Gedagtes vir elke dag
Of lees almal by Gedagtes vir elke dag
Die Bybel maak dikwels melding van kwaadsprekery onder mekaar wat soveel broederlike twis en onmin veroorsaak. Onder kwaadsprekery verstaan ons haatlike beskuldigings, gebore uit kwaadwilligheid, en die lus om mekaar se goeie bedoelings te ondermyn. Ons moet daarteen waak om die goeie wat God in iemand gewerk het met woorde te verdraai.
ONS VIER JESUS SE GEBOORTE, NIE SY GEBOORTEDAG NIE
Is 25 Desember werklik die geboortedag van Jesus of kom dit uit die heidendom soos sommige kritici beweer? Die antwoord op beide die vrae is nee; 25 Desember is nie die werklike geboortedag van Jesus nie. Dit kom egter nie uit die heidendom soos sommiges glo nie. Wat wel waar is, is dat 25 Desember sedert die vierde eeu nC die Christelike kerk se feesdag is waarop Jesus se geboorte gevier word. Let wel: sy geboorte en nie sy geboortedag nie! Daar is ‘n groot verskil om ‘n gebeure te vier of ‘n dag te vier. Die dag waarop mens ‘n gebeure vier is minder belangrik as die gebeure self. As ons dan nie die presiese dag van Jesus se geboorte weet nie, dan kies ons maar ‘n dag om dit wat belangrik is te doen. Want as ons nie Jesus se geboorte erken nie, kan ons ook nie sy tydperk op aarde tot by sy kruisiging erken nie. En as ons sy kruisiging net soos sy geboorte ontken, dan het ons geen deel aan Hom en die ewige lewe hierna nie en is so 'n siel verlore.
ONS BEHOORT AAN DIE HERE
Hannes Ollewagen
1 Kor. 10:23-33
“Want die aarde behoort aan die Here en die volheid daarvan.” (:26).
Paulus herhaal hierdie waarheid in vers 28. En dit is nie alleen deur die mond van Paulus wat die HERE ons hieraan herinner nie. Hy het alreeds deur Moses hierdie boodskap aan sy volk gebring. “Kyk, aan die Here jou God behoort die hemel, ook die hoogste hemel, die aarde en alles wat daarin is.” (Deut. 10:14). En in Psalm 89:12 lees ons weer van Etan se getuienis hiervan. “Aan U behoort die hemel, aan U ook die aarde; die wêreld en sy volheid — Ú het dit gegrond.”
Wanneer ons ook in Psalm 24:1 van Dawid se getuienis van hierdie saak lees, is dit opvallend dat Dawid ook spesifiek melding daarvan maak dat ook die inwoners van die aarde aan God behoort. “...Die aarde behoort aan die Here en die volheid daarvan, die wêreld en die wat daarin woon;”. Hy meld dus spesifiek dat dit nie alleen die aarde is nie, maar ook die mens op die aarde wat aan God behoort. En hierdie is ’n belangrike waarheid waaraan ons as God se kinders herinner moet word. In ’n wêreld wat God die rug keer en Hom nie in erkentenis hou nie is dit maklik om van hierdie belangrike waarheid te vergeet. En ons sien dit ook gebeur in die alledaagse lewe van mense – ook by kerkmense.
ONS LAND SÁL HERSTEL
Daar is talle Christene in hierdie land wat besef dat net 'n wonderwerk weer orde ná die chaos van die kommunistiese rewolusie sal bring. Terwyl sommige nog dink hulle sal in eie krag oorleef en plannetjies maak weet ons dat dit alleen God se genade in die vorm van 'n wonderwerk sal wees wat ons Gelofteland weer sal herstel tot 'n veilige hawe waar ons in vrede ons Vader kan dien. Onwillekeurig ontstaan die vraag dan hoe gebeur 'n wonderwerk.
In die Bybel vind wonderwerke op verskeie manier plaas.
Eerstens kan 'n wonderwerk al die bekende natuurwette oortref. Die skeppingsdaad was sekerlik dié wonderwerk wat alle natuurwette oortref het.
Ook vervang 'n wonderwerk die natuurwette, soos toe Elia teen die beginsels van die swaartekragwet opgevaar het na die hemel.
Natuurwette word ook opgeskort soos toe Christus op die water geloop het.
