Gedagtes vir elke dag
Of lees almal by Gedagtes vir elke dag
Die Psalmdigter pleit by God toe sy volksvyande wat ook haters van God was, hulle wou oorweldig – ons volk durf vandag presies dieselfde woorde gebruik: "Teen ons, u volk, smee hulle listig 'n plan, u vyande maak rumoer, u haters steek die hoof op; hulle sê 'Kom laat ons hulle vernietig dat hulle geen volk meer is nie'. O God, hou U nie stil nie, swyg nie en rus nie, o God! Help ons, o God, om die eer van u Naam en red ons en doen versoening oor ons sondes ter wille van u Naam; vergeld ons bure sewevoudig, laat voor ons oë onder die heidene bekend word die wraak oor die vergote bloed van u knegte, en ons, u volk, sal U vir ewig loof!"
WELKE WEG SAL JY KIES?
Hannes Ollewagen
Johannes 6:60-71
In vers 60 merk ons hoedat ‘n groot deel van Jesus se volgelinge die waarheid as “hard” beskou en verkies om dit te verruil vir die maklike weg van die wêreld. Hierdie is manne wat daagliks met Jesus gewandel het en boonop sy wonderwerke en tekens eerstehands kon beskou; tog kon hulle nie aan die geloof vashou en getrou bly nie.
Wanneer ons oor hierdie ongelowige verskynsel besin, raak dit opnuut vir ons duidelik dat geloof waarlik van God af kom (Joh. 6:44) en dat dit geensins ‘n produk van ons eie verdienste is nie. Die feit dat ons as gelowiges wat nog nie vir Jesus van aangesig tot aangesig gesien het nie maar tog glo, maak ons nie beter as diegene wat wél gesien het en steeds nie die geloof kon behou nie. Inteendeel, dit maak ons opnuut bewus dat God, wat die Gewer van geloof is, se genade en goedertierenheid oor ons soveel meer is as wat ons menslike verstand ooit sal kan begryp.
KORSIES VAN PASTEI
(Die hele pastei by: Korsies van Pastei)
AG, DIS NOG NIKS...
'n Man met 'n geduikte en stukkende ou Volkswagentjie stop langs 'n mooi rooi Porsche.
"Het jou kar 'n telefoon?" vra hy vir die bestuurder van die Porsche.
"Natuurlik", antwoord die Porsche se bestuurder uit die hoogte.
"Het jy 'n bed in jou kar?"
"Natuurlik nie!" sê die man in die Porsche verbaas.
"Ek het!" sê die Volksie se eienaar en jaag met skreeuende bande weg.
Die eienaar van die Porsche wil nie afsteek nie en laat bou dadelik vir hom 'n bed op die agtersitplek van sy motor in.
WITMAN, WAAR IS JOU VRYHEID? (9)
Dr Willie Lubbe
Lees reeks by Witman, waar is jou vryheid?
VRYHEID - en kultuur
(Geskryf voor ANC-oorname)
"Daar is een prys wat ons Republiek nie mag betaal nie. Dit is die prysgawe van die Blankedom ... Die behoud van die blanke volk van Suid-Afrika is die uiteindelike doel waarvoor niks ons sal laat stuit nie." -Dr HF Verwoerd; Volksraad 25 Junie 1963.
Die Afrikaner se kultuur het in die sewentiger en tagtiger jare baie sterk gestaan. Party Afrikaners sou dalk selfs sê dat ons toe kulturele volwassenheid en miskien selfs onaantasbaarheid bereik het. En tog is dit gepas om Afrikanerkultuur onder die ontleedmes te plaas, veral nou. Daardeur mag ons dalk leer of ons tog nie op ’n verkeerde pad was nie. Wie weet, dalk sou so ’n betydse kritiese selfbeskouing ons in staat stel om ’n sekerder toekoms vir ons en ons nageslagte te beplan.
WAAROM ONSEKERHEID?
Waarom bestaan daar ’n gevoel van kulturele en politieke bedreiging? Is dit slegs die instel van ’n onbekende en vreemde staatsvorm wat ons ontwrig? Of is daar ook ander redes vir ons onsekerheid?
HOE LYK DIT IN DIE HEL?
