Gedagtes vir elke dag
Of lees almal by Gedagtes vir elke dag
Ons is reeds in daardie tyd waarteen Paulus vir Timótheüs waarsku dat daar 'n tyd sal aanbreed dat die volk hul oor sal afkeer van die waarheid en hul sal wend tot fabels. En dit geld nie net vir Godsdiens nie; ook het die volk hulle ore vir politieke misleiers uitgeleen en al die fabels oor 'n 'wonderlike Nuwe Suid-Afrika' geglo. Hiervoor sal dieselfde verantwoording gedoen moet word.
GEBED VIR DIE NAWEEK
Here, ek bid vir vrede in my ontwrigte land. Die vrede wat die heidene voorstaan, is doodsake vir my volk! Hulle saai verwoesting en noem dit vrede. Om vrede met geweld af te dwing, slaag net so min as om heuning uit ʼn slang te probeer verkry. ʼn Vrede ten koste van vryheid is nie ʼn winskopie nie. So ook nie ʼn slegte vrede nie. Dis erger as oorlog!
Here, gryp in ons land in want sonder U kan geen vrede stand hou nie. U Woord leer dat vrede net kan heers waar die mag van die liefde die liefde vir mag vervang het.Waar dit gebeur, is daar liefde en waar liefde is, is vrede.
Ek bid vir volksgenote dat hulle eerstens vrede in hul eie huise sal hê alvorens hulle elders daarna soek. Wie vrede in sy huis het, is gelukkig ongeag of hy ʼn koning of ʼn kneg is. Wie dit nie het nie, soek tevergeefs elders daarna. Vrede in ʼn huis bring orde in ʼn gesin en ʼn ordelike gesin bring rus in ʼn volk.
Laat ons egter nooit vrede ten alle koste begeer nie, maar slegs daardie vrede wat op Bybelse beginsels en geregtigheid geskoei is. Begeester ons so dat ons eerder engele van vrede en nie regters oor vrede sal wees nie!
Amen
DIE NUWE JERUSALEM
Ds. A.E van den Berg
“Wie oorwin, Ek sal hom 'n pilaar in die tempel van my God maak, en hy sal daar nooit weer uitgaan nie; en Ek sal op hom die Naam van my God skrywe en die naam van die stad van my God, van die nuwe Jerusalem, wat uit die hemel van my God neerdaal, en my nuwe Naam” (Openb.3:12).
Inleiding
Die bewoording Nuwe Jerusalem word tweemaal in die Bybel vir die simboliese stad van die gelowiges in die hiernamaals gebruik en die inwoners daarvan die bruid van Christus genoem. Hierdie stad is ná die oordeelsdag die ewige tuiste van alle gelowiges en nie die hemel nie. Die Paradys is die wagkamer na die Nuwe Jerusalem waar gelowiges hul ná hul dood bevind.
Niemand gaan hemel toe nie. Dis die uitsluitlike woonplek van God en sy engele. Jesus sê self dat daar geen mens in die hemel is nie:
“En niemand het opgevaar in die hemel nie, behalwe Hy wat uit die hemel neergedaal het, naamlik die Seun van die mens wat in die hemel is” (Joh.3:13).
GEBED VIR DIE WEEK
“Here, maak my klein voor U sodat u grootheid in my nederigheid skitter. Gee dat ek nie minder van myself dink nie maar eerder minder aan myself dink en mense sien soos wat hulle werklik is en nie teen my eie belangrikheid vaskyk nie. Ek wil nie opsigtelik na nederigheid streef nie, maar bid dat dit eerder die natuurlike gevolg van my toegewyde lewe aan U sal wees.
Maak my elke dag leeg van myself sodat U my gedurig met dit wat in my lewe ontbreek, kan vul. Gee dat my nederige hart die mooiste tempel vir U sal wees en dat niks my so buite die satan se bereik plaas soos nederigheid nie.
Laat ek nooit my nederigheid as ʼn swakheid beskou nie, maar eerder as besondere geesteskrag wat U my gee om U en my naaste mee te dien. En as ek oortree bid ek U om vergifnis want ʼn fout wat my nederig maak is beter as ‘n prestasie wat my hoogmoedig kan maak. Laat my derhalwe laag voor U buig ten einde groot voor U te kan wees.