'N OORLOG TOT DIE LEWE
Die grootste probleem waarmee die Blankes vandag in Suid Afrika te doen het, is waarskynlik die aanslag wat gemaak word om ons moedeloos te stem sodat ons ons aan die stryd sal ontrek soos talle volksgenote wel gedoen het. In die Afrikanervolk se bestaan was stryd, uit sy aard en omstandighede, ʼn wesenlike bestanddeel van sy hele geskiedenis. Die Blankes is swaar beproef in hierdie jare van stryd. Ons is beroof van ons lewensstandaard. Ons is beroof van ons sosiale sekuriteit en die politieke mag wat ons in hierdie land gehad het. Die res word stapsgewys van ons weggeneem soos ook ons eiendom wat sonder vergoeding gesteel word.
Die feit dat daar ʼn noue verband tussen die politieke stryd en die wapenstryd is, moet ʼn mens laat besef dat in elke geslag van ʼn volk se lewe die moontlikheid bestaan dat die politieke stryd in ʼn militêre stryd omgesit kan word. So bevestig die hele gang van die Afrikanervolk se geskiedenis dat ons volk gedurig op die rand verkeer het van ʼn omsetting van die politieke stryd in ʼn militêre stryd. Ons moet ook besef dat oorlog iets is waarmee ʼn volk elke dag moet lewe, en as ʼn volk hom laat bangpraat vir oorlog, dan word ʼn land bloedloos verower soos Suid-Afrika in 1994 verower is en is dit ʼn groter vernedering as wat ʼn nederlaag in ʼn oorlog ooit sou wees.
DIE WERKLIKE RASSEHATERS!
SWARTES SIEN “VERSOENING” AS ‘N SWAKHEID WAT OM SLAE VRA
Vir die ANC-regime is daar skynbaar geen groter oortreding as rassisme nie en skyn selfs erger as moord, roof of verkragting te wees. Gevolglik neem baie blankes 'n apologetiese houding in van: "Noem my enigiets anders, maar asseblief net nie 'n rassis nie! " Intussen neem swart rassehaat epidemiese afmetinge in ons land aan en is die duidelikste in die werksopset te sien soos pas weer gebeur het.
Weer eens seëvier rassisme in sy ergste vorm. Dis die tweede gyselaarsdrama in net ‘n paar maande by die Gold One se Springs-myn waar swart werkers die blanke werkers vir dae lank aangehou en gemartel het. Hulle is pers en stukkend geslaan en gedwing om hulle klere uit te trek terwyl hulle uitgeskel is vir “boere”. Die blanke myners sê hulle is agv hulle ras geteiken en as pionne gebruik in die magstryd tussen vakbondleiers en die mynbase. Hulle moes 350m onder die grond luister na die sataniese planne van die swartes dat daar “genoeg blankes is om dood te maak, dan sal die mynbase luister…” Stakers het paletplanke met spykers aan mekaar vasgekap, daarmee en met pikstele en pype die blanke werkers op hulle boude, bene, arms en rue geslaan. Brandblussers is in hulle gesigte uitgespuit en is hulle gedwing om al bloeiende slagspreuke soos Viva en Amcu te skree.
IN GOD SE OË
Hannes Ollewagen
1 Sam. 16:1-13
“Maar die Here sê vir Samuel: Kyk nie na sy voorkoms en sy hoë gestalte nie, want Ek ag hom te gering. Want nie wat die méns sien, sien God nie; want die mens sien aan wat voor oë is, maar die Here sien die hart aan.” (:7).
Die mens het maar die begeerte om deur sy samelewing aanvaar te word. En hierdie begeerte na aanvaarding speel seker ’n groter rol in die menslike gedrag as wat ons dalk besef. Ja, hierdie begeerte is so groot dat ons dikwels sal voorgee of dinge sal doen gewoon om ander mense te probeer beïndruk. Dit kan baie gevaarlik wees aangesien dit menigmaal daartoe lei dat ons só hard probeer om ander mense te beïndruk dat ons God in die proses teleurstel en selfs verloën.
Daar word deesdae bykans op ’n daaglikse basis berig van iemand wat hul rieme styfgeloop het nadat hulle miljoene van ander gesteel het. En dit is dan diegene wat uitgevang is waaroor berig word. Dink maar hoeveel ander is daar waarvan ons nie eers hoor nie! En is hierdie nie ’n sprekende voorbeeld van hierdie verskynsel nie? Mense raak só behep daarmee om diegene rondom hulle met hul sukses en finansiële vooruitgang te probeer beïndruk dat hulle eindelik God se insettinge heeltemal minag en hulle aan ander se besittings vergryp. Hierdie verkeerdheid word uitdruklik in Spr. 21:4 aangespreek. “Hoogheid van oë en trotsheid van hart — die glans van die goddelose is sonde.” Die wat groot rykdom op aarde op oneerlike wyse bekom, sal God nie vir ’n oomblik beïndruk nie.
