Gedagtes vir elke dag
Of lees almal by Gedagtes vir elke dag
Kan diegene wat hulle so slim hou in hul dwaling oor God se verborgenhede dalk antwoord waarom hulle mense eerder as esels of beeste is; hoewel dit in God se hande was om van hulle honde te maak het Hy hulle na sy Beeld gevorm.
ENGEL VAN DIE LIG
Ds AE van den Berg
Lees reeks by Artikels: Ds Andrè vd Berg
"Hierdie volk nader My met hulle mond en eer my met hulle lippe, maar hulle hart is vêr van My af” (Mt.15:7,8)."
“Want sulke mens is valse apostels, bedrieglike arbeiders wat hulleself verander in apostels van Christus. En geen wonder nie! Want Satan self verander hom in ’n engel van die lig. Dit is dus niks besonders wanneer sy dienaars hulle ook voordoen as dienaars van geregtigheid nie, maar hulle einde sal wees volgens hulle werke”- 2 Kor.11:13 -15
Tweedrag is ’n skadelike element in enige gemeente en het al talle gemeentes laat ontbind. Tweedrag is so oud soos die Christelike kerk self en ’n kragtige wapen waarmee Satan die kerk seermaak. Toe Paulus die tweede brief aan die Korintiërs geskryf het, was daar twee botsende geeste in hierdie gemeente werksaam.
Baie van die kerklui was vol van hulself en het met hulle misleidende vertoon gekyk hoeveel geld hulle uit die gemeente kon kry. Hulle het die gemeente vir eie gewin gemanipuleer. Paulus was die teenoorgestelde en geensins deur geld aangevuur nie. Al wat hom aangevuur het, was die liefde van Christus en ’n opregte besorgdheid oor verlore siele.
Die tweedrag in die gemeente in Korinte het ’n gees van wedywering geskep wat foutvindery, kleinlikheid en gespanne verhoudings veroorsaak het. Dit het die gemeente lamgelê.
CHRISTEN-TEOKRATIESE SEPARATISME
Laai die hele boek gratis af by hierdie skakel Christen-Teokratiese Separatisme of regs op hierdie blad onder GRATIS E-BOEKE EN VERSBUNDELS
GEE U MENING HIEROOR EN SKRYF AAN Hierdie e-posadres word van Spambotte beskerm. Jy moet JavaScript ontsper om dit te lees.
“En Ek het vir julle gesê…..Ek is die Here julle God wat julle van die volke afgesonder het” (Lev.20:24).
Abraham Lincoln: “Ek is en was nog nooit ten gunste van die maatskaplike en politieke gelykskakeling van die blanke en swart rasse nie. Ek is en sal ook nooit ten gunste daarvan wees om Negers stemgeregtigdes of jurielede te maak of met blankes te laat ondertrou nie. In hierdie opsig is die verskil tussen blankes en swartes net te groot om gelykheid en saamwonery toe te laat”. (Vry vertaal uit The Collected Works of Abraham Lincoln deur Roy Basler).
Die reënboognasie se “potjiekosbeleid” is ’n onsmaaklike konkoksie wat nog nêrens ter wêreld geslaag het nie. In plaas van vrede en aanvaarding het dit ’n rassehaat (polarisasie) veroorsaak soos nog nooit tevore nie, ’n duidelike bewys van God se afkeur in die kunsmatige sameflansing van mense.
VOLKSHOOP (13)
Adv PJ Pretorius
Lees volledig by Volkshoop - die boek
" Die volksvreemde elemente wat in die verlede die Boer nie goedgesind was nie, sal nou in hulle nood hulle toevlug soek in ’n staat wat hulle beskerming kan bied. Derhalwe moet ons waak teen diesulkes wat weereens Vrymesselary, liberalisme en Sionisme in die geheim kan laat herleef. Dit was immers immigrante wat die idees van Kommunisme, vakbondbewegings en liberalisme na hierdie land gebring het. Dis ook deels om hierdie rede dat ’n teokrasie die enigste veilige regeringsvorm sal wees."
