Gedagtes vir elke dag
Of lees almal by Gedagtes vir elke dag
Beskou diens aan ander as die huur wat ons vir ons kamer op aarde betaal. Hou jou besig met dinge wat langer as jou lewe sal duur.
GEDAGTE VIR DIE NAG
Alle mense moet sterf. Maar natuurlike oorsake klink meer aanvaarbaar as onnatuurlike oorsake. Die Afrikanervolk kan net so onnatuurlik uitsterf as waarvan Jesus in Luk 13 waarsku dat die res van die volk net so sal sterf soos dié wat reeds vermoor is as die volk hulle nie wil bekeer nie– dit is die voorwaarde. Die oproep tot bekering wat op dowe ore val maak 'n mens bang. Bid dat ons volk vandag sal terugkeer na ons God sodat ons nie almal onnatuurlik hoef te sterf nie!
DIE METAPOLITIEK
Dr Mike du Toit
Die metapolitiek berus op twee belangrike uitgangspunte.
Uitgangspunt 1
Die eerste uitgangspunt sluit aan by die idee van Antonio Gramsci dat politieke mag op kulturele mag berus. Waar die Klassieke Marxisme die politieke struktuur gesien het as die gevolg van die ekonomiese situasie van ‘n gemeenskap, daar het Gramsci die politieke struktuur gesien as die gevolg van die kulturele waardes en omstandighede van ‘n gemeenskap, waarvan die ekonomie maar een faset is. Politieke mag berus dus op kulturele mag. Om politieke mag te bekom of te behou, moet ons dus eers kulturele mag bekom. Dit beteken dat ons kulturele magsentrums moet skep of bestaande kulturele magsentrums moet infiltreer en tot ons voordeel ontwikkel. Indien dit gebeur dat ons die politieke mag eerste bekom, sal ons dit in elk geval op die lang duur net kan behou deur metapolitieke optrede; met ander woorde deur die magsoorname ideologies, intellektueel, kultureel en moreel te regverdig en te begrond.
Ter wille van helderheid oor wat metapolitiek behels, kan twee voorbeelde uit die geskiedenis voorgehou word.
JOHANNA BRANDT VERSUS SIENER (2)
Lees reeks by Johanna Brandt versus Siener
Die Smeltkroes
Vroeg in Desember 1916 het ’n engel-Boodskapper mev. Johanna Brandt by haar moeder se sterfbed besoek met ’n onheilspellende profesie oor rampe en ellende wat op die bevolking van Suid-Afrika wag, en wat in vervulling sou gaan wanneer daar ’n bloedige oorlog in Europa en die Midde-Ooste woed. Sy is ook deur die engel beveel om nie net haar volksgenote nie, maar ook elke swart stam in Suid-Afrika, elke arbeider, elke huisbediende te waarsku dat wanneer die eerste beroeringe van God se strafgerig plaasvind, hulle (die swartes) hul in geen geval daarmee moet inmeng nie. “Hulle moet weet dat dit die Hand van die Heer is wat oor Suid-Afrika gaan, en dat daar ’n sware oordeel oor hulle sal kom as hulle dink om uit die algemene verwarring wat in die land sal heers, voordeel te trek. Wee die inboorlinge as hulle dink om te moor en te plunder en te verkrag, as die Hand van die Regter oor die witmense gaan!”
GROET SOLANK VIR ESKOM!
Hier is die bewys van die Ramaphosa-bende se komplot met ESKOM. Hy en ander swart superrykes het ‘n maatskappy gestig, die African Rainbow Energy & Power, sodat wanneer Eskom ineenstort, nee, nie ineenstort nie maar van binne genoegsaam gesaboteer is deur hierdie selfde rykes, hulle dan die kragverskaffing sal oorneem in die naam van "skoon enrgie". Joe Biden bevestig in die video by die skakel hieronder hoe die VSA en 'n hele paar ander lande nou met Ramaphosa 'n kontrak geteken het vir energieverskaffing. Nou wonder 'n mens of die Ramaphosabende net aan die buiteland krag wil verskaf en daardeur nog ryker kan word omdat die rand niks beteken nie maar die dollar wel nog waarde het; of gaan Suid-Afrikaners ook uit daardie sonkragnetwerk voordeel trek? Indien wel sal dit sekerlik teen die hoogste prys ooit beskikbaar gestel word!