AS GOD TOT DIE STRYD TOETREE
Ds A.E. van den Berg
“En toe Gídeon aankom, vertel 'n man aan 'n ander juis 'n droom en sê: Kyk, ek het 'n droom gehad: Daar rol 'n hard gebakte garsbrood in die laer van die Midianiete en kom tot by die tent en slaan dit dat dit omval en keer dit onderstebo, en toe lê die tent daar!” (Rigt.7:13).
Die boek Rigters vertel merkwaardige verhale van hoe God in sy volk se lewens ingegryp en hulle oor Satan se magte laat triomfeer het. In ʼn noodtoestand is mense bang vir dit wat moontlik met hulle kan gebeur. Gideon was ook bang. Toe God hom roep om sy volk van ʼn vyand te verlos, het hy die een verskoning na die ander gehad om nie te gaan nie. Miskien het Gideon gehoop dat God eerder iemand anders sou stuur. God het nie. Gideon was sy werktuig om Israel van die dreigende Satansmag te verlos.
Israel was gereeld deur vyande gepla, veral die Filistyne. In die tyd van Gideon was dit die Mideaniete. Hulle was talryker en meer gedug as enige ander vyand. Hulle sou Israel verpletter het as God nie tot hul redding gekom het nie.
MAAK DIE DEUR TOE!
Gelofterede 2023
Ds. A.E van den Berg
Geen dwaasheid te groot dat dit nie as evangelie geglo kan word nie. Nadat massaproduksie tot die standaardisering van handelsgoedere gelei het, is daar geglo dat die mensdom ook gestandaardiseer kon word. Dis gelykheid genoem en ʼn misgissing wat tot vandag toe nog wêreldwye ontwrigting en rassespanning veroorsaak.
Mense is nie gelyk nie maar eerder ongelyk; ʼn feit wat nie geminag durf word nie al haat sommige mekaar daarvoor. Elke skeppingsoort het ʼn ingebore behoefte aan afsondering waarsonder dit nie kan oorleef nie. ʼn Spreeu paar bv. nie met ʼn duif of ʼn buffel met ʼn renoster nie. Soort soek soort; die natuur se ysterwet. Afwykings hiervan vind slegs by hoë uitsondering plaas. Selfs dan kom die natuur daarteen in opstand en is die muil bv. onvrugbaar.
Geen wetgewing kan ongelyke mense nie gelyk dwing nie. Dit loop altyd op chaos en verbittering uit. Mense vereenselwig hul altyd met hul eie soort en skei hul t.w.v. eie voortbestaan van andersoortiges af. In die diereryk word indringers selfs instinkmatig verjaag.
DAG VAN DANKBARE VEROOTMOEDIGING
Ons staan soos die HERE wil more op Geloftedag voor Hom. Geloftedag – die Afrikanervolk, óns volk se aangewese dag van verootmoediging. 'n Volk wat volgens die Raadsplan van God met 'n besondere roeping aan die suidpunt van Donker Afrika geplant is – deur God bekwaam gemaak is om hierdie barre, wilde, dorre, harde landstreek ooreenkomstig Genesis 1-2 te onderwerp, te heers oor alles wat op en in en om hom bestaan, sy grond te bewerk sodat ook hierdie landstreek tot bloei kon kom tot lof van die HERE en geroepe uit die Reformasie om die Woord hier te saai en tot vrug te laat kom. Drie eeue lank het die Afrikanervolk hierdie tweeledige roeping uitgevoer. Ten spyte van Satan se verbete stryd om dit te verhoed, is daar danksy die Almag van God talle gelowiges in die land.
GELOFTEDAG SE EISE AAN DIE AFRIKANER
Dr Danie Theron
“Ons geskiedenis is gemaak deur mense wat bereid was tot stryd”. – Jaap Marais, Geloftedag, 16 Desember 1976
Elke jaar rondom Geloftedag en by die lees en herlees van die geskiedenis, ontdek mens ‘n nuwe dimensie aan hierdie dramatiese gebeurtenis in ons geskiedenis. En jaarliks besef mens die geweldige impak wat dit op ons het, of minstens behoort te hȇ.
