(Lees die reeks by Afrikaanse Idiome en Gesegdes

• Hy het die klok hoor lui maar weet nie waar die bel hang nie (hy weet min maar praat saam)
• Hy is belas en belade ( hy het baie probleme)
• Hy is erflik belas met sy humeur( hy erf dit van sy ouers)
• By elke stoutigheid is hy die belhamel (hy neem die voortou – die bok wat voor loop het gewoonlik 'n klok om die nek en die ander volg hom dan)
• Tant Bellie staan op die stoep ('n vermaning dat 'n verkoue-lyer sy sakdoek moet gebruik)
• Hy word daagliks beleër deur mense wat wil geld leen (baie mense kom om te leen)
• Hy kon sy taak sonder beletsel afhandel (niemand het hom verhinder om dit te doen nie)
• Hy dien Belial (hy dien die duiwel)
• Hy is 'n Belialskind (hy is 'n niksnut)
• Veel belowe en weinig gewe, laat die sotte in vreugde lewe (deur beloftes word jy soms vir die gek gehou)
• As jy nie het wat jy bemin nie, bemin dan wat jy het (aanvaar en wees tevrede met wat jy het)
• Hulle het haar goeie naam bemodder (hulle het haar naam sleg gemaak)
• Bemoei jou nie met 'n ander se sake nie (moenie jou neus in iemand anders se sake steek nie)
• Hy is hoog beneuk en ver van huis (hy is heeltemal befoeterd)
• Sulke dinge is benede my (ek sal nie so laag daal nie)
• Na die tweede drankie was hy reeds taamlik benewel ( hy was reeds dronk)
• Dit benieu my (dit maak my nuuskierig)
• Hy is sy ouers se Benjamin (hy is die jongste kind)
• Sy het geen benul van die saak nie (sy weet niks daarvan nie)
• Neem dit in beraad (dink ernstig daaroor)
• In die gesprek het hy die voorval te berde gebring (hy het dit in die gesprek genoem)

(Lees die reeks by Afrikaanse Idiome en Gesegdes

• Dis 'n bitter beker om te drink (dis 'n baie onaangename ondervindiing)
• Hy moes die beker tot op die bodem ledig (hy moes die hele situasie deurmaak)
• Dit was net 'n druppel in die beker (dit was 'n klein bydrae)
• Dis darem 'n soet druppel in die beker (iets aangenaams te midde van leed of teenspoed)
• Tussen lip en beker is soveel onsekerheid (daar kan nog baie dinge gebeur)
• Sy beker loop oor (dit gaan met hom baie goed)
• Hy is die beker sonder oor (hy is 'n geslepe persoon)
• Dit reën vir die beker (dit reën hard)
• Hy spook vir die beker (hy beur met alle mag)
• Sy beker is vol (hy kan nie veel meer verdra nie)
• Hy speel bekfluit met die mielie (hy eet die mielie vinnig op)
• Dis 'n bekkige knapie (vir sy ouderdom raak hy oulike sêgoed kwyt)
• Hy beklee 'n goeie amp (hy het 'n goeie werk)
• Hy is met gesag beklee (hy is in 'n gesagsposisie)
• Die saak is gou beklink (dit is gou en suksesvol afgehandel)
• Hy het hom bekoms geëet (hy het homself siek geëet)
• Dit sal jou suur bekom (jy sal spyt wees daaroor)
• Hy het die saak agter my rug bekonkel (hy het dit op 'n oneerlike manier gedoen)
• Hy het die saak agteraf bekook (hy het dit skelm gemanipuleer)
• Hy het elke keer 'n bekslag (hy het elke keer 'n gevatte antwoord – so 'n antwoord het dieselfde uitwerking as 'n hou op die mond)
• Hy het ontaard in 'n bekvegter (hy veg met woorde)
• Ná die derde sopie was hy nie meer bekwaam nie ( ná die derde drankie was hy nie meer nugter nie)