Ds AE van den Berg
“En by dit alles is daar tussen ons en julle ‘n groot kloof gevestig, sodat die wat hiervandaan wil oorgaan na julle, nie kan nie,; en die wat daar is, nie na ons kan oorkom nie” Luk.16:26
Baie mense glo nie aan die hel nie. Dit neem nie die bestaan daarvan weg nie, net so min as wat ek die bestaan van Amerika of Rusland sou wou ontken. Dit bestaan ongeag wat mense sê. Dis soos iemand wat kanker het, maar weier om dit te glo. Dit vat nie die siekte weg nie! Dit bestaan. So ook die hel!
Die Bybel sê vir ons sekere dinge oor die hel. Dis ‘n plek van donkerte en skeiding met ‘n ewige vuur. “En die rook van hulle pyniging gaan op tot in alle ewigheid, en hulle het dag en nag geen rus nie...” (Openb.14:11). “En die duiwel wat hulle verlei het, is in die poel van vuur en swawel gewerp waar die dier en die valse profeet is; en hulle sal dag en nag gepynig word tot in alle ewigheid” (Openb.20:10). In Rom.2 sê Paulus dat God se liefde geheel en al in die hel sal ontbreek.
IS DAAR WERKLIK 'N HEL?
Ds AE van den Berg
“En hy roep en sê: Vader Abraham, wees my barmhartig en stuur Lasarus, dat hy die punt van sy vinger in water kan insteek en my tong verkoel; want ek ly smarte in hierdie vlam” - Luk.16:24.
Daar is min woorde wonderliker as redding. Jy bevind jou bv. op ‘n skip wat sink en ‘n reddingsvaartuig daag ter elfder ure op. Jy word in ‘n brandende gebou vasgekeer en ter nouer nood deur brandweerpersoneel gered. Waarvan is jy gered? Van ‘n gewisse dood. Jy moes eintlik gesterf het, maar jy lewe - teen die verwagting in!
Wat is die wonderlikste redding denkbaar? Om van die ewige dood gered te word. Daar is drie tipes van dood. (i) Die geestelike dood. Dis as mense nie in ‘n lewende verhouding met Jesus staan nie en soos geestelike lyke is. (ii) Die tydelike dood. Dit gebeur as jy sterf en ‘n skeiding tussen liggaam en siel ontstaan. (iii) Die ewige dood. Dis as die band finaal met God verbreek word en die ongeredde mens vir ewig en altyd in die hel beland sonder enige omdraaikans.
KORT VERTELLINGE - JAN SPIES (21)
Lees reeks by Kort vertellinge - Jan Spies
Oubaas en Mankoeran
Daar in Kimberley se wêreld het ’n oubaas gewoon wat ek hier in die storie dan ook maar Oubaas noem, want dit was die aanspreeknaam wat hy baie gehoor het.
Hy en die ounoi het hulle planne reg gehad vir hulle heel oudag, en toe was die ounoi op ’n sekere dag voor die planne nog werklikheid kon word, nie meer daar nie. Toe moes Oubaas dorp toe trek. En dit het in die ou kêrel se lewe groot verandering beteken. Sy ou maat was weg en sy kar en pêre se tyd was ook verby. Daarom moes hy op sy oudag leer motor dryf om oor die pad te kom.
Maar soos dit altyd in die lewe gaan, was daar by die ongeluk darem geluk ook, en dit was dat Oubaas saam met hom ’n weggoiklong gehad het — van so twaalf jaar oud. En die se naam was Mankoeran.
WITMAN, WAAR IS JOU VRYHEID? (8)
Dr Willie Lubbe
Lees reeks by Witman, waar is jou vryheid?
VRYHEID - en ekonomie
"As besit ’n doel op sigself word, neem die mens se goed besit van hom en word die mens slaaf van sy besittings. Dan buig hy voor die mag van geld. Hy wat sy hart aan sy goed gee, gaan saam met sy goed verlore, vir ewig gebonde aan die verdoemenis, sy geestelike vryheid totaal ontneem!"
Die ekonomie is die wetenskap wat hom toelê op die studie van die organisasie wat in die mens se stoflike behoeftes voorsien. Op nasionale vlak word van so ’n organisasie as volkshuishouding gepraat. In hierdie hoofstuk word besin oor wie in beheer van hierdie “organisasie” (volks-huishouding) is en in watter mate daar voorsien word in die stoflike behoefte van die inwoners van Suid-Afrika.