WGO BRING WÊRELDCHAOS
Daar wag 'n baie moeilike tyd vir ons indien die Wêreld Gesondheidsorganisasie (WGO) toegelaat word om hulle planne deur te voer. Hulle beplan om sover moontlik elke land te laat teken om deel te wees van 'n ooreenkoms waarin uiteengesit is dat die WGO daardie land se gesondheidsbesluite oorneem. Maar dit behels baie meer deurdat hulle hulself in die kontrak alle regte toeëien met betrekking tot wat 'n pandemie is, hoe lank dit sal duur, om virusse name te gee en alleen te besluit hoe dit hanteer moet word ens. Die besturende direkteur van die WGO, Tedros, het diplomatieke immuniteit wêreldwyd en kan dus doen wat hy wil sonder om gearresteer te word. Dit sal verrykende gevolge bring in lande wat onder sy mag staan - en Ramaphosa het reeds geteken!
Luister na die inhoud van die video hieronder om beter te verstaan wat so ooreenkoms behels en tot gevolg sal hê.
https://lovinglifetv.com/world-health-organisation-read-un-planning-to-take-control-of-your-health/
IS ONS HANDE REIN?
Hannes Ollewagen
Ps. 24:1-10
“Wie mag klim op die berg van die Here? En wie mag staan in sy heilige plek?Hy wat rein van hande en suiwer van hart is, wat sy siel nie ophef tot nietigheid en nie vals sweer nie.Hy sal seën wegdra van die Here en geregtigheid van die God van sy heil.” (:3-5).
Geliefdes, hierdie vraag wat Dawid in Psalm 24:3 stel laat my onwillekeurig aan ‘n gebeurtenis in Moses se tyd dink. Daar waar God met Moses afgespreek het om op die berg Sinaí na Hom op te klim ten einde aan hom die wet te gee wat aan God se volk geleer moes word. En vóór Moses na God opklim, is hierdie belangrike reël deur God aan hom gegee.
“Ook moet jy vir die volk 'n grens rondom aanwys en sê: Pas op dat julle nie op die berg klim of sy voet aanraak nie. Elkeen wat die berg aanraak, moet sekerlik gedood word.” (Ex. 19:12).
GEBED VIR DIE NAWEEK
Here, vervul my hierdie naweek met lewensvreugde, nie omdat die lewe as sulks goed is nie, maar omdat U in my lewe goed is. Maak my sterk in teenspoed sodat die wanhoopsdampe van ontnugtering nie die helder lig van die hemel in my lewe sal verdring en ek ongeloof uitspit waar U geloof geplant het nie.
Dankie dat U die storms in gelowiges se lewens stilmaak, maar soms ook laat aangaan om ons stil te maak.
Leer my Here, dat as ek in beproewing beland, U my nie wil ombring nie maar eerder nader aan U wil bring. Laat my nooit wanhopig word nie en onthou dat ek ʼn God aanbid wat Hom in moontlikhede verlustig.
Ek dank U ook vir moeilike tye in my lewe waarsonder ek nooit my geesteskrag sou leer ken het nie. Maak my opreg dankbaar vir alles wat ek van U ontvang en laat dankbaarheid die koning van al my deugde wees. Maak my rustig in onrustige tye en dat ek onthou my lewe is in die hande van Een wat die ganse heelal gemaak het. Daarom wil ek eerder saam met U in my teenspoed as sonder U in my voorspoed wees!
Amen
HULPBRON-OORLOË
OORLOG LEI TOT KONSOLIDASIE VAN MAG
Die oorlog in die Oekraïne bring heelwat vraagstukke na die oppervlak. Een daarvan is of die hele gebeure beplan is tot voordeel van die NWO. Op die oog af wil dit so lyk aangesien Amerika met NAVO Rusland uitgelok het tot Poetin daarop gereageer het. Die meeste oorloë word gevoer vir heel ander redes as wat gesê word.
Terwyl baie ryk liefdadigheidsorganisasies en stigtings beweer dat hulle bevorderaars van vrede is, is die werklike agenda allesbehalwe vrede. Oorlog is 'n gunsteling NWO-strategie. Dit is 'n middel tot 'n doel, aangesien oorlog ekonomiese stimulus en sosiale verandering bied wat dan gebruik kan word om mag te konsolideer en te sentraliseer.
Sodra jy dit besef maak selfs hoofstroom-interpretasies van die geskiedenis dit voor die hand liggend. Elke betekenisvolle konflik eindig in 'n onderhandelde vredeskonferensie en elke onderhandeling vestig verdere sentralisasie van mag binne groter streeksliggame of interregeringsorganisasies, wat konsekwent soewereiniteit vernietig en kragte konsolideer.
