vaders nie vervolg nie?...” (Hand.7:52).
Jesus sê:
“Daarom het die wysheid van God ook gesê: Ek sal profete en apostels na hulle stuur, en van dié sal hulle doodmaak en vervolg” (Luk.11:49).
Die haat vir waarheidsverkondiging sal tot die wederkoms van Christus voortduur.
UIT DIE PERD SE BEK!
“Daar is geen noodgeval nie, wat 'n voorvereiste is om EUA- en EUA-hernuwings vir COVID-entstowwe uit te reik. Daar is geen ernstige of lewensbedreigende siekte of toestand nie”.
Amerika se frontliniedokters voer federale regsgedinge om toediening van die sg Covid-entstowwe stop te sit.
Volgens 'n persverklaring vra AFLDS om die toediening van eksperimentele COVID-entstowwe onmiddellik te staak by enigiemand van 18 en jonger, almal wat herstel het van COVID en natuurlike immuniteit verkry het, en elke ander Amerikaner wat nie ingeligte toestemming ontvang het soos omskryf deur die federale wetgewing nie.
"Ons sal sien of die korrupte Amerikaanse instansie 'n hoër hof sal aanvra om die beslissing te keer," sê Senator Paul Craig Roberts:
“Dit blyk dat my begrip, na deeglike bestudering van die Covid-inligting, korrek is. Die amptelike aangemelde gevalle en sterftes is 'n bedrogspul, en die entstof is gevaarliker as die virus.
“Amerika se Frontline-dokters het 'n federale geding ingedien om die noodgebruik van ongetoetste en ongekeurde entstowwe op drie groepe mense te stop.
“Ons sal kyk of Big Pharma ook die howe besit...
Daar is gelieg deur mediese burokrate soos Fauci by NIH en Rochelle Walensky by CDC, deur die mediese instelling, deur onkundige politici, en sosiale media. Die vraag is: het hulle dit uit onkunde of doelbewus gedoen? Gaan dit oor ons gesondheid of oor die wins van Big Pharma, of die regering se beheer oor mense en miskien donkerder agenda's soos die vermindering van die bevolking en die "Great Reset" van die WEF?”
SOLIDARITEIT SE GLASSTOELE
Die Solidariteit Navorsingsinstituut het glo in ʼn omvattende wetenskaplike verslag bevind dat entstowwe ʼn doeltreffende en veilige manier is om die Covid-19-plandemie te beëindig. Sterk kritiek word ook op die regering se sentrale beheer van die entstofprogram gelewer en nou word die publiek deur Solidariteit opgesweep om hulle stemme dik te maak.
Volgens Flip Buys, voorsitter van die Solidariteit Beweging, wat met groot vertoon homself voor die hele land laat inspuit het (al was dit heel moontlik soutwater soos ook Ramaphoza gedoen het), gaan groot getalle van die Solidariteit Beweging se lede en ander Suid-Afrikaners binne die volgende weke glo ʼn keuse oor entstowwe moet maak.
Nou ja, hier kom een van die groot leuens van die tyd: “Die data wys een risiko uit wat baie groter is as entstowwe vir die meeste mense: dit is om nié entstowwe te gebruik nie.”
Nog een: “Die data wys dat die aansprake dat groot getalle mense doodgaan as gevolg van entstof, eenvoudig nie waar is nie. Die risiko vir bloedklonte en hartverwante newe-effekte is klein. Die meeste newe-effekte wat aangemeld is, is lig en stem ooreen met enige ander entstof.”
Volgens die verslag waarvan Solidariteit praat, is glo bevind dat entstowwe wel doeltreffend is.
Ja, regte entstowwe, mnr Buys, wat gemaak is van of lewende of dooie virusse soos regte wetenskaplikes weet om te doen, nie inspuitings van geaborteerde fetusse, elektromagnetiese- en giftige grafeen-oksiedstowwe nie. Dít, mnr Buys, is nie entstof nie, dit is bio-moordwapens, en dit het nie per ongeluk onstaan nie, dit is bedoel om ‘n bevolking van 7.5 biljoen tot 500 miljoen te verminder sodat die Geldmag wie se doen en late jy nou napraat, ‘n maklik beheerbare Eenwêreldregering tot stand kan bring. Maar ons mors ons asem hier want jy weet sekerlik al hierdie dinge, mnr Buys, jy mag baie dinge wees maar onnosel is nie een daarvan nie.
NAVORSINGSPAN WIL ‘INENTING’ ONMIDDELLIK STAAK!