Om ekonomies volkome vry te wees beteken:
• wie in beheer van die volkshuishouding (organisasie) is, vervul moet wees met ’n brandende vaderlandsliefde;
• die stoflike nie bo die geestelike verhef word nie. Nooit mag geld ’n doel op sigself word nie; dit moet steeds die middel tot die bereiking van die lewensbestemming bly.
WITMAN, WAAR IS JOU VRYHEID? (7)
Dr Willie Lubbe
Lees reeks by Witman, waar is jou vryheid?
VRYHEID – en soewereiniteit deur partisie
" Dit spreek dus vanself dat geen volk soewerein kan wees as dieselfde staat deur vele volke gedeel word nie. Afgesien van die feit dat soewereiniteit nie deelbaar is nie, sal die volk met die meeste verteenwoordigers die ander oorheers. Die minderheidsvolk kan dus nooit aanspraak maak op onafhanklikheid, vryheid of soewereiniteit nie, want hy is nie vry om besluite oor homself in ’n eie gebied te neem nie."
In 1577 skryf die Franse skrywer Bodinus dat soewereiniteit die bevoegdheid is om die hoogste gesag in ’n staat uit te oefen. Die soewerein het geen hoër gesag bo hom gehad behalwe die onsterflike God en die natuurreg nie. Die voorbehoud van die natuurreg het tydelik vervaag vanwee die ondefinieerbaarheid daarvan, maar het weer sterk op die voorgrond gekom in die vorm van “The Rule of Law” waardeur gepoog is om sekere onvervreembare vryhede van die individu te omskryf en te verskans.
SOEWEREIN
Die soewereiniteitsleer skryf voor dat die soewerein noodsaaklikerwys drie eienskappe moet besit: ondeelbaarheid, oorspronklikheid en onbeperktheid.
MODERNE PROFETE – FEITE OF FABELS?
Ds AE van den Berg
Onlangs vertel iemand my van ’n vriendin wat aan ’n Charismatiese kerk behoort en op ’n naweek-kamp geleer is hoe om te profeteer. Haar vraag was: Is dit moontlik? Is daar vandag nog profete? Charismate glo omdat dit die laaste dae is God deur mense met die gawe van profesie, aan die kerk nuwe openbaringe gee. Hierdie mense beskou hulself as moderne profete wat ’n profetiese woord direk van God ontvang het oor wat die toekoms inhou.
Dis ’n ernstige dwaling! Christus waarsku in Mt.24:24 teen die profete van die laaste dae en sê dat daar baie van hulle sal wees en baie mense gaan mislei. Selfaangestelde profete is egter nie ’n nuwe verskynsel nie, maar so oud soos die Christelike kerk self:
WAAR SAL MY HULP VANDAAN KOM?
Hannes Ollewagen
Psalm 121 (Verwys ook na Jes. 59:1&2)
In tye van benoudheid, hartseer angs of moedeloosheid, is Psalm 121 seker een van die mooiste gedeeltes in die Woord van God. Wanneer ek so hartseer en moedeloos word dat ek besef dat geen mens my meer tot hulp kan wees nie, en ek so laag ten gronde gebring is dat die enigste rigting waarna ek kan kyk opwaart is, kan ek ook my oë opslaan en bely dat God alleen my hulp sal wees.
Ons volk was lanklaas in ons geskiedenis so onderdruk en so ten gronde gerig dat ons magteloos op soek is na leiding en verlossing van ons omstandighede, omstandighede wat daagliks al hoe erger en meer moedeloosheid veroorsaak. Hoe lank voordat ons sal erken dat daar vir ons geen heil by mense is nie? Daar is vir ons geen heil by “vryheidsorganisasies”, politieke partye of volksrade wat met ongelowiges wil onderhandel nie. Daar is geen mens op wie ons kan vertrou en wat ons van ons omstandighede sal verlos nie!!