(Lees die reeks by Afrikaanse Idiome en Gesegdes

• Hy het 'n bek aan hom (hy kan die woord doen)
• Hy het 'n bek soos 'n advokaat (hy is glad met sy mond)
• Hy voel baie bekaf (hy is nie baie gelukkig nie, nie op sy stukke nie)
• Hy het baie bek (hy kan grootpraat)
• Hy het 'n bek soos 'n bakoond (hy het 'n groot mond)
• Meer bek as binnegoed (hy is 'n grootprater met min verstand)
• Hy is in die bek geruk (hy is bietjie teruggehou)
• Hy sit daar met sy droë bek (hy is baie teleurgesteld)
• Hy is nie op die bek geval nie (hy het 'n antwoord vir alles)
• Sy bek hang (hy is erg verleë)
• Hou, bek, hou! ('n uitroep as daar gespog of grootgepraat word)
• Hy het 'n bek op sy lyf (hy is 'n goeie spreker)
• Hy is net bek (Hy praat net en doen nie veel nie)
• Moenie 'n gegewe perd in die bek kyk nie (moenie 'n geskenk kritiseer nie – 'n voornemende koper kyk gewoonlik in 'n perd se bek om te sien hoe oud of gesond hy is nav die toestand van sy tande)
• Al wat bek en pote het, moes in die krisis help (almal moes inspring en help)
• So moet 'n bek praat (ek hou baie van wat jy sê)
• Hy trek skewe bek (hy tart iemand met 'n vertrekte gesig)
• Dis 'n geval van bek lek en stert swaai (dis 'n geval van mooipraat om indruk te maak)
• Hy is taamlik taai in die bek (jy kry nie veel met hom uitgerig nie)
• Hy sit daar met 'n bek vol tande (hy praat nie 'n woord nie)
• Jou bek sal maak dat jy treinry (wat jy sê kan vir jou 'n loesing meebring)
• Hy het sy bek vir my uitgebrand (hy het my sleggesê)
• Eendag verbrand jy nog jou bek (eendag sê jy dalk iets wat ongesê moes bly)
• Hy het weer sy bek verby gepraat (hy het weer iets gesê wat hy nie moes nie).

(Lees die reeks by Afrikaanse Idiome en Gesegdes

• Hy is nou op begane grond (hy is op vaste aarde)
• Sy kragte het hom begeef (hy het baie swak geword)
• My moed het my begewe (ek het bang geword)
• Waarin het jou al weer begeef (wat het jy nou weer aangevang)
• Waar 'n begin is, is 'n einde (as jy sover gekom het om iets aan te pak, het jy al 'n ent gevorder)
• Goed begin, is half gewin (as die begin goed is, is die kans dat jy sal slaag soveel beter)
• ' n Goeie begin sit voordeel in (as jy goed begin, is sukses meer waarskynlik)
• Klein begin,aanhou win (moenie te veel aanpak nie, anders moet jy dalk tou opgooi)
• Hulle moes van meet af begin (hulle moes van voor begin)
• Daar is niks met hom te begin nie ('n mense kan niks met hom regkry nie)
• Goed begonne, is half gewonne ('n goeie begin is nodig vir sukses)
• Klein begonne is halfgewonne (as jy op klein skaal begin het, sal jy, deur vol te hou, bo uitkom)
• Hy sal nog laat vir sy eie begrafnis kom (hy is altyd laat)
• Hy het dit met 'n begrafnis-gesig gesê (hy het baie ernstig gelyk)
• Hulle eet begrafnisrys (hulle eet geelrys met rosyntjies)
• Hy praat met 'n begrafnisstem (hy praat op 'n somber, ernstige manier)
• Hy het begrafnisvoete (hy het yslike voete)
• Hy het nie die flouste begrip nie (hy verstaan niks daarvan nie)
• 'n Goeie begrip vra 'n halwe woord (as iemand iets gou begryp, is 'n lang verduideliking onnodig)
• Bergyp jou aan! ('n verbaasde uitroep)
• Dis te begrype dat hy meer sal wil weet ('n mens kan dit verstaan)
• Om alles te begryp, is om alles te vergewe (as jy die omstandighede ken, verstaan jy beter)
• Sy is alles behalwe mooi (sy is lelik)
• Hy is behep met sy eie prestasies (hy gee oordrewe aandag daaraan)
• Behoed jou siel! (kyk nou net!)
• Hy het sy pligte na behore uitgevoer (hy het dit op die regte manier gedoen)
• Dit was my behoud! (dit het my lewe gered)
• Hy nou heeltemal bejosie (hy is nou heeltemal beduiweld. Josie is 'n benaming vir die duiwel).