“Daar is onomstootlike bewyse dat die Covid-19 'entstof' wat grafeen-oksied bevat, 'n patroon van sterftes en beserings wêreldwyd tot gevolg het.”
Ons bring die belangrike onderhoud met Ricardo Delgado Martin, stigter en direkteur van Quinta Columna, onder die aandag van Gelofteland-lesers. Ricardo Delgado Martin het gespesialiseer in biostatistiek, kliniese mikrobiologie, kliniese genetika en immunologie.
Ricardo is verantwoordelik vir die koördinering van die Spaanse navorsingspan se ontleding van die impak van grafeen-oksied-nano-deeltjies in die flessie van die mRNA-entstof. Die meeste entstowwe bestaan 98% uit grafeen-oksiek.
Ricardo Delgado Martin het in opdrag van die Spaanse navorsingspan aanbeveel dat die Covid-19 eksperimentele mRNA-entstof gekanselleer en onmiddellik gestaak moet word.
Die resultate van hul analise deur elektronmikroskopie en spektroskopie is verreikend. Grafeen-oksied is 'n gifstof wat trombose en bloedstolling veroorsaak. Dit het ook 'n impak op die immuunstelsel. Grafeen-oksied wat in die longe opgehoop word, kan verwoestende gevolge hê.
WEE JOU O LAND, AS JOU KONING 'N DEUGNIET IS!
Voorwaar sien ons in die Woord van God hoe Suid-Afrika geoordeel kan word aan wat die Skrif sê en die prentjie word al meer donker. Met dank aan Stephanus Hennig vir hierdie bydrae:
Kan ons dit weg redeneer, gebeure wat afspeel soos 'n sprokiesverhaal voor mense-oë! Reg, het verkeerd geword en verkeerd, het reg geword.
Hulle dwaasheid, hul sotheid tot in die hoogste kringe van hulle samesweringe, gaan geopenbaar word en binnekort uitbars in 'n menseslagting soos nog nooit tevore nie.
Wéé jou o land, as jou koning 'n deugniet is. Wéé die aardbewoners, hulle soek na vrede, maar vind dit nêrens.
'n Koning hou deur reg die land in stand - Spr 29:4.
Só 'n koning is lofwaardig, want die volk se vrede dra hy swaar op sy gemoed.
WAARIN Lê ONS ROEM?
Hannes Ollewagen
Jer. 9:1-26
“So sê die Here: Laat die wyse hom nie beroem op sy wysheid nie, en laat die sterke hom nie beroem op sy sterkte nie, laat die ryke hom nie beroem op sy rykdom nie; maar laat hy wat wil roem, hom hierop beroem dat hy verstaan en My ken, dat Ek die Here is wat goedertierenheid, reg en geregtigheid op die aarde doen; want in dié dinge het Ek 'n behae, spreek die Here.” (:23&24).
Geliefdes, ek dink dat die meeste van ons vandag deur hierdie woorde van die Here beskaamd staan. Ek dink dat die meeste van ons met aanhoor hiervan en ‘n eerlike beoordeling van onsself kan ons hoofde in skaamte laat sak. Ons put tog soveel genoegdoening daaruit om te roem. Daar is diegne van ons wat daarvan hou om ons op ons sukses te beroem, diegene wat daarvan hou om ons op ons rykdom te beroem en ‘n ander dalk weer beroem hom op sy wysheid, kundigheid of insig. Ons hoor dikwels hoedat mense op hul kinders roem. Ja, geliefdes, selfs sien ons bewegings wat probeer om duisende of miljoene mense vir gebedsbyeenkomste byeen te roep sodat hulle hul in getalle kan beroem. En tog is die Woord van die Here baie duidelik oor die verkeerdheid van hierdie ydele roem.
“Maar nou roem julle in jul grootpratery. Al sulke roem is verkeerd.” (Jak. 4:16).
EFF EN BENDE MAAK REG VIR REGTE OORLOG
https://www.youtube.com/watch?v=Nn13XR6EoeM
U weet seker van die 1.5miljoen ammunisie-rondes wat in Durban gesteel is tydens die afgelope dae se barbaarse plundery. Die skakel hierbo verskaf meer inligting daaroor.
Daar is goeie rede om te glo dat die EFF die beplanners van hierdie hele roofmisdaad is – plunderende swartes het dit tydens kort onderhoude met TV-joernaliste gedeel en dit was sigbaar op internet vir 'n kort rukkie. U kan selfs nou nog kanaal 403 op internet kyk en luister waar talle van die gebeure sigbaar is.