U kan enige tyd die bewoording African Rainbow Energy & Power google, en u sal gewoonlik die volgende kry:
African Rainbow Energy & Power is controlled by billionaire businessman Patrice Motsepe who is the largest shareholder and its chairman, but the company is a privately-owned, separate entity from Motsepe's listed flagship mining house African Rainbow Minerals (ARM).
Een maal 'n skurk, altyd 'n skurk!
JOHANNA BRANDT VERSUS SIENER (1)
Elke mens koester inherent die behoefte om te weet wat vorentoe gaan gebeur. Uit die geskrifte van Johanna Brandt en Siener van Rensburg kry ons die geleentheid om in hulle insigte te deel. Wat interessant is, is die talle ooreenkomste in hulle uitsprake nadat die Here hulle met visioene toebedeel het. Dit is dus nodig dat ons, by die lees van Johanna Brandt se politieke vlugskrif, Die Smeltkroes, wat in 1918 verskyn het, en verskeie profetiese uitsprake oor die toekomstige tyd van benoudheid vir die blankes in Suid-Afrika bevat, ook sal kennis neem van Siener van Rensburg se visioene.
In Deuteronomium 19:15 en Matteus 18:16 lees ons “op die verklaring of uit die mond van twee of meer getuies sal ’n saak van krag wees” — m.a.w. wanneer twee mense oor ’n saak saamstem, staan dit bo alle twyfel vas. So kan selfs ’n verdagte misdadiger op grond van slegs twee getuies ter dood veroordeel word (Deut. 17:6). Siener van Rensburg en Johanna Brandt was beide kinders van die Here wat gebruik is om ons wat vandag in hierdie toestande waarvan hulle gepraat het leef, te waarsku maar ook gerus te stel oor die uiteinde daarvan.
GEDAGTE VIR DIE NAG
In hierdie moderne tyd dink ons dat die Bybel se betekenis soos al die ander dinge verander het, maar dit is die een saak wat so vas soos 'n rots staan: die Bybel het vandag nog presies dieselfde betekenis as al die eeue.
Met betrekking tot egskeiding sê Jesus vir sy dissipels: "Wat God saamgevoeg het mag geen mens skei nie". Ook dat die geskeide man en die vrou egbreuk pleeg wanneer hulle weer met iemand anders trou – lees Markus 10. Dit is nie dieselfde as wanneer een van die eggenote gesterf het nie.
Wie dínk ons ís ons om hierdie woorde van Jesus in die wind te strooi asof dit nie meer vandag op ons van toepassing is nie – wat maak óns geslagte so besonders dat óns los en vas mag trou en skei?
STUDIE- HANDLEIDING – 1 PETRUS 1:3-9
’n Studiehandleiding vir die Bybelboek Petrus in die Nuwe Testament
Anita Joubert
1 Petrus 1:3-9 Die lewende hoop en die egte geloof
Dit neem ’n mens lank om die rykheid van hierdie gedeelte werklik te begryp, want daar is min gedeeltes in die Nuwe Testament waar daar meer van die groot fundamentele Christelike waarhede bymekaar kom, as hier. Dit begin met ’n lofprysing aan God, maar dit is ’n lofprysing met ’n verskil. Ons as Christene, anders die Jode, voeg altyd die woorde: “Vader van ons Here Jesus Christus,” by in ons lofprysing. Ons bid nie tot ’n onbekende God op ’n afstand nie, maar ons bid tot dié God na wie ons kan gaan, deur Jesus Christus, met kinderlike vertroue.
Hierdie gedeelte begin ook met die gedagte van ’n nuwe lewe deur God aan ons geskenk. Hierdie gedagte van wedergeboorte sien ons regdeur die Nuwe Testament:
SOUT VAN DIE AARDE
Ds A.E. van den Berg
“Julle is die sout van die aarde, maar as die sout laf geword het, waarmee sal dit gesout word? Dit deug nêrens meer voor as om buite gegooi en deur die mense vertrap te word nie”(Mt.5:13).
