Kriewelkop

"Ek pleit by alle swart middelklas Suid-Afrikaners om die leuens te beveg; die leuen dat om blankes se eiendom te vat welvaart sal meebring; die leuen dat swartes daarop geregtig is om te vat wat nie aan hulle behoort nie. Dit is alles leuens en werk nooit in die praktyk ten goede nie; inderwaarheid vernietig dit alle vooruitgang soos ons hier in Zimbabwe gesien het. Daar is niks wat harde werk en geduld kan vervang nie! Die arm swart massas in Suid-Afrika gaan hulself tekort doen as hulle Malema se valse beloftes glo en uitvoer. Hier in Zimbabwe het daar niks van al die beloftes gekom nie en het die swart massas reguit teruggekeer na hulle armoede nadat die swart politici oorgeneem en hulself alleen verryk het."

Dit is die woorde van Vince Musewe, 'n baie swart ekonoom in Harare wat by swart Suid-Afrikaners pleit om Malema en sy uitgangspunt te beveg.

Musewe het opsigtelik nie 'n F op skool gekry nie. Sy insig spreek helder uit sy mening dat 'n land se grootste vyand die klomp swart politici is wat die massas opsweep om goedere te versamel waarvoor hulle nie gewerk het nie om hulself dan daarmee te verryk. Musewe praat openlik oor Malema se gevaarlike poging om die swart massas tot gewelddadige opstand op te lei met die belofte dat hulle alles van die witman mag inpalm.

C J Langenhoven

Lees meer by Gedigte

My vyand haat ek, nie omdat
dit hy is wat ek haat;
ek haat, verafsku hom omdat
dit ek is wat hom haat.

Ek het my vriend nie lief omdat
dit hy is wat ek min;
ek het hom lief ter wille van
die grille van my sin.

C J Langenhoven

Lees meer by Gedigte

Jou krag beteken niks; 'n perd het meer as jy,
maar jy kan dit gebruik om hom te tem en ry.
En jou geduld is niks; 'n donkie't meer as jy,
maar jy kan dit gebruik wanneer jy op hom ry.
Jou kennis is ook niks: 'n boek het meer as jy,
maar jy kan dit gebruik om meer nog by te kry.

C J Langenhoven

Lees meer by Gedigte

Ek sou nie graag my lewensweg
'n tweede maal vervolg, want reg
sou ek hom tog nie kry; en wat
daar skoon en lief was op my pad,
kan die herhaling my laat mis.

Maar as ek iets terugwens, is
dit dat ek by my ouderdom
my kinderhart weer mog bekom -

(Die hele pastei by: Korsies van Pastei)

Die skooljuffrou was besig om die kinders in klas te help met voorligting oor hulle beroepskeuses.
Dit was Jannie se beurt en sy vra hom:
"Jannie, wat wil jy eendag word wanneer jy groot is?"
Sonder skroom kom die antwoord vinnig:
"Ek gaan defnitief  'n ruimtereisiger word Juffrou."
Die juffrou knik instemmend oor sekerheid van hierdie besluit en sê:
"Dit is baie mooi dat jy reeds weet wat jy graag eendag wil doen Jannie. Vertel vir my waarom het jy besluit om 'n ruimtereisiger te word?"
Sonder aarseling antwoord Jannie:
"My pa het gesê daar is niks op aarde waarvoor ek goed is nie Juffrou."

Dr Willie Lubbe

Lees reeks by Witman, waar is jou vryheid?

Twee vryheidsoorloë

Die Groot Trek het weliswaar twee onafhanklike republieke aan die Afrikaner besorg, maar dit het ook verwydering tussen die Afrikaners in Suid-Afrika gebring. Slegs familiebande het hulle gebind, want daar was geen sprake van politieke eenheid of van ’n saambindende nasionalisme nie. Prikkels van buite sou nasionalisme egter aanwakker.

PRIKKELS VAN NASIONALISME

In die Vrystaat was dit die bedreiging van die Basoeto’s en die oorloë wat teen hulle gevoer is, wat ’n mate van saamhorigheid onder die Vrystaters bewerkstellig het. In Transvaal was daar nie so ’n prikkel nie. In Natal en die Kaapkolonie het die Afrikaners gevaar geloop om te verengels. Britse optrede sou die prikkel verskaf vir die ontwikkeling van Afrikanernasionalisme dwarsdeur Suid-Afrika.

'n Leser skryf 'n brief aan 'n tydskrif en beweer dat dit vir hom geen sin meer maak om deesdae kerk toe te gaan nie.

Hy skryf: "Ek gaan al vir meer as 30 jaar kerk toe, en ek het gedurende hierdie tydperk na ongeveer 3,200 preke geluister, maar ek kan nie een onthou nie. So, ek dink ek mors my tyd, al die ander mense daar mors hulle tyd, en die predikante mors hulle tyd deur al hierdie preke voor te berei en Sondag vir Sondag te preek".