Die voorspel tot die Boere se teokrasie: die Gelofte van Lichtenburg en die wedergeboorte van die Boerevolk
Die moontlikheid is groot dat daar op 'n 16 Desember as gevolg van die gesiglose Boereherlewingsaksie, die grootste moontlik byeenkoms van die Boerevolk noord van Lichtenburg kan plaasvind wat by wyse van ’n nuwe verbond (gelofte) met God die wedergeboorte van die Boerevolk tot gevolg sal hê.
Die vyand is aan die opmars en die laer van die Volk is nog nie gereed nie. Voordat die geweld en anargie finaal losbars, is daar nog een kans om laer te trek en ’n nuwe gelofte aan God te maak.
MANDELA EN SY TERRORISTE- BENDE (6)
Lees reeks by Mandela en sy terroriste-bende
DIE STAAT ROEP MNR. X
"Terwyl ons van die vakbonde geleer is, U Edele, is aan ons verduidelik dat die blanke hierheen gekom het, dat hulle ons land op ’n skelm manier weggeneem het, en ook die rykdom van die land, en dat dit die rede is waarom ons in moeilikhede verkeer. Ons is meegedeel dat ons die Kapitalistiese Regering deur oorlog moet uitwis ... ... dat sabotasie op 16 Desemher 1961 deur die hele land moet begin."
Ons keer terug na die getuies wat die Staat in die Rivoniaverhoor in ’n amper eindelose prosessie na die getuiebank roep.
’n Tagtigjarige blanke, Yaleloo Percival Jelliman, gee oumenstree na die bank waar hy as getuie ingesweer word.
Hy was lid van die "Friends of the Soviet Union”. Op vergaderings van die vereniging het hy Michael Harmel, Lionel Bernstein, adv. Slovo en eerw. Trevor Huddleston leer ken.
Jelliman getuig dat hy die kommunistiese beleid ken.
Hy is teen die einde van 1961 aangestel as opsigter van die plaas Lilliesleaf. Hy is Februarie 1963 weg. Op die plaas het Jelliman onder meer vir Bernstein gesien en het Nelson Mandela, onder die naam David, ’n tyd lank vir hom as kok opgetree.
KORT VERTELLINGE - JAN SPIES (14)
Lees reeks by Kort vertellinge - Jan Spies
Nasmaak van ’n lang draai
’n Kêrel wat op die spoorweë ’n swaarvragmotorbestuurder was, vertel my dat hy en ’n paar van sy makkers enkele jare gelede ’n stuk of twee klipmeule van ’n fabriek in Johannesburg af tot anderkant Silva Porto, dis glo ’n ent by Nova Lisboa verby, in Angola moes neem waar die vergruisers by ’n brugbouery benodig is.
En die firma wat die goed gelewer het en die Angolese paaiedepartement en alle ander instansies wat by die saak betrokke was, het glo alles gereël. En toe val die manne hier in die pad. Vier bestuurders, hulle assistent en ’n verkeersman met ’n begeleidingsvoertuig. By Upington om, deur Suidwes op boontoe.
Tsumeb is die laaste plek waar die voertuie gediens kon word en die manne kos vir die lang pad verder in die hande kon kry. En om hulle totaal onbekend was met die geriewe in Angola, het hulle heelwat proviand opgelaai en vir die wis en die onwis sommer nog ag dromme brandstof ook.
Op ’n Donderdag spring hulle toe daar weg en kom die namiddag laat by die grenspos op Osjikango aan die noordgrens van Owamboland aan. Dit was toe reeds te laat om oor die grens te kom en daarom slaap hulle toe maar die nag daar.
VERSE VAN VERSET EN OOTMOED (12)
'n Bundel verse geskryf deur E van Nantes
Lees die hele reeks by Verse van Verset en Verootmoediging
‘N VERSKRIKLIKE SONDE
So lees ek nou die dag van ‘n naam-noemery deur ‘n vrou
Wat tien duisend Rand moes offer as berou
Met hierdie boete het die hof haar aangespreek
Haar gebruik van die k-woord, het ‘n hart gebreek.