2e GROOT TREK (3)
...EN DIE TERUGTREK VAN DIE GROOT TREK
AHM Victor
Lees reeks by ...en die terugtrek van die Groot Trek
'n Oorsig van die politieke verloop in SA sedert 26 Mei 1948, die rol van die Internasionale Geldmag daarin, hoe dit die Afrikaner op maatskaplike, ekonomiese, kerklike, opvoedkundige en kulturele terreine beïnvloed het, en die pad vorentoe...
Die direkte aanslag deur politieke leiers-self:
Na gelang die breinspoeling deur voorgaande instansies die volk vanuit sy kern op sleeptou begin neem het, het die politieke leiers ook geleidelik al hoe meer kordaat na vore getree en uiteindelik luidkeels vanaf die politieke verhoog 'n verwoestende aanslag op die Afrikanergestalte geloods. Alles wat behoudend, Christelik-nasionaal, konserwatief en heilig vir ons Afrikanervolk was, is as "verkramp", "verwerplik", "middeleeus", 'n "laer mentaliteit" afgemaak. Ja, selfs 'n Engelse publikasie, The South African Observer, wat konserwatisme onder die Engelssprekendes propageer, is aangeval en sy redakteur uitgemaak as iets bedenkliks.
— Die Afrikaner-handhawers van taal en sedes is by die naam genoem en uitgemaak as onrusstokers en aanstootgeërs.
— Die Engelssprekendes is omverskoning gevra omdat hierdie mense hulle taal "in hul keelgate wil afdruk"!
— Elkeen wat trou aan sy volk voorop en party-affiliasie as sekondêr beskou het, is as verraaiers, onrusstokers, verdagmakers, ens., afgemaak. "Vernuwing" was die wekroep!
KORT VERTELLINGE - JAN SPIES (20)
Lees reeks by Kort vertellinge - Jan Spies
Desemberstorie
Dit is in ons tyd so dat ’n mens Desembermaand met gemengde gevoelens tegemoet gaan.
Aan die een kant is dit die maand van die grootdae: Geloftefees, Kersfees, Oujaarsdag . . . en behalwe die uitgaan uit die oujaar, ook die inloop in die nuwe. ’n Maand van dankbaarheid en vreugde. Maar dit het ook iets anders geword. Ons feesdae het ander-soort-dae geword: Geloftedag het blote vakansiedag geword, Kersfees ’n piekniekdag, oujaarsdag die aanloopjolyt vir die pure plesier van die eerste dag van Januarie.
Dit sou dalk nog kon gaan - al die soorte van anderswees. Nie al die inwoners van ons land is Geloftedagmense nie, almal is ook nie Christene nie, en 31 Desember is ook nie vir almal die einde van die jaar nie. Maar wat onhebbelik geword het, is dat Desember die maand van die boef en die stroper en die dief en die inbreker geword het. Dit is die maand waarin jy nie meer weet of jou suurverdiende goedjies in die nuwe jaar dalk nuwe base sal hê nie.
AS DINGE VIR JOU VERKEERD LOOP
Ds AE van den Berg
“Ag dit louter vreugde my broeders, wanneer julle in allerhande versoekings val…..sodat julle volmaak en sonder gebrek kan wees…” Jak.1:2+4
Aan die ooskus van Amerika is daar ’n plek, Cape Cod, waar beroepsvissers ’n geurige tipe van salm vang. Fynproewers bestempel hierdie salm as die beste ter wêreld. Dis dan ook een van die gunsteling geregte op die spyskaart van die Withuis. Nogtans was daar een probleem – die kokke kon die salm nooit dieselfde laat smaak as by die kus nie. Dit was baie lekkerder by die kus.
Iemand kry toe ’n blink dog baie duur plan - i.p.v. die salm bevrore Washington toe te vervoer, is die visse lewendig in vragmotors met seewater tenks agterop van Cape Cod na die hoofstad vervoer. Maar wat ’n teleurstelling – die smaak het nie verbeter nie! Waar kon die probleem lê?
KORSIES VAN PASTEI
(Die hele pastei by: Korsies van Pastei)
NET REG VIR DIE NUWE SA!
Die kinders ontdek 'n tikmasjien in die huis en die pa moet verduidelik. Hy sit 'n vel papier in en tik. Die kinders staan verstom.
'Waar prop jy hom in?' wil hulle weet.
'Nee, jy prop hom nêrens in nie,' antwoord die pa.