Ds Schalk Strauss

Onder Afrikanermans is daar gewoonlik heelwat grappies wat iets te sê het oor die posisie van die vrou. Een van die bekendstes lui soos volg:

Hoekom het vrouens kleiner voete? Sodat hulle nader aan die wasbak/stoof kan staan.

Mans wil hulle gewoonlik doodlag oor hier die tipe grappies terwyl dit vrouens warm onder die kraag maak.

Is hierdie soort grappies egter net goedige gekskeerdery? Is vrouens se blitsige en soms bitsige reaksie op sulke grappe bloot gemik op die grap? Sê hierdie grappies en reaksies nie dalk iets van bepaalde sienswyses wat onderliggend by ons teenwoordig is nie?

Dr Jann Schlebush

In die Wakis: Die Voortrekkers se Godsdiensbeskouing en hulle uitlewing daarvan.

Die Here, ons God, het dit so beskik dat die volksplanting aan die Kaap plaasgevind het kort ná die Groot Kerkhervorming van die 16e eeu. En die tagtigjarige oorlog[1] was pas verby, waarin die Nederlandse Geuse[2] vir hulle vryheid en die behoud van die Gereformeerde geloof moes veg teen die Roomse vervolging van koning Filips van Spanje. Die Franse Hugenote het na Nederland gevlug en so-ook die Duitse gereformeerdes. Die VOC het in 1652 vir Jan van Riebeeck na die Kaap gestuur – slegs 43 jaar ná die Sinode van Dordtrecht. Só was ons Heer se beskikking dat die Europeërs wat na die Kaap gestuur is, nie slegs ‘n gereformeerde belydenis gehad het nie, maar inderdaad stryders was vir die suiwer leer van die Bybel – wat ook as Calvinisme bekend staan.

Hannes Ollewagen

Jona 1:1-17

“Maar Jona het hom klaargemaak om na Tarsis te vlug, van die aangesig van die HERE af weg; en hy het na Jafo afgegaan en ‘n skip gevind wat na Tarsis sou vaar. En hy het die reisgeld daarvoor betaal en daarin geklim om saam met hulle na Tarsis te vaar, van die aangesig van die HERE af weg.” (:4).

Sedert die sondeval het sonde hierdie uitwerking op die mens – dit vervreem die mens van sy Skepper. Hoe sou ons sonde definieer? Ons kan sonde definieer as ‘n doelbewuste ongehoorsaamheid aan God se Woord en opstandigheid teen God se gesag.

Dr Eschel Rhoodie (1984)

Lees reeks by Die ware inligtingskandaal

Vroeg in die sewentiger-jare, toe ek in die posisie geplaas is waar ek van tyd tot tyd direk met verskeie kabinetsministers, en met die Eerste Minister self kon praat, het ek tevergeefs probeer om die erns van die saak aan die gesagsorde te verduidelik. Ek het tevergeefs probeer verduidelik dat ons, ten einde enige ondersteuning en 'n "blaaskans" van die Weste te verkry, sal moet begin om openlik al die strukture van onderskeid af te breek wat suiwer op kleur gegrond is en wat niks met die kulturele erfenis van die Afrikaner te doen het of die beskerming van die identiteit van die witman van Suid-Afrika nie. Maar niks betekenisvol het gebeur nie.

Ds Andrè van den Berg

“Want sulke mense is vals apostels; bedrieglike arbeiders wat hulself verander in apostels van Christus. En geen wonder nie! Want die Satan self verander hom in ’n engel van die lig. Dit is dus niks besonders wanneer sy dienaars hulle ook voordoen as dienaars van geregtigheid nie. Maar hulle einde sal wees volgens hulle werke” (2 Kor.11:13-15).

Martin Luther het in ʼn tyd geleef toe min mense Bybel kon lees.

Dr Cas Vos

Lees reeks by DIE SIN VAN DIE LEWE

By die gode

Die gode het vergadering gehou. Vir ons as Westerlinge is dit ’n vreemde gedagte, maar die Oosterlinge was goed met die soort vergaderings vertroud. In die Oud-Oosterste literatuur kom ons telkens die begrip “godevergadering” teë. Die vergadering kon bestaan uit die gode van een land, byvoorbeeld Babel; maar dit kon ook ’n internasionale geselskap wees: alle gode van vele volke wat saamtrek om hulle gemeenskaplike take en belange te bespreek.