Nou loop ek en tob, al etlike dae lank
En wonder oor die alfabet se elfde klank
“K,K,K”, …wat vir ‘n woord kan dít tog wees
Wat die gebruiker daarvan so laat vrees?
'N GEBALSEMDE MANDELA: LOGIKA, REALITEIT...
...MAAR VERAL GELOOF
DIE NASIONALE DEMOKRATIESE REVOLUSIE IS GEEN GEHEIM
Kriewelkop
Daar is tans doodse stilte in die media oor Mandela se "toestand". Mens sou dink dat so "belangrike persoon" elke dag die nuus sal haal. Maar interessant tog dat die hospitaal nie meer stormgeloop word deur besoekers en word-gesond-kransleggings nie. Net so interessant dat daar soveel weerspraak in die media plaasgevind het. Een oggend sou jy oppad kerktoe Rapport se opskrifte in die strate sien : CNN het die uitsendingsregte vir Mandela se begrafnis gekoop; die volgende dag sou jy in die media hoor dat dit van alle waarheid ontbloot is. Dan is Mandela weer kritiek-siek aan 'n masjien gekoppel en kan nie daarsonder leef nie; die volgende oomblik is hy glo onder operasie en gaan dit nou weer wonderbaarlik goed met hom – asof 'n kritieke siek mens 'n operasie kan deurstaan! So is daar daagliks leuens deur die media versprei terwyl niemand weet waar elke teenstellende berig vandaan kom nie. Dan word die vorige leuen sou gou as moontlik in die kiem gesmoor, en 'n volgende leuen uitgedink om die vorige te verdoesel. Maar bly die media se oorspronklikheid in gebreke om op so 'n groot skaal vir die wêreld te lieg dan swyg hulle weer vir lang tye – die fase waarin ons nou weer is. Intussen lê Mandela goed en ten duurste gebalsem, gereed en gemaklik vir enige tydsduur waarin nuwe leuens vir die land opgedis gaan word totdat die tyd ryp is vir die Kommuniste se voorgenome Nasionale Demokratiese Revolusie wat vir Suid-Afrika beplan word.
EVANGELIES GEREFORMEERDE KERK...
...EVANGELIE OF DWAALLEER?
Ds AE van den Berg
“….Julle dwaal, omdat julle die Skrifte nie ken nie…” (Mt 22:29)
"Dis goed dat ons lidmate van die EGK as broers en susters in Christus aanvaar. Ons moet egter besef dat dit wesentlik ’n Pinksterkerk is met ’n Gereformeerde baadjie aan wat nie lekker pas nie. Daarom sal ons geestelike vriendskap nooit diepte verkry nie."
Omdat daar ’n goeie verhouding tussen lidmate van die AP Kerk en die Evangelies Gereformeerde Kerk (EGK) is, het baie mense aanvaar dat daar nie juis verskille tussen die twee kerke is nie. In werklikheid verskil die AP Kerk en EGK ingrypend van mekaar!
Die EGK is aanvanklik die Nuwe Protestantse Kerk genoem en het in 1944 ontstaan toe ’n klomp lidmate weens besware teen die Belydenisskrifte uit die NG Kerk bedank het. Daarna het hulle hul eie kerk gestig met ’n eie belydenis-skrif - die Evangeliese Belydenis. In 1985 is die kerk se naam na Evangelies Gereformeerde Kerk verander. Hierdie naam is vêr van die waarheid want hulle is nòg Evangelies nòg Gereformeerd!
WAARAAN GLO JY WERKLIK?