'Nou waar is sy batterye?' vra die kinders.
'Nee, hy gebruik nie batterye nie.'
'Liewe genade Pa, nou hoekom het hulle dit nie al laaaankal uitgevind nie?!'
AANBIDDING VAN MARIA
Ds AE van den Berg
" Pous Pius XII het op 1 November 1950 die grootste onsin wat ooit aan Maria toegedig is, kwytgeraak. Hy het tydens ‘n ex cathedra uitspraak gesê dat haar liggaam drie dae na haar dood opgewek is waarna sy as die koningin van die hemel opgevaar het en ‘n troon aan die regterhand van Jesus ingeneem het! Hiermee trek die RK ‘n lasterlike parallel met Jesus se opstanding en hemelvaart. "
Die Christendom het nooit enige probleme met Maria gehad totdat die Roomse Kerk (RK) haar as hemelse koningin gekroon het nie. Die Nuwe Testament sê weinig oor Maria. Haar laaste aangetekende woorde word aan die begin van Christus se amptelike bediening geuiter toe sy tydens ‘n bruilof te Kana vir die diensknegte sê: “Net wat Hy vir julle sê, moet julle doen” (Joh.2:5).
Dit staan nêrens in die Bybel dat sy tot dieselfde vlak as Christus verhef en aanbid moet word nie. Maria was slegs geseënd omdat sy die Christuskind gebaar het en niks verder nie. Daarom het die vroeë Christelike kerk geen Maria-verering geken nie. Dit sou beslis as afgodery verwerp gewees het.
WITMAN, WAAR IS JOU VRYHEID? (6)
Dr Willie Lubbe
Lees reeks by Witman, waar is jou vryheid?
VRYHEID - en Oranje
AS ONS MAAR NOU ’N PRESIDENT STEYN KON HÊ!
“Ek beloof julle ek sal my hand op geen papier sit waardeur ons onafhanklikheid sal vernietig word nie!” President M.T. Steyn
" En vanuit die Vrye Nederlandse Republiek van 1648 loop die Oranjelyn reguit deur na ons eie geskiedenis want uit hierdie Republiek is ons volksplanting onderneem. Witman, waar’s jou vryheid? Ons het koers gehou op die Oranje-vryheidslyn. Maar toe het die krink en die trutrek gekom, terug na die geknelde land van onvryheid en volksvreemde regering. 3 September 1984: Prysgawe ... Verloëning . .. Boeie. Waarheen nou?"
31 Mei 1961
Die rooiste dagbreek in die geskiedenis van die Boerevolk. Dag van vervulling. Vryheidsdag!
Suid-Afrika is ’n vrye Republiek in die statery van nasies. Bruisende geesdrif. Uitbundige vreugde. Die skare wat ’n stuifreëntjie trotseer, sing spontaan “Prys die Heer”. Dan die juigkrete: “Lank lewe die Republiek! Lank lewe die Republiek!”
Skrynend ironies ... 3 September 1984. Ons sou toe dit nooit geglo het nie ...
KORT VERTELLINGE - JAN SPIES (19)
Lees reeks by Kort vertellinge - Jan Spies
’n Vriend in nood
In ’n huis in Molenstraat op Die Bult in Potchefstroom het vroeër-dae ’n oubaas gebly met die naam van oom Jan Kowa. En hy was iemand met wie die skoolkinders graag gesels het, en dit is een van hulle wat my van hom vertel het.
Deur die depressiejare het dit met oom Jan Kowa, soos omtrent met almal, swaar gegaan. Die enigste werkie wat hy kon kry, was om in diens van die munisipaliteit pad- en straatmaker te word — met die pik en die graaf natuurlik.
Maar oom Jan Kowa het nie te lank met die pik gekap nie, toe kry hy bevordering. Hy word toe, wat hy genoem het, “ ’n hoofman over tien”. En hy lê die pik neer en kry ’n voormansgraaf om hier en daar ’n streep mee te trek, sodat die ander kon sien waarlangs hulle moes kap.
HERVORMINGS- DAG: 31 OKTOBER
Ds AE van den Berg
Hierdie dag word in die Protestantse Kerke as die begin van die Kerkhervorming beskou, en jaarliks word dit op die Sondag die naaste daaraan herdenk. Die datum is dié dag waarop Martin Luther 95 stellinge aan die deur van die slotkerk in Wittenberg aangebring het.