Die gebeure van 16 Desember kan egter nie in isolasie gesien word nie. Die hele 1838 is monumentaal! Die moorde by Blaauwkrans en Weenen het vir die Voortrekkers van 1838 die werklikheid van Afrika met ‘n bliksemstraal verlig. Dit het die Voortrekkers van daardie tyd gelouter en as ‘n eenheid saamgebind en begeester om daarna die Slag van Bloedrivier te beleef. Triomfantlik.
OPROEP TOT GELOFTE-ONDERHOUDING
As gevolg van ons as volk se versuim om ons geloftes te betaal word die werke van ons hande verwoes. Die afgelope jare van sogenaamde demokrasie het tot gevolg dat ons fisies en geestelik aangeval en gedood word. Derduisende Blankes is al gruwelik vermoor; ons handewerk verkrummel voor ons oë – ons paaie verval tot sinkgate; ons riviere is omskep in rioolslote; ondergrondse water word vergiftig deur onbeheerde mynbou-aktiwiteite; ons word kinderloos as gevolg van volksvreemde onderwys; ons kerke keer die een na die ander die rug op Skrifgefundeerde apartheid ten gunste van veelgodery; ons dorpe en stede is oorgeneem deur onbevoegde amptenare wat dit in bankrotskappe gedompel het, bedrog word tot op die hoogste vlak van regeringsinstansies aangetref, oopgevlek en oor die hoof gesien.
So kan mens aangaan en klaaglied op klaaglied aanhef. Die klagstaat kan egter nie voor die deur van die huidige regering gelê word nie. Hulle is nie toerekeningsvatbaar nie aangesien hulle soos die heidense nasies van ouds dien as instrument om ons te tugtig ter bekering van ons verkeerde weë en nalatighede.
GOD ‘HEELTEMAL WEGGELAAT’ UIT WEGSPRINGWET
‘n Mislukte grondwet sal noodwendig ‘n voldonge mislukte staat voortbring.
Dit is die gevolgtrekking as daar van vroegste kritiek teen die beoogde veranderings aan die land se grondwetlike bedeling kennis geneem word.
Een van die kritici was ‘n Christelike belange-organisasie, Signpost, onder leiding van Edward Cain – Cain wat sy kantoor in Arcadia, Pretoria gehad het en ‘n inligtingstuk, Signposts, uitgegee het waarin hy kritiek, veral wat die kommunistiese trekke van die nuwe grondwetlike bedeling vir die land wat toe besig was om vorm in die Wêreldhandelsentrum in Kempton Park aan te neem, uitgespreek het.
TUSSEN DIE TWEE TESTAMENTE
Ds A.E. van den Berg
“Maar toe die volheid van die tyd gekom het, het God sy Seun uitgestuur, gebore uit ’n vrou, gebore onder die wet” (Gal.4:4).
Het jy al gewonder wat in die tyd tussen die Ou- en Nuwe Testament in Israel gebeur het? Die OT eindig met Maleagi 4 en die daaropvolgende hoofstuk (Mt.1) . Dit plaas ons onmiddellik in die NT met ʼn tydsgaping van 400 jaar. Wat het in hierdie tyd in Palestina, soos Israel toe bekend gestaan het, gebeur?
Toe Maleagi geskryf is, was Israel ʼn verenigde volk en terug op eie bodem. Die Tienstammeryk van Israel is in 732vC na Assirië en die Tweestamme ryk van Juda in 607vC na Babel weggevoer. Toe die Perse later wêreldheersers geword het, is die Bondsvolk teen ongeveer 537vC toegelaat om na Palestina terug te keer en die tempel en stadsmure van Jerusalem te herbou.
DR VERWOERD OOR APARTHEID
Min mense kon ‘n saak so goed stel soos dr Hendrik Verwoerd. En dit was deurentyd so na aan die waarheid as kon kom. Hieronder volg ‘n lieflike waarheidstelling om aan mense wat nie die begrip ‘apartheid’ verstaan het nie, in praktyk uit te lê.
“Sê nou ek boer met mielies en jy boer met beeste. As jou beeste in die nag kom en my mielies opvreet, is daar mos moeilikheid, groot moeilikheid. Die mielies is weg en die beeste word vet. Nou is ons kwaaivriende. Maar as ons nou ooreenkom om 'n heining tussenin te sit kan ek mos voortgaan met my mielieplantery en jy met jou beeste, want hulle kan nie meer in die nag oorkom nie. Dan gee ek jou van my mielies vir voer, en jy gee vir my melk en ek koop by jou vleis. Dan is ons goeie bure en almal is tevrede. So is apartheid: leef en laat leef. "
Satan het geweet as hy nie hierdie man laat vermoor nie, geen geldmag of liberalis ons Suid-Afrika met al sy ondergrondse rykdomme en sy christenvolk sou kon onderkry en oorneem nie. Daarom moes dr Hendrik Frensch Verwoerd op 6 September 1966 om 2:15 sterf.