Wat nog meer skokkend is, is dat die SAP die ammunisiediefstal probeer verswyg het en toe hulle uitgevang word het Beke Chele as troos vanoggend gesê dat hulle darem nou 10 000 rondes terug gevind het. En, o ja, nou is almal weer rustig en gaan ons niks weer daarvan hoor nie!
Maar wat ook waar is; daar is reeds dae verby vanaf die diefstal plaasgevind het en die polisie het ook nie verslag gedoen oor die feit dat die ammunisie reeds na Gagateng vervoer is nie. Nou is selfs die media bekommerd dat hierdie ammunisie gebruik gaan word om verdere oorlog in Gauteng te voer, die eintlike area waar die burgeroorlog volgens die beplanners moet begin.
Waarom was die polisie so afwesig tydens die groot plundering? Wonder iemand wat hulle rol hierin is? Maar al word hulle grootse misdaadrol verswyg, ook deur die media, sal daar uiteindelik duidelikheid wees hoe hulle saam met die ANC en dié se destydse jeugliga wat nou onder die vaandel van die EFF funksioneer, hierdie hele plot beplan en bestuur het. Onthou dat die EFF deur die Britse geheime diens, MI6 miljoene betaal word om die land onregeerbaar te maak sodat die Afrikaner kan ondergaan en die land met sy ondergrondse rykdomme vir hulle beskikbaar sal word. Hulle stryd dwarsdeur die Tweede Vryheidsoorlog wat op 31 Mei 1902 geëindig het toe hulle die Boere nie kon wen sonder om die vroue en kinders te vermoor nie, is nog nie op ‘n einde nie. Hulle haat die Afrikanervolk en wil ons totaal uitwis, want dan is dit maklik om hierdie deurmekaar land op ‘n skinkbord te neem. Die swart volke is nie vir hulle ‘n probleem nie, die VN en NAVO sal vinnig die laastes kom uitroei, solank hulle die ryk ondergrondse stowwe van ons mooi land kan buit.
Maar hulle hou nie tred met die Skepper van hemel en aarde nie, en hulle verrassing gaan baie groot wees wanneer al hierdie landsplundering uiteindelik oorgaan in volskaalse burgeroorlog . Ons grote God laat nie met hom spot nie. Hy sal sy heilige Naam voor alle nasies en volke grootmaak wanneer Hy Suid-Afrika kom reinig van alle onheile. Dit sal onder elke lewende wese in die wêreld se aandag kom dat Hy bestaan, almagtig en in beheer is van alles wat gebeur. Uit respek en vrees vir Hom sal Suid-Afrika eindelik deur ons volksvyande in vrede gelaat word en wag daar ‘n tydperk waarin ons baie hard gaan werk om ons vervalle land op te bou maar terselfdertyd ook in vrede en harmonie te bestaan.
MAG GOD ONS HELP MET SO 'N REGIME!
Regering erken hier dat hulle die chaos die laaste dae in ons land kon keer indien hulle opgetree het.
LUISTER VOOR DIT AFGEHAAL WORD
https://www.youtube.com/watch?v=iHviGZegx5A
IS U OPREG MET GOD
Hannes Ollewagen
Joh. 1:35-52
“Daarop sien Jesus Natánael na Hom toe kom en sê van hom: Hier is waarlik 'n Israeliet in wie daar geen bedrog is nie.” (:48).
Geliefdes, wat ‘n pluimpie is dit nie wat Natánael hier ontvang nie! Só ‘n kompliment van die Seun van God. Die oomblik toe Jesus hierdie man sien, maak hy meldig van hierdie kosbare eienskap van Natánael. Dit is duidelik dat hierdie vir Hom ‘n baie kosbare eienskap in ‘n mens is. Christus stel dit dat Hy kan sien dat daar geen bedrog in Natánael is nie. Hy kom na Christus met ‘n opregte gesindheid en nie met allerhande bybedoelings nie. Hy kom nie na Christus met sy eie motiewe of bedoelings nie, maar in waarheid. Hy is opreg.
Geliefdes, dit is nodig dat ons ook dikwels ons gesindheid teenoor God in oënskou neem. Ja, ons behoort onsself ook die vraag te stel of ons in ons verhouding met God waarlik opreg is. Die mens kan so maklik met valse motiewe en bybedoelings tot God probeer nader. Ons sien in ons tyd hoeveel mense “godsdiens” met ‘n valse motief bedryf, mense wat “God wil dien” omdat hulle graag deur Hom geseën wil word.
GOD’S WAARSKUWING OOR COVID-INSPUITINGS
Anita Joubert
Antwoord aan ’n vriend wat my gevra het oor ons opinie omtrent die inspuiting
Ek het nie professionele mediese kennis nie, maar daar is baie inligting beskikbaar daaroor. Gaan soek dit gerus op die internet.