Hannes Ollewagen

Johannes 6:22-59

“Ek is die brood van die lewe.” (:48)

“Ek is die lewende brood wat uit die hemel neergedaal het. As iemand van hierdie brood eet, sal hy lewe tot in ewigheid. En die brood wat Ek sal gee, is my vlees wat Ek vir die lewe van die wêreld sal gee.” (:51)

“Wie my vlees eet en my bloed drink, bly in My en Ek in hom.” (:56)

Ek wonder of ek en u aldag besef hoeveel God Hom met die Skepping bemoei? Ons kan so maklik onder die wanindruk verkeer dat God daar vêr in die hemel is en dit wat hier op aarde gebeur maar aan tyd en lotgeval oorgelaat het. Die Woord leer ons egter anders en die geskiedenis van die mensdom weerlê ook hierdie gedagte. Dink maar aan die talle ingrypings wat in die geskiedenis van die mensdom plaasgevind het en groot omwentelinge in die gang van sake veroorsaak het.

Dr Eschel Rhoodie (1984)

Lees reeks by Die ware inligtingskandaal

Die wêreldwye sielkundige en propaganda-aanslag teen Suid-Afrika het sy hoogtepunt aan die begin van die sewentigerjare bereik en die regering van mnr. John Vorster het vir die eerste keer begin vrees dat isolasie, politieke en ekonomiese isolasie, op die land afgedwing gaan word. Daar is gevrees dat dit net 'n kwessie van tyd was voordat twee dinge sou gebeur het wat meer gevaar as enigiets anders ingehou het: 'n Besluit van die Veiligheidsraad in die VN wat bindend op alle lede sou wees en wat hulle beveel om onmiddellik olie­verskaffing aan Suid-Afrika te staak en die instelling van 'n langdurige vakunie-blokkade t.o.v. alle kommunikasie met Suid-Afrika, kabel- en telefoonverbindings, sowel as skeeps- en lugvaart.

Dr Cas Vos

Lees reeks by DIE SIN VAN DIE LEWE

In 'n lewe sonder uitsig

Johannes die Doper sit getralie en getronk. Hy ontbeer sy vryheid en lewensruimte. Normale menslike verhoudinge met sy lag en sy traan, met sy vrolikheidjie en sy erns is hom nie meer beskore nie. Hy sit vasgevang in homself. Die man in die tronk koester gedagtes van verlatenheid en sinloosheid. Sy seldeur is gesluit en die vensters van sy eie lewe is dig toe. Hy is ’n gebroke mens: sy drome lê aan skerwe.

Dr Cas Vos

Lees reeks by DIE SIN VAN DIE LEWE

In die nietighede

’n Ou Griekse volksverhaal oor die gode en godinne handel oor Sisifus. Hy was Korinte se hoogmoedige koning wat deur Zeus na die onderwêreld veroordeel is. Die geslepe Sisifus het sy straf vir ’n rukkie ontduik. Dit het so gebeur: hy het sy vrou Merope oorgehaal om hom nie te begrawe nie. In die onderwêreld aangekom, het die onderduimse Sisifus toestemming verkry om na die aarde terug te keer om sy vrou te straf vir ’n afskuwelike oortreding wat sy begaan het om hom nie te begrawe nie!

Ds Andrè van den Berg

“En hulle het in dié tyd van Moab omtrent tienduisend man verslaan… So moes Moab dié dag buig… Toe kom ná hom Samgar, die seun van Anat, wat van die Filistyne seshonderd man met ʼn osdrywerstok verslaan het; en ook hy het Israel verlos” - Rigters 3:29-31.                    

Die laaste vers in Rigt.3 val die oor ʼn bietjie vreemd op.  Daarin word gesê dat Samgar Israel verlos het. Was dit nie eerder God wat Israel verlos het nie?   Die bedoeling van vers 31 is dat Samgar ʼn instrument in God se hand was en dat hy met die krag van God Israel van die volksvyand bevry het.

Samgar se optrede leer ons ʼn baie groot waarheid - niemand is vir God te gering om in sy diens bruikbaar te wees nie. As Hy jou krag gee, verslaan jy selfs reuse soos Dawid van getuig.