MASKERS SE MAAI!
Soms is daar nog so ‘n bietjie regverdigheid in hierdie verkeerde lewe. 'n Regter in Florida het die Covid-19-mandaat wat Amerikaners verplig om maskers op vliegtuie en in ander openbare vervoer te dra verwerp, en gesê dat president Joe Biden se administrasie sy gesag oorskry het en nie sy besluit behoorlik regverdig het nie.
Regter Kathryn Kimball Mizelle van die Amerikaanse distrikshof in Tampa het haar uitspraak gemaak net vyf dae nadat die Centers for Disease Control and Prevention (CDC) sy mandaat vir maskers tot minstens 3 Mei verleng het.
“Die hof kom tot die gevolgtrekking dat die maskermandaat die CDC se statutêre gesag oorskry en die prosedures wat vereis word vir die maak van reëls oortree het. . .” het die regter in haar uitspraak gesê.
DIE BALK WAT ONS VERBLIND
Hannes Ollewagen
Matt. 7:1-29
“En waarom sien jy die splinter in die oog van jou broeder, maar die balk in jou eie oog merk jy nie op nie? Of hoe sal jy vir jou broeder sê: Laat my toe om die splinter uit jou oog uit te haal, en kyk, in jou eie oog is die balk! Geveinsde, haal eers die balk uit jou oog uit, en dan sal jy goed sien om die splinter uit die oog van jou broeder uit te haal.” (:3-5).
Geliefdes, u sal seker onthou van die geleentheid waar Natan by koning Dawid gekom het en aan hom vertel het van ‘n ryk man wat homself vergryp het aan die eiendom van ‘n arm man. Hy het hierdie saak aan Dawid voorgehou omdat hy as die koning oor die besonderse vermoë moes beskik om in enige saak regverdig te oordeel. En na aanhoor van hierdie saak, het Dawid ook ‘n streng en regverdige oordeel oor die oortreder in die saak wat Natan voorgehou het, uitgespreek!
VADER VAN DIE NUWE WÊRELDORDE...
...en die 'noodsaak' van die Covid-pandemie
Indien u gereeld hier op Gelofteland lees weet u teen hierdie tyd baie van die Nuwe Wêreldorde wat met ‘n eenwêreldregering die hele wêreld wil regeer om die weg vir die koms van die antichris te baan.
Die NWO se planne is gebaseer op tegnokrasie, dit wil sê, “The Great Reset” en die “Vierde Industriële Revolusie”. Tegnokrasie is die spreekwoordelike bedryfstelsel vir die "superklas", 'n gesentraliseerde globale elite wat daaraan werk om die eksklusiewe eienaarskap van al die bates ter wêreld te verseker, en die res van ons tot skuldige slawe te reduseer.
Die NWO spoor terug na Cecil John Rhodes, 'n Britse sakeman en stigter van De Beers Consolidated Mining. By sy dood in 1902 het hy 'n enorme fortuin nagelaat vir die skepping van 'n aantal openbare stigtings, 'n geheime vereniging en 'n nuwe wêreldregering gebaseer op die Britse ryk. Hierdie NWO – omlyn in Rhodes se 1877-manifes, "Belydenis van Geloof" – sou wees: “... vanuit sy middelpunt regeer deur ’n Anglo-Amerikaanse elite wat hul beheer sou uitoefen deur heimlik saam te werk met die wêreld se politieke, ekonomiese, wetenskaplike en kulturele leiers”.
CHRISTUS HET OPGESTAAN...
…en Hý regeer!
Christus het waarlik opgestaan vir u en elkeen wat in Hom glo sodat ons nie verlore sal gaan nie maar die ewige lewe sal hê. Dit is hiéraan wat ons hierdie week so intens herinner word. U mag dalk steeds vra waarom Jesus Christus se opstanding so belangrik is? Die antwoord is dat Jesus Christus se opstaan uit die dood die basis is van ons en enige ander Christen se nuwe lewe. As Jesus nie opgestaan het nie, sou daar geen opstanding, geen nuwe lewe wees nie – dan sou dit wat ons elke dag beleef, ervaar, hoor, proe, voel en sien... net dit alleen wees.