Tans is Satan koning van die aarde, maar nie meer vir lank nie – die Here se koms is naby; die Woord van God getuig daarvan: ons mag die tekens sien, en dit wys vir ons dat Jesus se koms naby is. Sorg dat u gereed is daarvoor!
GELDMAG MAAK TRILJOENE MET GMS
Die ANC-regime is tans besig om met die geldmagte te onderhandel om slegs geneties gemodifiseerde saad (GMS) in Suid-Afrika toe te laat. Dit word onder 'n aantreklike vaandel van voorspoed en uitbreiding voorgehou maar waarvan die uiteinde presies die teenoorgestelde sal wees, soos talle boere in ander lande waaronder die VSA kan getuig.
Die geneties gemodifiseerde (GM) saadmark verwys na die bedryf wat betrokke is by die produksie, verspreiding en verkoop van geneties gemodifiseerde sade. Geneties gemodifiseerde sade word geskep deur die proses van genetiese ingenieurswese, waar spesifieke gene in die DNA van die saad ingevoeg of gemodifiseer word om gewenste eienskappe te verbeter. Dit is die lokval wat die Geldmag stel want watter boer wil nie graag sy oeseienskappe en opbrengste verbeter nie!
Hierdie gewysigde eienskappe kan inderdaad verbeterde weerstand teen plae, siektes en omgewingstoestande, verhoogde opbrengspotensiaal, verhoogde voedingsinhoud en verdraagsaamheid teen onkruiddoders insluit. Maar die doel van geneties gemodifiseerde sade is nie om landbou-uitdagings aan te spreek en oplossings te verskaf wat kan help om produktiwiteit te verhoog, oesverliese te verminder en algehele oeskwaliteit te verbeter nie, maar om tonne geld te maak. Dit gebeur wanneer die gemodifiseerde saad nie kan herproduseer nie en daar elke oesseisoen nuwe saad by die geldmaggedrewe organisasies aangekoop moet word.
Die mark vir geneties gemodifiseerde sade het natuurlik die afgelope paar jaar aansienlik gegroei. Die Geldmag beweer hierdie groei kan toegeskryf word aan verskeie faktore, insluitend die toenemende wêreldbevolking, wat gelei het tot 'n groter vraag na voedsel en landbouprodukte – komende van dieselfde magsugtige monde wat die wêreldbevolking feitlik totaal wil uitwis! Geneties gemodifiseerde sade bied glo die potensiaal om oesopbrengste te verhoog en in die groeiende voedselvraag te voorsien maar ook alle organiese groei te vernietig. Mag die twee stoele waarop hierdie maatskappye sit spoedig en skielik uitmekaar skuif!
Lys van topmaatskappye in die mark vir geneties gemodifiseerde saad is:
• Bayer CropScience.
• Monsanto
• BASF SE.
• Syngenta.
• DowDuPont.
• R. Simplot Co.
• JK Agri Genetics Ltd.
• Maharashtra Hybrid Seed Company (MAHYCO)
• Calyxt Inc. en vele ander
IS ONS LEWENS VRUGTEVOL?
Hannes Ollewagen
Markus 4:1-20
“En hulle by wie in die dorings gesaai word – dit is hulle wat die woord hoor, en die sorge van hierdie wêreld en die verleiding van die rykdom en die begeerlikhede in verband met die ander dinge kom in en verstik die woord, en dit word onvrugbaar. En dit is hulle by wie in die goeie grond gesaai is – hulle wat die woord hoor en aanneem en vrugte dra: een dertig- en een sestig- en een honderdvoudig.” (:18-20).
Hierdie jaar staan alweer op sy kop. Asof in ’n oogwink is nog ’n jaar verby. Ek is seker dat ieder en elk van ons seker aan die einde van elke jaar begeer dat die komende jaar net effe rustiger kan wees. Daar is dan net soveel dinge wat ons nog graag wil doen, maar gewoon nie tyd voor vind nie. En hoe gepas is hierdie gelykenis van Christus dan nie juis in só ’n tyd nie. Christus vertel hier van ’n saaier wat uitgaan om te saai. En daar is ’n deel van die saad wat langs die pad val, daar is ’n deel wat op rotsagtige plek val, ’n ander deel wat tussen die dorings val. Daar is dan ook eindelik ’n deel van die saad wat in die goeie grond val en hierdie is ook die enigste wat vrug oplewer.