Ds AE van den Berg
Lees reeks by Artikels: Ds Andrè vd Berg
" Wat ’n nood het die Boerevolk nie aan mense met geestelike nagsig nie! Mense wat baie verder en dieper as die hier en die nou kyk en God raaksien. Ons het ʼn nood aan gelowiges wat aanhou met gelowig leef. "
“...en die einddoel van julle geloof, die saligheid van julle siele verkry” - 1Pet.1:9
Ek verplaas u in die geestesoog na 1943. Die toneel is ’n Joodse konsentrasiekamp in Duitsland tydens die Tweede Wêreldoorlog. Voor die onheilspellende staaldeure wat na die Nazi gaskamers lei, staan ’n lang ry mense hulle beurt en afwag om te sterf. Agter in die ry staan ’n ou Joodse rabbi, ’n waardige figuur en leraar van sy mense. Hy bid hardop: “Here, hoor ons in ons nood en help ons!” Die Duitse soldate lag hom uit.
Die ry beweeg vorentoe. Mense bid al hoe dringender; ’n jammerlike geroep om ’n hemelse ingryping: “Here, stuur tog U engel om ons te verlos. Laat die vlamme van u oordeel op die aarde val en hierdie bose mense verdelg!” bid die ou rabbi. Die soldate lag al harder.
Geen engel daal neer en geen vlam van oordeel val op die aarde nie. Al wat op die aarde val, is die trane van mense rondom die biddende rabbi; mense vir wie die laaste dag op aarde aangebreek het!
MANDELA EN SY TERRORISTE- BENDE (5)
Lees reeks by Mandela en sy terroriste-bende
OPERASIE MAYIBUYE:
Die terreurplan wat destyds uitgestel is met klein wysigings – in 2013 'n groter realiteit as ooit...
Die dokumente verdoem
" 'Val die swakke skaamteloos aan en vlug van die sterke!' - Operasie Mayibuye (spreek uit: maji boeje) is die omvattende, fyn uitgewerkte
plan deur Mandela en sy meelopers vir die oorname van landsbewind langs die weg van sabotasie en verwoesting, gepaardgaande met guerrilla-oorlogvoering met genoeg wapens om dwarsdeur die land dood en terreur te saai . . . Besonderhede vir die stigting en vereistes van ’n basisgebied kom treffend ooreen met die gegewens opgeteken in ’n dokument van die samesweerder Mandela na samesprekings wat hy in Kommunistiese China met ’n amptenaar gehad het... 'Die vereistes is soos volg vasgestel', is die beginwoorde van hierdie stuk, en in ’n lys wat volg word amper 150 ton ammonium-nitraat genoem, meer as twintig ton aluminiumpoeier, amper dieselfde hoeveelheid swartpoeier, 48,000 land- of anti-personeelmyne, 210,000 handgranate en 1,500 vertragingstoestelle vir bomme... Die Staat het in samewerking met deskundiges van die Suid-Afrikaanse Weermag die wapens ontleed en getoets wat die saboteurs al byna twee jaar lank in hul gepoogde skrikbewind gebruik. Hieronder is onder meer die petrolbom, vlambottel, termietbom, spuitbom en pypbom."
Vir die gemiddelde Suid-Afrikaner is die openbarings wat die Rivoniaverhoor amper elke dag gebring het, skokkend. En skokkend is die feite wat in die hof voorgelê word in die vorm van dokumentêre bewys.
VOLKSHOOP (12)
Adv PJ Pretorius
Lees volledig by Volkshoop - die boek
Politieke bestel
Met die felste aanslag nog teen die Boere-Afrikanerdom het ons vyande ons ons politieke mag in Suid-Afrika op 28 April 1994 revolusionêr ontneem en het hulle as voorspel georganiseerde pogings geloods om ons wys te maak dat afsonderlike nasieskap iets onchristelik is en dat ons met anderskleuriges moet vermeng. Ons het en sal steeds sulke valse stellings verwerp. Ons glo dat ons volk deur God in die Suidhoek van Afrika in aansyn geroep is met ’n eie Christelike roeping tot eer van sy Naam en daarom kan verwag word dat ons ons as volk die reg sal toeëien om ’n nuwe Republiek daar te stel.
