... EN DIE VOLHEID DAARVAN!

Hannes Ollewagen

Ps. 24:1-10

“…Die aarde behoort aan die HERE en die volheid daarvan, die wêreld en die wat daarin woon; want Hý het dit gegrond op die seë en dit vasgestel op die strome.” (:1&2).

Hoe mooi is hierdie belydenis van Dawid nie, geliefdes – ‘n opregte erkenning van die heerskappy van God oor alle dinge. Ja, en soveel mooier word hierdie belydenis wanneer ons God se Woord bestudeer en dieselfde belydenis raaklees wat deur ander gelowiges en diensknegte van God gemaak is. Soos wat Dawid hierdie belydenis gemaak het, hoor ons ook deur die mond van Moses hierdie belydenis.

“Kyk, aan die Here jou God behoort die hemel, ook die hoogste hemel, die aarde en alles wat daarin is.” (Deut. 10:14).

Moses het hierdie belydenis selfs ook voor ‘n heidense koning, die Farao van Egipte, gemaak.

“…sodat u kan weet dat die aarde aan die Here behoort.” (Ex. 9:29).

En Paulus weerhou homself ook nie daarvan om in sy brief aan die gemeente van die Korinthiërs hierdie belydenis te maak nie.

“Want die aarde behoort aan die Here en die volheid daarvan.” (1 Kor. 10:26).

Hoe kan daar enige twyfel oor hierdie saak wees wanneer dit soveel male bevestig word? ‘n Saak staan vas, dit is onbetwisbaar die waarheid, in die mond van twee of drie getuies.

“…In die mond van twee of drie getuies sal elke woord vasstaan.” (2 Kor. 13:1).

Dit is aan baie mense hier in ons land nog nie bekend wat die nuwe 5G-fone wat hulle so graag aanskaf gaan meebring nie.  Om kennis te neem wat die gevare daarvan inhou is 'n saak van lewe en dood. Duisende wetenskaplikes, dokters, omgewingsorganisasies en burgers van honderde lande, dring by die VN, WGO, EU, Raad van Europa en regerings van alle nasies daarop aan om die implementering van die 5G (vyfde generasie) draadlose netwerk, insluitend 5G vanaf ruimtesatelliete, te staak. 5G verhoog die blootstelling aan radiofrekwensie (RF) op die 2G-, 3G- en 4G-netwerke vir telekommunikasie wat reeds bestaan. RF-straling is bewys dat dit skadelik vir mense en die omgewing is. Die implementering van 5G is 'n eksperiment oor die mensdom en die omgewing wat volgens die internasionale reg as 'n misdaad teen die mensdom gedefinieer word.

Telekommunikasiemaatskappye wêreldwyd, met die steun van regerings, is gereed om die vyfde generasie draadlose netwerk (5G ) nog verder uit te brei. Dit is ingestel op ‘n wêreldwye skaal waar erken word dat dit ‘n ongekende samelewingsverandering sal meebring. Ons sal 'slim' huise, 'slim' besighede, 'slim' snelweë, 'slim' stede en selfbestuurde motors hê. Maar ons sal ook erg verswakte gesondhede hê met outisme, kanker, hartsiektes, geenveranderinge, DNS-veranderinge, daar is ‘n lang lys hieronder.

Ons is in 'n oorlog. Ja. Nie die Weste teen die Ooste, teen Rusland en China nie, en ook nie die hele wêreld teen 'n onsigbare korona-virus nie.

Nee. Ons, die gewone volk, is in 'n oorlog teen 'n al hoe meer outoritêre en tirannistiese Globalistiese stelsel, regeer deur 'n klein groepie multimiljardêrs, wat reeds dekades gelede beplan het om die mag oor die mense te neem, om hulle te beheer, te verminder tot wat 'n kits-elite van mening is dat dit 'n 'voldoende aantal' is om Moeder Aarde te bewoon - en om die res van die oorlewendes te digitaliseer en te robotiseer, as slawe. Dit is 'n kombinasie van George Orwell se "1984" en Aldous Huxley se "Brave New World".

Welkom in die tyd van die transhumanisme. As ons dit toelaat...

Daarom is inenting nodig om transgene stowwe in te spuit wat ons DNS kan verander, sodat ons soos zombies moet word en ons dinamika moet verdwyn.