Gedurende ons herdenking van hemelvaart fokus ons gewoonlik op die feit van die nut van die hemelvaart of ons vestig die aandag op die opdrag net voor die hemelvaart, naamlik om dissipels te maak, maar dink ons ooit na oor die getuienis van hemelvaart? Dit is of ons soms in die Twaalf Artikels vassteek by die opvaar na die hemel, en dan vergeet ons van "en sit aan die regterhand van God..."
DIE KOUE OORLOG IN NUWE GEDAANTE?
Dr Danie Theron
Winston Churchill het by geleentheid opgemerk:
“Don’t ask me about Russia. It’s a riddle wrapped inside a mystery inside an enigma.”
Ek is bevrees, as ek so na sekere mense se opmerkings oor die huidige Russiese konflik in die Ukraïne kyk, weet hulle nog minder van Rusland as die eertydse Britse eerste minister!
Wat bekendgestaan het as die Koue Oorlog, ‘n tydperk van gestremde verhoudings tussen die Ooste en die Weste en wat gestrek het vanaf die mid-1950’s tot 1991, is aan meeste van ons bekend. Die Russe was vasgevang binne die Joodsdaargestelde Bolsjevisme in ‘n kommunistiese staat bekend as die USSR. Met die val van die Berlynse Muur in Oos-Duitsland het state, die een na die ander, hulleself van Kommunisme bevry. So ook Rusland.
GOEIE VRYDAG EN VERGIFNIS
Ds. A.E. van den Berg
“En Jesus sê: Vader, vergeef hulle, want hulle weet nie wat hulle doen nie...” (Luk.23:34).
Dis ʼn Vrydagoggend nege uur in Jerusalem. Buite die Damaskushek staan duisende mense langs ʼn pad wat na ʼn rotskoppie lei en soos ʼn skedel lyk; Golgota, die plek waar doodsvonnisse voltrek word. Romeinse soldate staan gereed om hul grusame werk te doen. Daar is hierdie Vrydag slegs drie veroordeeldes. Wat hulle name was en of hulle skuldig of onskuldig was, het die soldate min geskeel. Hulle was laksmanne wat ʼn dagtaak gehad het om af te handel. Niks minder en niks meer nie. Al wat hulle daardie Vrydagoggend wel geweet het, was dat een ʼn prediker uit Nasaret was. Daarom was daar soveel mense. Die ander twee was opperste skobbejakke.
STEVE EN RIAN
BITTEREINDER
Rian van Heerden is na alles maar net 'n patetiese figuur. Maar ongelukkig in hierdie droewe land van ons, het sy perversiteit en sy bannaliteit die "roeping" en die rigsnoer geword waarna ons gedwing word om te streef. 'n Radiostasie soos Jakaranda wat die laagste gemene deler in ons samelewing verteenwoordig, verdien drek soos Van Heerden. Dis 'n gebabbel en 'n geklets van die more tot die aand, maar so leeg en sinloos dat enige denkende mens wat nog nie die stasie vaarwel toegeroep het nie, dit regtig nou ernstig moet oorweeg. Steve Hofmeyr is geen engel nie, maar gemeet aan 'n uitvaagsel soos Van Heerden, ‘n regte engel! Afrikaners sal hulleself 'n guns doen om ernstig te besin oor hulle "vermaak" want ons het in tye soos hierdie die gawe van onderskeiding nodig. Die alternatief is na alles, boos en inhoudloos.
ANC REEDS 8 SATANSKERKE GELISENSIEER
Het u geweet dat die ANC reeds agt satanistiese kerke in Suid-Afrika toegelaat het om gelisensieerde status te kry? Dit behoort nie 'n skok te wees nie want ons weet dat die ANC nie kinders van die Here is nie maar as ons toelaat dat dit voortgaan is dit verby met hierdie eens christenland waar God sy kinders beskerm en veilig gemaak het. En daardie politieke partye wat die grondwet ondersteun: dink mooi wat julle doen - om nie daarteen te veg nie maak julle aandadig aan die instelling van sataniese kerke; daarvoor sal julle eendag verantwoordelik staan voor die God van hemel en aarde!