Dit is nie die doel van Volkshoop om in te gaan op die wyse hoe ons Boerevolk sy staatsgreep gaan laat plaasvind nie. Ons neem aan dat die staatsgreep wel gaan plaasvind en plaas nou die kollig op die politieke bestel wat ons Boerevolk daarna sal instel. Oom Klasie (Siener van Rensburg) waarsku ons dat as die nuwe regering sy verskyning maak, sal dit nog steeds ernstige gebreke hê, want die een skoen se punt is nog nie klaar nie.
Ons kan verwag dat die Boerevolk ’n politieke bestel gaan instel wat heel anders daar sal uitsien as wat tot op hede in Suid-Afrika bekend was.
VOLKSHOOP (11)
Adv PJ Pretorius
Lees volledig by Volkshoop - die boek
Ons wys op 'n visioen wat Rick Joyner op 16 Mei 1993 en Koos van der Westhuizen gedurende Oktober-November 1964 gesien het, met betrekking tot Suid-Afrika in die tyd waarin ons nou leef:
Rick Joyner se visioen
Ek glo dat die situasie in Suid-Afrika nie op kalm politiese wyse opgelos gaan word nie maar afstuur op ‘n bloedbad van onvergeetlike historiese formaat en daardeur die wêreld se onverdeelde aandag op etniese konflik sal plaas.
Die gedeelte in die Woord van God aan my geopenbaar tydens hierdie gebeure was Matthéüs 24:7-8: “Want die een nasie sal teen die ander opstaan en die een koninkryk teen die ander; en daar sal hongersnode wees en pessiektes en aardbewings op verskillende plekke. Maar al hierdie dinge is net ‘n begin van die smarte.” - in Grieks die woord ‘ethnos’ is wat in Engels gebruik word as ‘ethnic’. Dit het my teruggevoer na die vraag wat die dissipels in Matthéüs 24:3 vir die Here Jesus by die Olyfberg gevra het oor wat die tekens van die tye sal wees in die voleinding van die wêreld. Ek weet nou dat een van die mees prominente tekens van die einde van hierdie era oppad na die koms van die Here die etniese konflik sal wees wat voor ons oë aan die opbou is.
Op die 16e Mei 1993 het ek ‘n visioen gehad waarin etniese geweld ‘n onbeskryflike impak op die voortbestaan van Suid-Afrika en die hele wêreld gehad het. Swartes het Blankes, en op hul beurt Blankes weer Swartes by die duisende doodgemaak. Die regering het totale beheer oor die situasie verloor en daar het onkeerbare anargie dwarsdeur die land losgebars.
STEMME UIT DIE VROUEKAMPE (7)
1899-1902
Lees reeks by Stemme uit die vrouekampe
deur Bienedell Uitgewers
Verklaring van Mev. Dorothea Jones te Klerksdorpkamp
" Sommige ook weer wat op sterwe lê vra vir kos, en dan kry hulle vir 'n antwoord ‘Vrek maar, dan is dit een minder om voor te sorg.’"
Ons is by ons huise deur die Engelse op waens sonder tente gelaai, en ons moes toe heel dag in die son bly sit tot die aand sonder kos of ’n druppel water. Toe eindelik gee hulle ons ‘Bully Beef' en klinkers. Ons sê toe vir hulle ons het nie perdetande nie. Ons kry toe meel om pap van te maak; dit kon ons ook nie eet nie, want dit smaak soos pure stysel.
Toe ons by die kamp kom, moes ons vier huisgesinne in een tent gaan. Die swaar het toe begin. Na ons vyftien dae daar was, breek die masels en kinkhoes onder die mense uit. My suster het in een maand se tyd al haar kinders verloor. Daar is tot twintig mense op een dag dood. ’n Hospitaal is toe later opgerig waar die mense kon heengaan; maar toe sterf die mense eers, want die Khakies kon hulle toe gif ingee netsoos hulle wou. Die naarste was as die mense beter word, vra hulle vir kos, en dan kry hulle net ‘Beaf Tea’ en kondensmelk. Sommige ook weer wat op sterwe lê vra vir kos, en dan kry hulle vir 'n antwoord ‘Vrek maar, dan is dit een minder om voor te sorg.’