In Jesus se tyd was sout klipsout wat van die Dooie See omgewing afkomstig was en het weens onsuiwerhede daarin dikwels ʼn slegte nasmaak gelaat. As dit nat geword en opgelos het, is van die onsuiwerhede vrygestel. Om dit dan weg te gooi, sou die grond waarop dit geval het onbruikbaar maak. Daarom is dit op paaie gegooi en deur mense vasgetrap om dit sodoende hard te maak.
Jesus gebruik die voorbeeld van die onmisbaarheid van sout om gelowiges en derhalwe ook die kerk op hul roeping in die wêreld te wys. Kos sonder sout is smaakloos. So ook die wêreld sonder gelowiges. Soos wat sout mense dors maak, moet gelowiges die wêreld dors vir die waarheid maak. Daarbenewens werk sout ook verrotting teen. So ook gelowiges se sondeverrotting.
Die ware kerk het net een bestanddeel – sout. Die valse kerk het net suiker. Leraars hou Jesus voor as die Een wat almal liefhet, alles vergeef en gruwels verdra. Hulle maak van soutkorrels suikerkorrels.
BRON VAN LEWENDE WATER
Hannes Ollewagen
1 Kor. 10:1-13
“… want hulle het gedrink uit 'n geestelike rots wat gevolg het, en die rots was Christus.” (:4).
Geliefdes, ons almal is wel bewus van die feit dat water vir elke lewende organisme in hierdie skepping ‘n onmisbare hulpbron is. Daarsonder sal ons lewens in ‘n baie kort tydjie heeltemal vergaan. En so was die volk Israel ook in hul reis deur die woestyn onderweg na die beloofde land baie bewus van die belangrikheid van water as ‘n hulpbron. Hulle het dan op ‘n stadium met Moses en Aäron getwis omdat daar vir hulle geen water was nie. En die HERE het aan Moses en Aäron bevel gegee om die rots aan te spreek sodat daar vir die volk water uit sou vloei. “ Neem die staf en laat die vergadering byeenkom, jy en jou broer Aäron, en spreek julle die rots aan voor hulle oë; dan sal hy sy water gee. So moet jy dan vir hulle water uit die rots laat vloei en die vergadering en hulle vee laat drink.” (Núm. 20:8).
STUDIE- HANDLEIDING – 1 PETRUS 1
’n Studiehandleiding vir die Bybelboek Petrus in die Nuwe Testament
Anita Joubert
Die eerste brief van Petrus
1 Petrus 1
1 Petrus 1:1-2 Inleidend
Dit gebeur dikwels in die Nuwe Testament dat die grootheid van ’n gedeelte nie met die eerste oogopslag sigbaar is nie. Die diepte van wat regtig gesê word, lê dikwels in die oortuigings wat agter die woorde skuil. So is dit ook in hierdie gedeelte. Dit is duidelik dat die brief geskryf is vir nie-Jode. Wat hier uitstaan, is dat woorde en begrippe wat voorheen oorspronklik net op Jode van toepassing was, die uitverkore volk, nou ook gebruik word om die nie-Jode te beskryf. Die nie-Jode het voorheen geglo dat hulle buite die genade van God is. Die Jode het geglo dat God net vir Israel, van al die nasies in die wêreld, lief was. Hulle het graag gesê dat die heidene bedoel is om brandstof vir die hel te wees.
ANC STEEL NOU OOK JOU RY-VERMOË
Dit is goed as lesers kennis neem van die ANC se nuutste korrupte werkswyse. Alle mense sal nie altyd alles hoor nie want alles het nie eerstehands op almal betrekking nie, maar wanneer ‘n bedryf soos die motorhandel en dan spesifiek die bande van voertuie ter sprake kom, betrek dit feitlik die meeste organisasies en individue in ons land en sal die meeste voertuigeienaars binnekort meer as moerig vir die arme kleinhandelaars wees wanneer nuwe bande aangeskaf moet word, veral as hulle nie weet dat hierdie probleem direk uit die ANC se geldsug spruit nie.
En hier kom die slegte van die toestand:
HAAR DOOD LAAT ONS KOUD
Dr Danie Theron
Die dood van Elizabeth, koningin van Brittanje, laat my koud. Wat my wel warm onder die kraag maak is die soetsappighede wat nou oor haar kwytgeraak word en die misplaaste lofbetuigings wat haar toegesing word; en dit komende van Afrikaners.