Die oorlog is eg en hoe gouer ons almal dit besef, hoe gouer diegene in maskers en diegene in sosiale afstand kennis neem van die wêreldwye anti-menslike situasies wat ons toegelaat het dat ons regerings ons aandoen, hoe beter is ons kans om weer ons soewereine self te wees. Vandag word ons gekonfronteer met heeltemal onwettige en onderdrukkende reëls, alles opgelê onder die voorwendsel van 'gesondheidsbeskerming'.

Die wêreldbevolking in die algemeen, maar veral hier in Suid-Afrika, het skynbaar alle kritiese denkvermoë verloor, maar die onderliggende probleem wat hierdie tragedie ondersteun, is dat mense nie net die vermoë om te dink verloor het nie, maar ook die begeerte om dit te doen. Dit het die fondament gevorm vir die grootste bedrog in die wêreldgeskiedenis, en hierdie bedrog is so voor die hand liggend dat dit aan die absurde grens – die ‘virus-pandemie’.

Die waarheid is beskikbaar vir almal om te sien, maar geestelike swakheid en blindheid het alle aspekte van die werklikheid vir die gewone mens versteek in so 'n mate dat leuens en bedrog die funksie van feit en waarheid dien. 'n Volledige ommekeer van die werklikheid het die nou magtelose gedagtes van die massas gevang. In die lig hiervan is allerhande tirannie moontlik, wat noodwendig aandui dat allerhande tirannie sál plaasvind.

Dit is die dilemma waarin ons ons vandag bevind, en as dit nie vinnig reggestel word nie, sal dit in 'n onomkeerbare ramp eindig. Vrees het moed vervang, onkunde het intellek vervang, afhanklikheid het selfverantwoordelikheid vervang, kollektivisme het individualiteit vervang, meester het slaaf geword en slaaf het meester geword.

Ons is nou aan die einde van die eerste siklus van hierdie gepropagandiseerde valse vlaggebeurtenis wat 'n 'viruspandemie' genoem word, wat begin het met 'n valse pandemie en toe 'n vals kasedemie (die aanhoudende oorbeklemtoning van valse inligting) geword het. Ons is nog nie aan die einde van die kasedemiese toetsperiode nie maar is die klaarblyklike volgende fase, 'n dodeliker pandemie wel op ons spoor, en die bedrog sal voortduur totdat totale beheer oor alle mense uitgevoer kan word.

Dr Danie Theron

Want ons kan niks doen teen die waarheidnie, maar wel vir die waarheid. - 2 Kor 13:8

Die jaar 2021 is nie met groot entoesiasme begroet soos dit in vorige jare die geval was nie. Behalwe dat ons uitgelewer is aan seker die slegste regering in Afrika (en dus in die wêreld), sit ons boonop nog met die Covid-19 hoax wat mense op hol het en boonop uitmekaar jaag.

Laat ek myself baie duidelik maak oor wat ek met “hoax” bedoel. Covid-19 is ‘n doelbewuste misleiding waar mense bevrees en beangs gemaak word oor ‘n “virus” terwyl, as mens net bereid is om bietjie wyer te lees as dit wat die klomp walglike adders van Netwerk24 aan ons opdis, dit baie duidelik is dat ons opsetlik mislei word oor onder meer die volgende:

• Die oorsprong van die “virus”;
• Die aard van die “virus”;
• Die fei tdat “lockdowns” alles behalwe immuniteit bevorder en dit inteendeel afbreek;
• Die feit dat “lockdowns” mense se lewens verwoes, hulle inkomste en bates uitwis en state se ekonomieë ten gronde rig , terwyl ‘n klein uitgesoekte groepie astronomies verryk word;
• Die feit dat die hele “hoax” beplan was en tot die letter uitgevoer word;
• Die feit dat die vaksiene wat op ons afgedwing gaan word lewensgevaarlik is gesien die kort tydsduur waarin dit daargestel is en die agenda wat Gates en Kie daarmee het;
• Die feit dat die vaksien nie immuniteit gaan verseker nie;
• Die leuens rondom natuurlike immuniteit en medikasie wat versprei word slegs om Big Pharma (en die vaksien met sy miljarde in opbrengs) te bevoordeel;
• Die leuens oor hoeveel “gevalle” daar is en hoeveel werklik daaraan sterf.

Ek staan geensins onverskillig teenoor die feit dat daar wel mense sterf nie, maar het baie vrae oor waaraan hulle werklik dood is. Ek glo egter geen woord wat die regime en die hoofstroom media daaroor verkondig nie.