Wat ek egter kan doen en graag wil doen, is om jou op geestelike gebied te waarsku. Daar is een ding wat ons as Christene baie goed moet besef. Wanneer ons met die werk van Satan te doen het, dan dan moet ons onthou dat Jesus in Johannes 8:44 vir die Fariseërs gesê het dat hulle vader die duiwel is; en dat hy van die begin af ’n moordenaar was. Hy staan nie aan die kant van die waarheid nie, omdat daar geen waarheid in hom is nie.
Toe Eva vir die slang gesê het God het gesê dat hulle nie van die vrugte van die boom in die middel van die tuin mag eet nie, want dan sal hulle sterf, het Satan onmiddellik vir haar gelieg en gesê: “Julle sal beslis nie sterf nie.”
Ons moet vir geen oomblik dink dat die merk van die dier saam met ’n advertensiebordjie gaan kom, waarop geskryf staan: “Kry gerus hierdie merk en gaan dan reguit hel toe,” nie. (Op 14:9). Daar sal verseker daaroor gelieg word en dit sal onder valse voorwendsels gegee word.
COVID EN DIE NUWE WÊRELDORDE
Die Irish Light, ‘n Ierse koerant wat deur gewone burgers gefinansier word, is ‘n tekenende bewys van die groeiende wêreldwye weerstand teen die onderdrukking van menseregte. Die hele Covid-sage het die rol van die Nuwe Wêreldorde (NWO) in hierdie verband behoorlik oopgekrap en word daar nou meer opsigtelik gemeet hoe die wêreldgeldmagte besig is om die globale mensdom te verslaaf. In die Irish Light word die saak soos volg aangespreek:
Die Verenigde Nasies (VN) is heel waarskynlik die mees sigbare uitdrukking van die onderdrukking. Die VN is in 1945 gestig ten einde “nasies te verenig”. ‘n Mens word wysgemaak dat dit voordelig sal wees, maar het u al daaraan gedink dat, as alle nasies/volke verenig sou wees, dit sou beteken dat onafhanklike soewereine nasies nie meer sal bestaan nie? Ons sal dus eindelik onder beheer staan van ‘n Eenwêreld Regering (One World Government), wat beteken dat mag al verder en verder verwyder word van individuele landsburgers.
Die VN het stelselmatig onafhanklike state se aktiwiteite begin oorneem met die daarstel van riglyne vir nasionale beleid wat voorheen die alleenreg en voorreg van elke individuele land was. Die Europese Unie is niks anders nie as ‘n “VN” vir Europa. Vryhede van volke word stelselmatig opgeslurp deur die anonieme, onverkose groepe wat beheer uitoefen oor die VN en die EU.
SO MOOR INSPUITINGS DIE JONGMENSE
Ons bring hierdie verslag van Israel National News wat gebaseer is op die navorsing van vooraanstaande Israeliese wetenskaplikes, onder die aandag van ons lesers.
Israelse navorsers het hierdie week gewys op 'n verband tussen die Pfizer Covid-19-entstof en 'n seldsame outo-immuun-siekte.
Die navorsers, verbonde aan die Departement Hematologie by die Shamir Mediese Sentrum, het gedurende 'n tydperk van een maand 'n verhoogde voorkoms van verworwe trombotiese trombositopeniese purpura (TTP) in Israel gevind en opgemerk dat die gevalle nou voor kom by diegene wat die Pfizer-entstof ontvang het, tot 'n maand vantevore. TTP is 'n bloedversteuring wat lei tot bloedklontvorming in klein bloedvate dwarsdeur die liggaam. Dit lei tot 'n lae plaatjie telling, lae rooibloedselle as gevolg van hul afbreek, en dikwels nier, hart, en brein disfunksie. Simptome kan insluit groot kneusplekke, koors, swakheid, kort van asem, verwarring, en hoofpyn.
Navorser Dorit Blickstein het aan Channel 13 ivm TTP gesê:
'' Dit is ‘n siekte wat in sy klassieke vorm dodelik is - 90% van die siekes sal sterf. Met behulp van nuwe behandelings, wat so vinnig moontlik toegedien moet word, herstel die meeste pasiënte vandag. ”
HIERHEEN IS ONS OPPAD
Indien iemand 'n duideliker prentjie nodig het om te verstaan waarheen die Geldmag met die wêreldbevolking oppad is, kyk gerus hierdie kortfilm. Tans is dit nog fiksie maar nie meer vir lank nie.