Elizabeth was niks van die Afrikaner nie. Op die beste was sy net nog ‘n geswore vyand van ons volk. Sy het haar, soos talle ander Britte, verheug in ons volk se verslawing sedert 1994. Sy kon nie ophou glimlag toe sy in Nelson Mandela se geselskap was nie, maar het in 70 jaar kwalik ‘n goeie woord vir die patriotiese nasionalistiese Afrikaner gehad. En daar is bepaalde redes daarvoor.
Sy was in talle opsigte ‘n blote rubberstempel vir die magte van geld se diaboliese agenda vir haar eie land en ook vir Suid-Afrika.
Soos ‘n skrywer tereg opmerk “… far from being the last vestige of an old order, dominated by hereditary landlords and legitimised by ideologies of duty and governmental restraint, the Monarchy is an ideal fig leaf for the coalition of corporate interests and cultural leftists and unaccountable bureaucracies that is our present ruling class.”
VERBAND TUSSEN OPENBARING EN VANDAG
'n Amerikaanse pastoor, Stan Johnson, en Mike Adams het 'n baie interessante gesprek gevoer oor die verband tussen die Bybelboek Openbaring en dit wat tans in die wêreld gebeur. Stan Johnson het 'n hele paar boeke geskryf oor wat Openbaring se profesieë vir diegene wat in die laaste tyd leef sal inhou. Die gespreksinhoud handel ook oor die oorlog tussen Rusland en Oekraïne wat deur Johnson beskryf word as die begin van die Derde Wêreldoorlog wat sal eskaleer tot die verwagte Armageddon aanbreek en Jesus kort daarna sy kinders sal kom haal.
Kyk gerus na die video by die skakel hieronder.
https://www.brighteon.com/98584495-0074-4cac-9dc1-085f1b7a21c4
QUO VADIS?
Waarheen is ons Afrikaanse kerke op pad?
Ds. A.E van den Berg
"Het ek nou jou vyand geword deur vir jou die waarheid te vertel?" (Gal.4:16)
Inleiding
Die vervolging van gelowiges word nie net van buite die kerk geloods nie, maar ook van binne deur kerke wat Satan ten prooi val. ʼn Sprekende voorbeeld hiervan is die Roomse Kerk wat deur die eeue miljoene mense wat nie met haar afgodiese leer saamgestem het nie, vervolg en doodgemaak het.
Net voor die wederkoms van Jesus gaan die vervolging van gelowiges wêreldwyd toeneem en meer gelowiges as ooit tevore die hoogste prys vir hul geloof betaal. Paulus noem dat hierdie tyd swaar tye gaan wees(2 Tim.3:9).Geloofsvervolging is eie aan die geloofslewe. Jesus sê:
“Hierdie dinge het Ek vir julle gesê, sodat julle nie mag struikel nie” (Joh.16:1).
Die Bybel sê dat die swaar tye nie net aan onaangename gebeure gekenmerk sal word nie, maar ook aan die optrede van ʼn valse kerk en haar kerklui. Dit sal aan ʼn valse leer, valse leraars en skynheilige lidmate wat hoogstens gepoleer en gestryk is, maar nooit in die reinigende bloed van Jesus gewas is nie uitgeken word:
GEDAGTE VIR DIE NAG
Ons verkeer tans nog in ʼn gunstige bedeling en moet geestelike skatte bymekaar maak want daar kom binnekort ʼn tyd dat aardse skatte geen waarde sal hê nie behalwe vir diegene wat hul siele aan die satan verkoop en aan die Antichris onderdanig geword het. Ons verkeer nog in genadetyd. Maar wanneer dit verby is, is dit te laat:
“Want dan sal daar groot verdrukking wees soos daar van die begin van die wêreld af tot nou toe nie gewees het en ook nooit sal wees nie. En as daardie dae nie verkort was nie, sou geen vlees gered word nie; maar ter wille van die uitverkorenes sal daardie dae verkort word” (Mt.24:21,22).
“Want die poort is nou en die pad is smal wat na die lewe lei, en daar is min wat dit vind” (Mt.7:14).