Kyk gerus die kort video by die skakel hieronder:
https://lovinglifetv.com/demonic-anc-government-approve-satanic-rituals-in-south-africa/
NATAL IN NOOD
Heel onder volg die skakel na 'n video oor die huidige situasie in Natal. Wat kommerwekkend is, is dat daar watertekorte is agv 'n hoofwaterpyplyn wat beskadig is deur die geweldige vloede. Ook Ladysmith ondervind swaar reënval en vloede. Daar word nog baie reën in die volgende twee weke verwag. Mense wat enigsins 'n bydrae kan maak word vir hulp gevra - die volgende inligting daarvoor:
"If you can help please send money to Patrick at Farmers Aid SA, bank details as follows:
FNB Cheque account
Account name: Farmers Aid SA
Account No: 62601364813
Branch Code: 221025
Swift – FIRNZAJJ
PayPal: Hierdie e-posadres word van Spambotte beskerm. Jy moet JavaScript ontsper om dit te lees.
Ref: Kzn Flood Victims Fund"
https://lovinglifetv.com/update-on-the-devastating-floods-in-kzn-durban-and-ladysmith/
WGO NOU SA SE BAAS?
Nou weer die ernstige wat op ons wag:
Ná 'n kort video in dieselfde skakel hieronder oor die verwoesting wat reën in Natal meegebring het, kan u luister na 'n onderhoud wat met die groep Dear South-Africa gevoer word. As u bietjie ekstra tyd het en nader na die einde kan luister sal u hoor dat dié groep meen dat geen wet in SA hoër gereken word as die Grondwet van SA nie en dat ons veilig is met betrekking tot die besluite van die Wêreld Gesondheidsorganisasie wat besluit het om elke land wat die kontrak teken, onder sy vlerk te neem met elke besluit wat die WGO neem.
Maar daar is wetsgeleerdes wat meen dat nádat Ramaphosa reeds daardie kontrak geteken het, wat hy het!, ons land se totale wetgewing ondergeskik is aan die WGO. As dit die geval is, dan het SA reeds sy laaste asem uitgeblaas.
Luister hierna en maak 'n besluit oor waar u ons land hierna sien...
TOEWYDING...
Soms moet 'n mens heeltemal weg van ons onstuimige wêreld iets mooi en kosbaar kyk:
https://lovinglifetv.com/daily-inspirational-video-13-april-2022-smart-dog/ OF:
HEEL GROOTSTE COVID-BEDROG
En ons dink dat die ergste bedrog met betrekking tot geld vir ‘n covid-hulpfonds hier in Suid-Afrika plaasgevind het? Moenie glo nie, Amerika wen by verre!
In die VSA is daar ‘n covid-hulpprogram gestig by name Paycheck Protection Program (PPP) om mense wat finansiëel die ergste daaronder gely het, tot hulp te wees. Die probleem het egter ingekom toe die kleinsake-administrasie basies vir mense gesê het: Doen aansoek, teken en sê vir ons dat jy regtig op die geld geregtig is. En natuurlik is dit vir bedrieërs 'n uitnodiging.
Die voorkoms van die covid-hulpbedrog is al 'n geruime tyd bekend maar die enorme omvang en die ontstellende implikasies daarvan word nou eers duidelik. "Iets soos hierdie het nog ooit gebeur nie," sê Matthew Schneider, 'n voormalige Amerikaanse prokureur van Michigan. “Dit is die grootste bedrog in enige generasie.”
VERREGAANDE VALS MEDIA-NUUS!
Indien u self wil sien hoe vals die hoofstroommedia is, kyk gerus na die video by die skakel hieronder. The Telegraph, sogenaamd 'n gerespekteerde koerant, gaan so ver soos om 'n video wat in Augustus 2013 op YouTube geplaas is, te gebruik om nou gif teen Rusland te strooi deur die onderskrifte op die video te verander en voor te gee dat Rusland nou 'n mobiele lyksverassingsdiens doen om van al die "baie" lyke ontslae te raak. In werklikheid is die trok gebou om effektief van vullis in strate ontslae te raak wat 'n baie groot deurbraak was vir die probleem.
Wanneer 'n "gerespekteerde" koerant tot sulke uiterstes moet gaan om mense 'n rat voor die oë te draai, kan mens maar weet dat die teenoorgestelde waar is. Poetin word om elke draai belaster en belieg; tog so jammer dat mense oral in die wêreld, net soos hier in Suid-Afrika, vas voor die TV sit en na al die vals nuus oor die radio luister - en dit glo! Die menslike vee-trop wat alles volg wat aan hom voorgehou word sonder om self ondersoek in te stel - so noem die kommuniste ons terwyl hulle ons uitlag omdat ons nie vir onsself kan dink nie..