Die satan het daarin geslaag om met die virus-kabaal mense paniekerig te maak. Mense is dikwels bang vir die dood, veral as hulle nie seker is wat hulle nadoodse bestemming is nie. Ons hoor die afgelope jaar knaend oor die nuus hoeveel mense sterf aan Covid want dit is hoe hulle die publiek beangs maak en so hou. Daar het niks meer mense in 2020 gesterf as in vorige jare nie, inteendeel, die statistiek gee aan dat daar ‘n afname in totale sterftes was as in 2019. Maar mense is nou eenmaal maar mens en val elke keer vir die satan se leuens.

Tog is dit ‘n goeie ding om oor die dood te besin. Daar gaan vir elkeen ’n nuwe jaar aanbreek waarvan hy die Oujaar nie sal sien nie. Niemand gaan ʼn ooreenkoms met die dood aan nie. Die Bybel sê dat die dood die kleedkamer is waar ons vir die ewigheid aantrek:

“Want om hierdie rede ...   verlang om met ons woning uit die hemel oorklee te word,as ons ten minste gekleed en nie naak bevind sal word nie” (2 Kor.5:2.3).

Die lewe is nie ʼn besitting nie, maar ʼn lening. Ons is huurders en God die eienaar. Hy kan die huur enige tyd opskort waarna ons die lewe moet teruggee. Hierdie teruggee is die dood. Daar is niks so seker as dat ons dit eendag sal moet teruggee nie en gevolglik huiswaarts reis.

“...en die stof na die aarde terugkeer soos dit gewees het, en die gees na God terugkeer wat dit gegee het” (Pred.12:7)

Die ewigheid kan of met vreugde in die hemel of met pyn in die hel deurgebring word.   Dit hang van die bekering af. Daarom is dit beter om oor die lewe te besin as om oor die dood te kwel.

Ds Andrè vd Berg

Nuwejaar

“En na die dood van Josua het die kinders van Israel die Here geraadpleeg en gesê: Wie van ons moet eerste optrek teen die Kanaäniete om teen hulle te veg? En die Here het gesê: Juda moet optrek. Kyk, Ek gee die land in sy hand. Toe sê Juda aan sy broer Simeon: Trek saam met my op in my aandeel, dat ons die Kanaäniete kan beveg, dan sal ek ook met jou optrek in jou aandeel. En Simeon het saam met hom getrek”. (Rigt.1:1-3)

As daar iets sleg met mense gebeur, gee hulle maklik die noodlot die skuld daarvoor. Maar wat is die noodlot? Is daar so ʼn iets?   Nee, dis ʼn heidense begrip en nie deel van gelowiges se woordeskat nie. Gelowiges glo in die raad van God. Dit beteken dat alles volgens God se wil geskied. Heidene glo weer dat mense se lewens deur ʼn magdom van onsigbare magte beheer word wat woer-woer daarmee kan speel en dinge toevallig willekeurig laat gebeur.

Gelowiges glo dit vir geen oomblik nie. Niks gebeur toevallig nie. Israel was tydens hul woestyntog deeglik daarvan bewus. As gelowige volk het hulle God in alle sake geraadpleeg ook toe hulle moes besluit watter een van die stamme die Kanaäniete eerste moes aandurf om hul beloofde deel in Kanaänland te ontvang.   ʼn Mens sou dink dat Ruben die oudste seun, aangewys sou word. Hy sou nie.

Op hierdie 2e dag van die nuwe jaar begin die werklikheid van nog 'n jaar in ons vassteek en ons wonder wat die jaar vir ons gaan inhou. Nie net word ons vertrap onder die hiel van 'n heidense regering nie maar is talle van ons volkome bewus van die sataniese aanslag wat die Geldmag op die wêreld se bevolking loods. Baie van ons weet wat daar beplan word om ons met die sogenaamde inenting volkome onder satan se beheer te stel sodat ons selfs ons ewige lewe kwyt moet wees. Maar:

God laat sy kinders nooit in die steek nie.  Ten spyte van hul afvalligheid staan Hy by hulle.  Wanneer die nag op sy donkerste is, gryp Hy in en maak dit lig. “Maar julle is ʼn uitverkore geslag, ʼn koninklike priesterdom, ʼn heilige volk, ʼn volk as eiendom verkry, om te verkondig die deugde van Hom wat julle uit die duisternis geroep het tot sy wonderbare lig” (1 Pet.2:9).