Hierdie stroom vloei al hoe sterker van Jesus af weg wat 'n aanduiding is dat ons die begin van die eindtyd beleef. Al die tekens dui daarop, oorloë, gerugte van oorloë, die openlike aanbidding van die satan. Het u geweet in New York is daar bo-op een van die hoë geboue 'n tempel van die satan? En ook hier in Suid-Afrika word hy reeds openlik aanbid. Hierdie is die laaste van die genadetyd, gebruik dit en vind die Here Jesus sodat u die ewige lewe kan verkry!
BID EN BEREI VOOR
Bid en berei voor. Dit is die beste raad wat Dave Hodges, ‘n Christen-Amerikaner wat noue kontak met die militêre hoëlui asook staatsleiers het, die Amerikaners maar ook mense wêreldwyd kan gee. Die rede? Die Derde Wêreldoorlog is op hande en dit sal die hele wêreld raak, sommige lande in mindere mate maar vir Amerika baie erg. Dat Amerika wel in die kleine weer sal opstaan het Siener van Rensburg in een van sy visioene gesien, naamlik “dat Amerika ná die oorlog nie meer aan die hoof van die tafel sit nie maar wel teenwoordig is.” Siener het ook gesien “dat Brittanje glad nie meer aan die tafel sit nie.” Hy het voorspel dat die Britse eilande tydens hierdie oorlog onder die water sal verdwyn. Kernwapens kan geweldige golwe veroorsaak...
Dan is daar nog die burgerlike onrus wat toeneem namate die Armageddon-oorlog nader kom. Kenners glo dat Amerika se burgeroorlog die vorm van ‘n querilla-oorlog sal aanneem. Tans is daar 400 miljoen wapens in burgerlike besit wat ‘n aanduiding is van die omvang wat hierdie querilla-oorlog kan aanneem. Dit laat mens besef wat vir Suid-Afrika wag; die miljoene swartes wat op mekaar en later op blankes sal toesak. Of mens dit ‘n querilla-oorlog kan noem is te betwyfel; dit sal veel eerder ‘n moordorgie wees waar God alleen sy kinders sal kan beskerm. Daarom is die titel van hierdie artikel ook op óns van toepassing en van die uiterste belang om uit te leef in hierdie tyd.
Gebeure is besig om te vorm wat dui op wydverspreide, wêreldwye burgerlike onrus en die ineenstorting van die oppergesag van die reg. Illinois, byvoorbeeld, het 'n nuwe wet aangeneem wat vanaf Januarie die meeste moordenaars, ontvoerders, brandstigters en gewelddadige misdadigers sal toelaat om weer op die strate vrygelaat te word sonder enige borgtog hoegenaamd. Dit klink baie soos die ANC-beleid om al wat ‘n moordenaar en misdadiger is blitsig weer vry te laat om verdere misdaad te pleeg.
Luister na die video by die skakel hieronder en neem kennis van hoe naby ons aan die volgende groot oorlog is.
https://www.brighteon.com/4965cbb2-9e65-44c5-8cb5-9a65a122aff2
DIANA EN DIE NUWE WÊRELDORDE
Wat sou Diana en die NWO met mekaar te doen hê?
Die dood van die koningin van Engeland laat ‘n mens weer aan haar lewe en dinge waarby sy betrokke was dink. Een daarvan is natuurlik die dood van Diana wat 25 jaar gelede plaasgevind het en nie ‘n ongeluk was nie maar in opdrag van die koningshuis deur MI-6 uitgevoer is.
‘n Onlangse transkripsie deur Alexandra Bruce op die “Verbode Kennis” TV-kanaal is deur Greg Reese bespreek waarin die verband tussen die Nuwe Wêreldorde (NWO) en die dood van Diana duidelik word. Nou moet mens ook weet dat die afgestorwe koningin ‘n belangrike lid van die NWO was. En dit is nie om dowe neute dat Charles nou as koning met die hef in die hand, die hele “Reset”-proses gaan versnel nie. Die hele koningshuis is lede en leiers in die NWO, dus 'n belangrike deel van die internasionale Geldmag.
Kom ons kyk waar hierdie mense vandaan kom.
Die koninklike familie, oorspronklik bekend as die Saxe-Coburg Gotha-bloedlyn, het hul van na Windsor verander om meer Brits te klink. Hul “ingeteelde” familie word teruggevoer na Vlad die Impaler, andersins bekend as "Dracula" en het verskeie trotse Nazi's in die familie, insluitend prins Philip.