Daar was ook ’n paar goeie nursies onder hulle wat vir die siekes kos gesteel het, maar hulle word weer siek so gou as hulle die kos geëet het, want hulle mage was te swak om kos te staan. Die nursies se geld is toe afgeneem en hulle is toe weggeja. Dr. Russel was ’n goeie dokter en het baie mense gesond gemaak. Hy is toe weggestuur omdat hy die mense te goed behandel het, en Dr. K. is toe in sy plek gekom, maar toe het daar byna nie een uit die hospitaal gekom nie. Elke mens wat hy gedokter het, se maag het so baie gewerk dat hulle daarvan dood is.
BY DIE MONUMENT
Lees meer by Gedigte
'n Gediggie deur A.G. VISSER ter nagedagtenis aan die talle kinders wat in die konsentrasiekampe tydens die Tweede Vryheidsoorlog gesterf het.
Rus in vrede, tere bloeisels,
Offers van die storm
Want uit weke moedertrane
Is die steen gevorm
Blomme van ’n later lente
Laat die boodskap weet:
Sê in liefde aan ons dode
Ons het nie vergeet.
Kleine Afrikaner-stemme,
— In ons eie taal —
Bring hier toegewyde hulde
Aan 'n ideaal.
VERGEWE EN VERGEET
Lees meer by Gedigte
Hierdie gediggie is geskryf deur TOTIUS, met verwysing na die lyding tydens die Tweede Vryheidsoorlog
Daar het ’n doringboompie
Vlak by die pad gestaan,
Waar lange ossespanne
Met sware vragte gaan.
En eendag kom daarlangs
’n ossewa verby
Wat met sy sware wiel
Dwars-oor die boompie ry.
KORSIES VAN PASTEI
(Die hele pastei by: Korsies van Pastei)
Tolla se storie
Toe ek een aand so lekker gesuip is kom ek van die “bar” af.
Ek kom by die huis, “park” my karretjie, en nou stap ek saggies op my tone van die waenhuis af.
By die deur “suffer” ek om die sleutel in die gaatjie te kry, die deur het mos een gaatjie wat nou drie word en die drie gaatjies “move” ook nog.
Intussen staan my vrou vir my en kyk van die binnekant af.
Sy skreeu: “Jou vark, daai is die Cortina se sleutel waarmee jy die huis wil oopsluit”.
Ek kyk die sleutel so en sê: “O bloed, amper 'start' ek die huis!” Sy maak die deur oop en sê: “Kom in, kyk hoe lyk jou twee oë, hulle is bloedrooi van die “gesuipgeit!”
Ek sê: “Daai’s niks, jy moet hulle van die kant af sien!”
MANDELA EN SY TERRORISTE- BENDE (4)
Lees reeks by Mandela en sy terroriste-bende
DIE HOFSAAK BEGIN
"Op 9 Oktober verskyn die elf beskuldigdes die eerste keer. Hulle is Nelson Mandela, Walter Sisulu, Dennis Goldberg, Govan Mbeki, Ahmed Mohammed Kathrada, Lionel Bernstein, Raymond Mhlaba, James Kantor, Elias Motsoaledi, Andrew Mlangeni en adv. Bob Hepple. Aanklagte van sabotasie, dat hulle die doelstellings van die Kommunisme bevorder het en geld ingevorder of ontvang en bestee het om sabotasie te pleeg, word teen hulle gelê. Hulle sou 48,000 landmyne, 210,000 handgranate, pypbomme, spuitbomme, petrolbomme, termietbomme en bottelbomme vervaardig om verwoesting in die Republiek te saai... Om die hof te laat sien hoe elke bom presies volgens die beskuldigdes se formules saamgestel kan word is ’n klankfilm spesiaal voorberei. Met die lopende kommentaar van die Weermag se plofstofdeskundiges voorsien, toon die rolprent hoe geslaag die formules is en presies watter vernietigende effek dit kan behaal".