'n Paar weke ná publikasie van hierdie lesersbrief antwoord iemand soos volg daarop: "Ek is reeds 30 jaar getroud. Gedurende my getroude lewe het my vrou ongeveer 32,000 etes voorberei. Maar, net soos jy, kan ek nie een van die spyskaarte onthou nie.

Hannes Ollewagen

Rigters 7:1 -25

Wanneer ons vers 2 lees, klink die woorde van God geensins logies vir ons menslike verstand nie.  Hoe kan die manne wat optrek in die stryd te veel wees?  Is daar dan nie krag in getalle nie?  Daar mag dalk krag in getalle wees, maar in God se Hand is daar oorwinning!!!

God wou nie hê die volk moet optrek in die stryd met die gesindheid in hul hart dat hul nou hul eie verlossing gaan bewerkstellig nie.  Hy wou hulle herrinner dat dit hul uiteindelike doel is om sy Naam te verheerlik, daarom dat Hy die Gideonsbende (300 van die aanvanklike 32 000) van 0,94% van die aanvanklike manskappe wat wou optrek, uitkies vir die stryd.  Dit is nie toevallig dat dit God se eerste opdrag is dat die manne wat bang is en bewe moet omdraai en teruggaan nie. 

EEN MAORIE IN DIE SPAN...

(Die hele pastei by: Korsies van Pastei)

In 1971 is die eerste veelvolkige atletiekbyeenkoms in Kaapstad onder blyke van groot openbare belangstelling aangebied. Omdat dit 'n politieke waagstuk was, was baie mense onseker en selfs ontevrede oor hierdie gewaagde sosiale eksperiment.

Ivor Potgieter, die bekende atletiekafrigter, was een van die voorstanders van hierdie konsep, hoewel hy en andere deur heelwat mense gekritiseer is. Die aand vóór die groot byeenkoms bevind Gert Potgieter en Fanie du Plessis hulle by Hannes Botha in sy woonstel waar verskeie internasionale gaste onthaal is. Ná die onthaal besluit Fanie om Ivor 'n streep te trek deur hom af te dreig, omdat hy so sterk ten gunste van die sogenaamde "oop" sport was.

(Die hele pastei by: Korsies van Pastei)

AFRIKAANS IS VEILIGER!

Die SA Atletiekkampioenskappe van 1953 is in die destydse Rhodesië gehou. Die verskillende provinsiale spanne het almal per trein daarheen gereis. Humor op die trein het natuurlik nie ontbreek nie. Die reis was maar lank en manne soos Fanie du Plessis, John Short en Vic Dreyer het dors geword.

Toe hulle die kelner naderhand nader roep om bier te bestel, antwoord die kêrel in swak Engels dat hulle slegs Engels praat op die trein. Tog was dit duidelik dat die klener eintlik Afrikaanssprekend was. Dit was nie goed genoeg vir Fanie nie. Hy rig hom tot sy makkers en sê:

”Kêrels, kom ons laat die man maar bietjie Afrikaans praat!"

...FEIT OF FABEL?

Andrè van den Berg

Meer as een biljoen mense op aarde glo aan reïnkarnasie.    Hulle glo dat ’n mens se gees ná sy afsterwe keer op keer in ’n ander liggaam hergebore word.   Dit laat my so dink aan bande wat versool word!    Wat sê die Woord van God oor reïnkarnasie?  Hoegenaamd niks nie!  Salomo sê in Pred.12:5 dat die mens na sy ewige huis gaan en die skrywer van die Hebreër-brief: “En net soos die mens bestem is om eenmaal te sterwe en daarna die oordeel” (Heb.9:27).

Nêrens in die Bybel is daar die geringste aanduiding van mense wat ’n tweede kans op lewe op die aarde gekry het nie.  Jesus sê vir die misdadiger aan die kruis: “….vandag sal jy saam met My in die Paradys wees” (Luk.23:43).  Jesus sê nie vir hom dat hy ’n tweede geleentheid op die aarde gaan kry om reg te maak wat hy verbrou het nie.

(Die hele pastei by: Korsies van Pastei)

Moet nooit met die aap onderhandel terwyl die draaiorrelspeler in die kamer is nie  - Winston Churchill

LEWE NA DIE DOOD

Ds AE van den Berg

“Want ons moet almal voor die regterstoel van Christus verskyn, sodat elkeen kan ontvang wat hy deur die liggaam verrig het, volgens wat hy gedoen het, of dit goed is of kwaad” - 2 Kor.5:10                             

Een van die grootste leuens van alle tye is dat alle mense gelyk is.  Ons is slegs in een opsig gelyk – ons lewe en sterwe almal.   Ja, die dood klop aan elkeen se deur.   Of ons oud of jonk is, ons is almal op ons laaste vaart.