Ons volk se toekoms lyk donker.   Heidenpolitiek oorstroom al hoe meer ons eens rustige samelewingsterrein.  Afgodsdienaars wedywer met mekaar in die afwaartse spiraal van ellende.   Daar is onweer in die lug.   Doemprofete voorspel lelike dinge vir die toekoms.   Soms voel ons soos skape wat deur wolwe op ʼn hoop gejaag word, diere wie se bekke vir die groot slagting kwyl.

Nog een van die groot bekommernisse onder volksgenote is dat ons nie leiers het nie.   Mense wat hul as leiers voorgedoen het, het ons of verraai of hakskene gewys toe die poppe begin dans.   Ons het ʼn bitter slegte ding oorgekom!  Maar laat ons eerlik wees - ons het ʼn belangrike les geleer:  Moet op prinse nie vertrou nie!   Ons het geglo dat mense - politici en kerkleiers - ons uit die penarie sou red.   Toe gebeur die teenoorgestelde.  En dit het ons vryheid gekos.

Is dit klaar met Kees?  Gaan satan die laaste lag?  Nee, om die eer van God nooit!   God sal op sy tyd die werk van sy hande herbevestig en uit hierdie verloopte volk weer volksleiers na vore laat kom wat, soos die rigters van ouds, hierdie volk na God sal teruglei!

Wat kan ons die Here intussen aanbied?  Hét ons iets om Hom aan te bied?  Niks nie; slegs die dor hout van ons krom en afvallige lewens.  Maar in sy hand word sulke uitskotprodukte meesterstukke en met die dor kierie van ons volkslewe kan Hy vir ons ʼn pad in die see van wanhoop oopkloof en ons na vryheid lei.

As die nood op sy hoogste is, gaan God vir ons die nodige leiers stuur - manne en vrou wie se harte in die bloed van Jesus gewas is.  God sal hulle met ʼn heilige roeping begeester om hierdie volk aan die suidpunt van Afrika na Hom toe te laat terugkeer en hulle van die heidendom en satan se aanvalle te verlos.   En geen mag ter wêreld gaan Hom keer nie!

Ds Andrè vd Berg

Koopbriewe

Ons weet nie wat die jaar vir ons gaan inhou nie. Al wat ons weet, is in Wie se hand die jaar is. Die toekoms behoort aan God en waar ek gaan, sal God by my wees, Die toekoms is so helder soos God se beloftes.”

“So spreek die HERE van die leërskare, die God van Israel: Neem hierdie briewe, hierdie koopbrief, die verseëlde een sowel as hierdie oop brief, en sit hulle in ’n erdepot, dat hulle baie dae kan bly bestaan” (Jer.32:14).

Min dinge is so onaangenaam as onsekerheid. Dit belemmer jou gemoed. Dis soos met ʼn moeilike eksamen; jy gaan net-net gaan slaag of net-net druip. Jy weet nie. Of jy belê geld teen hoë risiko en jy weet nie of jy gaan verloor nie.

Die ergste onsekerheid is om onseker oor jou toekoms te wees. Dit ontneem mense van hoop soos met die Judeërs eeue gelede. Ek verplaas u na die jaar 587vC. Berigte stroom in dat Juda deur Babiloniërs ingeval is. Die bloedspoor wat hulle agterlaat, word al groter en hulle is op pad na Jerusalem!

Juda se die dominees lieg vir die mense en sê dat God die stad nooit sal laat inneem nie want die tempel staan daar as simbool van God se setel op aarde. Al die mense word egter nie aan die neus gelei nie; mense is doodbang. Wie kan hul red? Kan die dominees of koning om God om hulp vra nie? Nee, want God sal nie na hulle luister nie. Die koning is ongelowig en die dominees misleiers.

Hannes Ollewagen

Efésiërs 6:1-9

“KINDERS, julle moet jul ouers gehoorsaam wees in die Here, want dit is reg. Eer jou vader en jou moeder – dit is die eerste gebod met ‘n belofte – sodat dit met jou goed mag gaan en jy lank mag lewe op die aarde.” (:1-3).

Geliefdes, ons wêreld gaan mank aan mense wat verstaan wat eerbied en respek is. Die mens van vandag het min respek vir homself en vir sy medemens. En ‘n mens wat vir homself en vir sy medemens en meerderes nie respek het nie het ook vir God geen respek nie. Ja, ‘n mens behoort te erken dat die mag wat oor hom aangestel is deur God daargestel is.