Die noukeurige beplanning van koninklike bloedlyne was die rede vir die huwelik tussen Diana en Charles – as gevolg van Diana se Merovingiese adelike herkoms.
Die koninklike familie is behep met heidense rituele en okkultiese bedrywighede. Rituele is bedoel om aanskou te word en die dood van Diana is deurtrek met sataniese ritueel. Maar voordat ons na haar dood kyk, laat ons eers die rituele tydens haar lewe verduidelik.
Diana en Charles is getroud in die St Paul's Katedraal wat deur die koninklike familie besit word en gebou is op die terrein van 'n tempel wat aan die godin, Diana, gewy is. Volgens okkultiese oortuigings was godin Diana, Lucifer se metgesel en op 13 Augustus 1313 het hulle 'n magiese dogter met die naam Aradia voortgebring. In Vrymesselary staan hierdie selfde trio bekend as Osiris, Isis en Horus.
GEDAGTE VIR DIE NAG...
Hoe lank gaan ons nog swyg as ons Christelike norme aangeval en Eerstewêreld-standaarde afgetakel word? Moet ons swyg as ons verkrag, beroof en vermoor word; swyg as onbevoegdes ons kundiges se toekoms so belemmer dat hulle na die buiteland verhuis? Moet ons oor alles swyg omdat ons bang is om as rassehaters gebrandmerk te word? Nee, ons durf nie verder swyg nie! Al word dit lewensgevaarlik om die waarheid te praat, is dit noodsaaklik dat volksgenote dit moet hoor!
MAD MAX OPPAD
Elke land het mense met genoeg verstand om dinge vooruit te sien aankom. So ook Amerika, en dis gewoonlik nie die linkes of liberaliste wat die insig het nie.
Die verstandiges in die VSA voorsien binne enkele maande'n totale ineenstorting, veral in sekere state waar daar reeds te min kos en water is om mense aan die lewe te hou. En hulle beskryf dit nie as 'n oproer, burgeroorlog of as beplande chaos nie; dit word vergelyk met Mad Max, die filmreeks waarin die hoofakteur, Mel Gibson, op 'n motorfiets absolute chaos in sy wraaksug teen plunderende bendes veroorsaak, onwillekeurige moorde in strate en die wreedste moontlike wyses waarop mense sterf.
Die opbou na daardie ontploffing word aan die Halloweendatum gekoppel, die jaarlikse gebeurtenis in die VSA waar hekse en okkultiese rituele as onskuldige pret voorgehou word, asook aan die datum van verkiesings wat hierdie jaar nog moet plaasvind. Niemand kan die tyd bepaal nie, net God weet wanneer hierdie dinge sal plaasvind, maar dit is duidelik dat Hy van plan is om Amerika ook skoon te maak, net soos ons dit hier in Suid-Afrika verwag.
By die skakel hieronder is 'n kort video met baie interessante inligting en heel moontlik geskiedkundige waarde.
https://www.brighteon.com/c989a3ae-0692-4129-b7f9-0637a7aa9e33
SATAN SE NABOOTSING VAN 'N HUWELIK
Ds AE van den Berg
"Saamblyery is Satan se nabootsing van die huwelik."
Saamblyery is ’n onrusbarende verskynsel en neem sterk toe. In 1990 is die getal saamblyers in ons land op 10% bereken. Dis tans meer as 50%! Saamblyery is ’n verhouding wat nooit as ’n amptelike huwelik voltrek word nie, maar tog al die wesenlike kenmerke van ’n huwelik dra. In 1970 het die NG Kerk so sterk daarteen gevoel, dat sy die regering gevra het om alle saambly verhoudings buite die huwelik strafbaar te maak. Vrysinniges het haar gereeld gekritiseer maar nie van stryk laat bring nie. Sonde was sonde!
In 2009 het dieselfde kerk opslae in die media gemaak toe sy besluit het om die moontlikheid van groter verdraagsaamheid jeens saamblyery te ondersoek.
Dit het gebeur nadat verskeie lidmate navraag oor die kwessie gedoen en die kerk besluit het om oor die sonde na te dink en besmoontlik te ontsondig. As die kerk homoseksualisme eers veroordeel en daarna ontsondig het, waarom ook nie met saamblyery nie?