Ons weet almal wat voor die dood gebeur want dis die lewe, maar wat gebeur daarna?    Is daar nog ’n lewe of gaan ons soos diere dood?    Die Bybel sê dat daar ’n lewe na die dood is en dat ’n mens daarvoor moet voorberei.  Niemand pak ’n reis sonder voorbereiding aan nie; allermins nie die een na die dood nie!

Christene is egter nie die enigstes wat aan ’n lewe na die dood glo nie; ook talle heidene.    Die ou Egiptenare is ’n voorbeeld hiervan, heidene wat vir meer as 3000 jaar in ’n lewe na die dood geglo het asook ’n oordeel!

Prof AWG Raath

Lees reeks by Kerk as instrument van ANC-revolusie

(Let daarop dat hierdie reeks oorspronklik in 1989 geskryf is, vandaar verwysings na later-veranderde situasies.)

" ...so weerspieël die nuwe konstitusionele riglyne van die ANC bepaalde toegewings en aanpassings om op die korttermyn nie te veel weerstand op te wek nie, ten einde die langtermyn-strategieë van die Marxistiese revolusie te bereik."

SOSIALISTIESE LEGALITEIT EN DIE ANC SE NUWE KONSTITUSIONELE RIGLYNE

Wat is Sosialistiese Legaliteit?

Volgens die klassieke Marxisme bepaal die ekonomiese substruktuur van ’n samelewing die bowe-struktuur daarvan. Aldus het Karl Marx probeer bewys dat die kapitalisme op alle terreine van die samelewing weerspieël word, naamlik op sosiale gebied, op juridiese gebied, op politieke gebied en op die terrein van die geesteslewe. Wat die kapitalisme in besonder betref, het Marx probeer bewys dat daar twee sosiale groepe is, naamlik die bourgeoisie, wat die produksiemiddele besit, en die proletariaat, wat die sosiaal onbevoorregte klas is (Marx en Engels, Werke (1961-1965, vol. 2, pp.324-407 (Engels, Die Lage der arbeitenden Klasse in England)).

Lees reeks by Witman, waar is jou vryheid?

Dr Willie Lubbe

VRYHEID

...sy spoor in ons geskiedenis

Die Nederlandse erfenis

Die drang na vryheid loop soos ’n goue draad deur die geskiedenis van die Witman in Suid-Afrika. Vir die Afrikaner met sy Nederlandse afkoms en sy Calvinistiese inslag het dit veral gegaan om die vryheid van die individu en die reg van opstand. Ten einde sy vryheid te verseker, het die Afrikaner die grootste mate van seggenskap in die landsbestuur vereis. Ook by die Engelse, wat in die sewentiende eeu ’n hewige stryd tussen koning en parlement beleef het, was daar ’n begeerte om ’n deel aan die landsbestuur te hê. Afgesien van die Engelse se bydrae tot die instelling van selfbestuur in die kolonies, was dit die Afrikaners wat die vryheidstryd gestry het, ’n stryd wat hy ook teen die Engelse moes voer.

Lees reeks by Witman, waar is jou vryheid?

Dr Willie Lubbe

"’n Bepaalde gemeenskap of volk wat wrywing of botsing wil vermy of verminder deur homself landelik af te grens - nie in eensame afsondering nie, maar in goeie naasbestaan - mag die voorreg om dit te doen nie ontsê word nie. Wanneer die blanke volk hier in Suid-Afrika, wat ’n selfstandig en erkende volk is met eie nasionale belange, byvoorbeeld vir hom ’n leefruimte wil skep, homself wil bly sonder oneerlike bybedoelings, behoort dit hom gegun te word. Dit is ook vryheid in geregtigheid en liefde."

Is daar nog ’n drang by die mens soos die drang na vryheid? Die begeerte om vry te wees, is oermenslik, is algemeen menslik, is wesensdiep in die mens se natuur ingeskape. Dit kom voort uit die suiwerste en edelste roersele van die mens se gees. Tot watter offers - van goed en bloed - het die wil om vry te wees die mensdom nie al gedryf nie! Wie het dit meer raak en roerend gesê as ons eie  Leipoldt oor ons eie konsentrasiekampkind:

“Jy het van ons jou plig geêrwe –                                             
Plig om as kind vir ons land te sterwe!                                                
Al wat jy wen, is dat ons onthou:                                             
Meer was die vryheid as kind of vrou!”

Die ou Romeine het al eeue gelede namens alle mense vir alle tye gesê: “Dis soet om vir die vaderland te sterwe.” Waarom is “die vaderland” iets besonders?  Omdat dit die simbool, ja, die waarborg is van onbelemmerde vryheid. Eie vryheid sonder eie vaderlandsbodem kon geen volk op aarde geniet nie.