Dit is 3 Desember 1963. Hoewel dit nog vroeg is, skyn die somerson al warm oor Kerkplein in Pretoria. Die standbeeld van Paul Kruger gooi ’n lang skaduwee in die rigting van die Ou Raadsaal aan die suidekant. Oorkant, in die vaalgrys gebou links voor die Krugerbeeld, setel die Transvaalse afdeling van die Hooggeregshof in die Paleis van Justisie.
Dit is nog vroeg, maar die verkeer in die sirkelpad om die groen plein begin al kwaaier woel en nou verskyn ook ’n klompie polisiemanne op die Paleis van Justisie se hoe trap. Hulle is gewapen.
KORT VERTELLINGE - JAN SPIES (13)
Lees reeks by Kort vertellinge - Jan Spies
Die wondergat
Die weg voer my nou eendag tot hier in die Noord-Vrystaat by ’n ou oom Hennerik en tan’ Fredericka van Wyk. En onse praat het wye draaie geloop, want as oom Hennerik eers anie gang gekom het, is hy soos ’n Duwisib-perd wat die stang vasgebyt het. En alliepad bly tan’ Fredericka in die bonnel, want dit lyk my sy verbeel haar as sy nie by is nie, kan oom Hennerik nie vertel nie; en hy, lyk my, dink weer ’n mens glo hom nie as hy haar gesag nie kan inroep nie.
En so beland ons drie-stuks later in Noord-Afrika.
En oom Hennerik se vir my: “Man, ek was mos innie laaste Wêreldoorlog die heel Noord-Afrika deur. Waar daar geveg is, was ek innie voorbonnel (as ek nie die aanvoerder was nie) - vra virrie vrou, daar sit sy.”
Maar op die oomblik moes tan’ Fredericka se gedagtes elders ’n draai gemaak het, want sy sê: “Dissie heilige waarheid. Daar’t my ou man die terroriste geskiet lat hulle dingese gons.”
VOLKS- VERGADERING
Die Geloftevolk is daardie volk wat gekenmerk word en gebonde is aan ons hemelse Vader by wyse van die Skrifte en die daaropvolgende geskiedenis, maar veral weens die geloftes wat sedert volksplanting tot stand gekom het, te wete:– Die Geloftes van: Van Riebeeck [1654]; Bloedrivier [1838] en Paardekraal [1880]. Ons is vanaf die begin die Geloftevolk!
Tema: As die HERE [JHWH] God is, volg Hom na!
Datum: D.V. 27-29 September 2013
Plek: Dankbaar CVO Skool, Bloemfontein
Volksvergadering Web Tuiste --> www.volksvergadering.co.za
Navrae: Hierdie e-posadres word van Spambotte beskerm. Jy moet JavaScript ontsper om dit te lees.
TOETS VAN MY GELOOF
Hannes Ollewagen
I Johannes 2:1-17
Ons sien in hierdie gedeelte hoedat Johannes vir ons ‘n riglyn gee om te weet of ons wel die REGTE God aanbid in ‘n wêreld wat wil voorgee dat elkeen God kan aanbid soos wat dit hom of haar pas. Johannes sê vir ons in verse 3 – 5 dat as ons sê dat ons God ken en Hom liefhet, maar geen begeerte het om aan Hom gehoorsaam te wees nie, is ons leuenaars en is daar rede vir dringende selfondersoek in ons lewens.
Let mooi daarop dat Johannes nêrens sê dat ons wetties moet lewe, of wanneer ons sondig dat ons God nie liefhet nie!! Inteendeel, in 1 Johannes 1:8-10 herrinner Johannes ons daaraan dat God se liefde vir ons so groot is dat Hy ons elke maal vergewe wanneer ons ware berou oor ons sondes het en dit voor Hom bely en omvergifnis vra. Juis om laasgenoemde rede is dit waarom Johannes aanvoer dat die besef van God se groot liefde vir ons, ons nader aan Hom sal trek om ook te probeer om Hom bo alles in ons lewens lief te hê. Dit omdat ons weet dat Christus se sterwe aan die kruis ons nie volmaak gelaat het nie, maar juis die losprys was vir al ons onvolmaaktheid.