BLANKE SELFMOORD!
...OF BLANKE ONBAATSUGTIGHEID?
Die ergste maatskaplike werk is waar ons gevra word om lewens te red wat dit nie werd is nie! - Ralph Waldo Emerson
Die Blankedom is bekend vir sy onbaatsugtigheid. Weens sy hoofsaaklik Christelike inslag het die leuse "leef en laat leef" vastrapplek in die Blanke se denke gekry. Om aan andere te doen wat jy aan jouself gedoen wil hê, bestaan as amperse vanselfsprekende beginsel by feitlik alle Blankes. Die vraag vandag is egter of hierdie uitgangspunt nie juis die ondergang van die Blanke gaan beteken nie, en daarby, of dit enigsins nog met redelikheid toegepas word.
Wêreldwyd is Blankes besig om die aftog te blaas en word hulle onbaatsugtigheid of mededeelsaamheid eenvoudig met minagting begroet. Terwyl immigrante uit veral Afrika instroom in Europa word Europeërs verkwalik dat hulle nie meer doen om hierdie onwettige immigrante in hulle lande te verwelkom nie!
FILM OOR NAPOLEON
Napoleon-rolprent net nog ‘n aanslag op helde van weleer
Dr Danie Theron
Die rolprent oor Napoleon Bonaparte wat tans in Ster Kinekorteaters vertoon word is myns insiens uiters swak. Dit laat mens met absoluut geen boodskap nie selfs al was dit die kennelike doel van Scott Ridley om Napoleon as 'n swakkeling en ‘n lafaard uit te beeld. Joaquin Phoenix is baie swak in die hoofrol; dalk met opset. Hy laat my trouens herinner aan sy rol in die Gladiator. Daar het hy sy lafaard-rol met oortuiging vertolk.
Napoleon was dalk die grootste veldheer wat daar ooit was. In elk geval is hy minstens in dieselfde kategorie as Alexander die Grote.
WIE IS KONING IN JOU LEWE ?
Ds A.E. van den Berg
“En toe Jesus te Betlehem gebore is... het daar wyse manne uit die Ooste in Jerusalem aangekom en gesê: Waar is die Koning van die Jode wat gebore is?...”(Mt.2:1,2).
Met Jesus se geboorte was Herodes die koning. Hy was nie ʼn Jood nie maar ʼn Edomiet (Esau se nageslag) wat vier jaar later in Jerigo oorlede is - 69 jaar oud. Omdat Herodes net op eie eer ingestel was, het hy verskeie groot bouprojekte soos die vergroting van die tempel geloods sodat mense hom nie sou vergeet nie. Ironies genoeg word hy eerder vir sy wreedheid met die slagting van seuntjies net ná Jesus se geboorte onthou.
Dit was alles te wyte aan ʼn besoek van drie wyse manne uit die Ooste se vraag na waar die koning van die Jode gebore is. Was Herodes dan nie die koning nie? Hy was ontsteld omdat niemand hom oor so ʼn geboorte ingelig het nie. Niemand van die godsdiensleiers het iets geweet nie, slegs heidense sterrekykers.
CHRISTIAAN RUDOLPH DE WET VERTEL…
Toe die oorlog in 1914 tussen Engeland en Duitsland uitbreek, het ons dit as die aangewese geleentheid gesien om ons verlore onafhanklikheid te herwin op 'n tydstip wanneer Engeland al sy aandag in die oorlog aan sy vyande sou bestee. Ag, hoe maklik sou ons nie daarin geslaag het nie, maar ... min het ons geweet dat ons toe nie meer bondgenote gehad het in die persone van ons Eerste Minister en sy Minister van Verdediging nie. Generaal Louis Botha en generaal Jan Smuts, bittereinders van die Tweede Vryheidsoorlog, wat saam met my en al die ander die heroïese stryd teen Groot-Brittanje vir die behoud van ons onafhanklikheid gevoer het, het hulle Boereharte vir Engelse harte verruil en Suid-Afrika as bondgenoot van Engeland in die stryd laat toetree.
Die rebellie wat toe as protes daarteen plaasgevind het, was feitlik uit die staanspoor tot mislukking gedoem. Ek moes uiteindelik, met nog net ses man by my, aan Botha se troepe oorgee.