“LAAT elke mens hom onderwerp aan die magte wat oor hom aangestel is, want daar is geen mag behalwe van God nie, en die wat daar is, is deur God ingestel, sodat hy wat hom teen die mag versit, die instelling van God weerstaan; …” (Rom. 13:1&2).

Ja, geliefdes en veral jongmense, dit sluit ook die mag in wat God in die hande van ouers geplaas het. Godvresende ouers word deur God die verantwoordelikheid opgelê om hul kinders in die tug en vermaning van die Here op ‘n Godvresende wyse groot te maak.

“En vaders, moenie julle kinders vertoorn nie, maar voed hulle op in die tug en vermaning van die Here.” (Efés. 6:4).

En daarom verwag God dat kinders hulle ouers hiervoor sal respekteer en aan hulle die nodige eerbied betoon.

2. Godsverheerliking

God se uitverkorenes is daarop ingestel om Hom te verheerlik:

“Laat alles wat asem het, die HERE loof! Halleluja!”(Ps.150:6).

God word op talle maniere verheerlik. Eerstens deur te bely dat Christus die Here is. Omdat hulle nie sy heerskappy wil aanvaar nie, wil die godvyandige wêreld niks daarvan weet nie.

Gelowiges verheerlik God ook in hul doen en late:

“ Of julle dan eet of drink of enigiets doen, doen alles tot verheerliking van God” (1 Kor.10:31).

God word ook deur sonde, belydenis en getroue gehoorsaamheid aan sy Woord verheerlik. Van Abraham word gesê:

“En hy het nie deur ongeloof aan die belofte van God getwyfel nie, maar hy is versterk deur die geloof en het aan God die eer gegee” (Rom.4:20).

Paulus lê egter baie sterk klem op sedelike reinheid as ʼn verheerliking van God:

Suid-Afrika beleef sedert 1994 ʼn sedelike vryval nadat die Christen-grondwet tot niet gemaak en die land amptelik tot ʼn wêreldstaat verklaar is. Die lugleegte wat dit gelaat het, laat misdaad hoogty vier en geweld sulke ongekende afmetings aanneem, dat mense daagliks selfs binne hul huise vir hulle lewens vrees.

Dis nie ʼn demokrasie nie maar eerder ʼn skrikbewind waar barbaarse optrede gangbaar is, plaasmoorde die hoogte inskiet, dwelmverslawing epidemiese afmetings aanneem, dissipline sienderoë kwyn, woede oral opbou en booswigte die land daagliks plunder. Aanspreeklikheid het’n stille dood gesterf, gesonde werksetiek het skaars geword en infrastrukture in duie laat stort.

Daarbenewens het onderwys ʼn ongekende laagtepunt bereik en word ʼn geslag jongmense sonder kennis van die Bybel groot. Dit voorspel niks goed vir die toekoms nie! Die vraag op almal se lippe is: Wat het met ons land gebeur? Waarom val alles uitmekaar? Wat gaan aan?

  Persoonlikheidselfmoord

Ds. A.E van den Berg

Narsisme is ʼn persoonlikheidsafwyking wat weens ʼn oordrewe sin van eie belangrikheid ontstaan. Dis aan ʼn Griekse mite ontleen wat vertel van Narsissus, ʼn buitengewoon aantreklike jongman, wat ʼn profesie van ʼn blinde profeet ontvang het dat hy baie oud sou word indien hy nooit sy eie gesig sou sien nie.

By geleentheid wou hy sy dors in ʼn waterpoel gaan les toe hy sy gesig sien en ter stond daarop verlief geraak het. Terwyl hy buk om van die water te drink, het die beeld van sy gesig verdwyn. Bang om dit te verloor, het hy daarna bly kyk waarna hy later van dors gesterf het en die narsingblom met sy geboë steel op daardie selfde plek opgekom het.

Hierdie mite waarsku teen oordrewe selfliefde. So ʼn selfliefde laat ʼn mens so in sy eie ego verstrengel raak, dat hy uit voeling met die werklikheid raak en as’t ware emosionele selfmoord pleeg. Mans is meer tot Narsisme geneig as vroue. Dis ʼn ergerlike persoonlikheidsversteuring wat deur ʼn samestelling van genetiese en omgewingsfaktore gevorm is. Navorsing het bevind dat buitensporige ouerbewondering, vrye teuels en gebrekkige tuisdissipline ʼn teelaarde vir Narsisme is. Gewoonlik is net een van die ouers daarvoor verantwoordelik.