“Voorwaar, voorwaar Ek sê vir jou, as iemand nie weer gebore word nie, kan hy die koninkryk van God nie sien nie” ;
“Want die geregtigheid van God word daarin geopenbaar uit geloof tot geloof, soos geskrywe is: Maar die regverdige sal uit die geloof lewe” - Joh.3:3 en Rom.1:17.
Die Roomse Kerk (RK) glo dat sy die oorspronklike kerk is en dat almal wat nie aan haar behoort nie, hel toe gaan. Vandaar die geykte uitspraak: Daar is geen saligheid buite Rome nie. Dis ’n leuen! Daar is geen saligheid binne die RK nie! Die leer van die RK verskil drasties van die kerk van die Nuwe Testament (NT) dat sy haar oorsprong nie in die leerstellings van Christus of sy apostels kan hê nie! Nêrens in die NT word van ’n pousdom, Maria-aanbidding, die aanroep van heiliges, die bieg of vagevuur geleer nie. As dit nie Bybels is nie, waar kom die RK aan haar dwaalleer? Dis ’n interessante verhaal wat ek met u wil deel.
DIE BOEREMAG- VONNISSE
Andries Breytenbach
Leier van die HNP en Voorsitter van die Boere-Afrikanervolksraad
Aan F.W. de Klerk, voormalige Staatspresident van die Republiek van Suid-Afrika
Meneer De Klerk,
'n Aantal Christen Boere-Afrikaners is pas langtermyn gevangenisstraf en die res mindere strawwe opgelê vir "hoogverraad", omdat hulle ons volk op onkonstitusionele wyse wou ontset van 'n volksvreemde regering en Grondwet.
Elkeen van daardie vonnisse kom jou persoonlik toe, want JY is die werklike verraaier wat ons volk met lis en bedrog aan 'n vyandige mag onderwerp het toe jy jou Presidensiële eed om "die Grondwet en alle ander reg van die Republiek (te) gehoorsaam, eerbiedig, handhaaf en onderhou" verbreek het toe jy, in stryd met die land se Grondwet, 'n "Nasionale Oorgangsraad" geskep het wat besluite van die Kabinet as hoogste Uitvoerende Gesag kon veto, en daarna 'n kieswet deurgevoer het wat die politieke mag oor ons vaderland onherroeplik in die hande van die swart meerderheid geplaas het.
Dat jy geen hek geskep het waardeur die Boere-Afrikanervolk op 'n konstitusionele wyse uit dié bedeling kan ontsnap nie, toon jou bose opset teen ons volk.
WITMAN, WAAR IS JOU VRYHEID? (5)
Dr Willie Lubbe
Lees reeks by Witman, waar is jou vryheid?
VRYHEID - en nasionalisme
"Afsonderlike nasionale vryheid en selfbeskikking vir elke volk in Suid-Afrika het glo die toekoms in ’n verkeerde rigting gestuur, maar die vraag of die nuwe formule van integrasie die toekoms in ’n regte rigting sou stuur, is nooit gevra of beantwoord nie. Dit is oorgelaat aan ’n verwarde en onsekere, oningeligte Blanke kieserskorps om te beslis of dit ’n formule vir vreedsame naasbestaan in die plurale samelewing, die bloudruk vir bestendigheid, ordentlike verandering en ontwikkeling is en of dit ’n resep vir rewolusie, ’n konsep vir chaos sou wees."
Mensegemeenskappe verander voortdurend en om baie redes. Maar al is ’n gemeenskap voortdurend genoodsaak om allerlei invloede te verwerk en allerlei aanpassings te maak, hoef sy identiteit nog nie in gedrang te kom nie.
MENS IS HOOFOORSAAK
Die belangrikste rede vir verandering in sy gemeenskap is die mens self. Sy nuwe denkbeelde, sy keuses, sy beslissings, ja sy hele lewens- en wêreldbeskouing en sy handelinge bring keerpunte in die geskiedenis; bring bakengebeurtenisse soos ’n Franse Rewolusie, soos ’n Groot Trek, ’n Eerste Vryheidsoorlog en so meer.