... HET NET EEN GRONDSLAG

Jeanette Koekemoer

Daar is net twee beginselbasisse in die Suid-Afrikaanse politiek; 'n nasionale beginselbasis of 'n liberale beginselbasis. Die liberale beginselbasis het oral in Afrika mis­luk, is besig om nou ook in Europa te misluk; dit het die onlangse verkiesings daar bevestig, en is ook besig om nou in Suid-Afrika te misluk - ons beleef 'n ekonomiese verknorsing wat binnekort tot totale ineenstorting gaan lei, en ons sit met binnelandse geweldpleging wat die getuigskrif is vir die mislukking van hierdie beleid. Nog sien ons nie ‘n totale terugkeer na die nasionalisme onder ons eie mense nie – dit is asof hulle verlam is deur die gif van liberalisme.

In ons geskiedenis het die ineenstorting van die Afrikanervolk se po­litieke mag tevore die staat laat verval maar het die Afrikanervolk nie daarmee saam verdwyn nie.

"Ry!” sê De Wet aan sy kommando. "Kyk daar is ou skuim op die water. Die rivier styg en tel weer die ou skuim op wat teen die walle agtergebly het.”

Uiteindelik is almal deur. ’n Geweldige gejuig gaan op: "Vrystaat bo!”, "Prys die Heer met blye galme!”, "Hoera, hoera!” Agter hulle kom ^!n bruin wal water oor die rivieroppervlakte aangedreun. Die vyand is afgesluit.

Carel van der Grijp (Ondervoorsitter van die Afrikaner Nasionalistiese Beweging (ANB) )

Kort nadat Cyril Ramaphosa tot nuwe ANC-president – en twee maande later ook tot president van die land – verkies is, het die media en liberale huishouding in Suid-Afrika gejuig. Die algemene siening was dat 'n nuwe era van versoening en voorspoed gaan aanbreek. Dit was egter van korte duur en dit het gou duidelik geword dat, agter al die propaganda, Ramaphosa inderdaad geen vriend van die Afrikaner is nie. In hierdie artikel word die kollig gegooi op Ramaphosa se agtergrond en sy loopbaan as vakbondbaas, politikus en sakemagnaat.

Met die gebeure binne die ANC sedert 16 Desember 2017 rondom Jacob Zuma het dit duidelik geword dat dié party nog groter steun gaan verloor in die 2019 verkiesing. Terwyl Jacob Zuma die afgelope paar jaar verskeie mosies van wantroue teen hom in die parlement afgeweer het, spreek die wyse waarop die ANC teen hom gedraai het ná die Desember kongres natuurlik boekdele. Dié dinge het nie oornag gebeur nie en die diep verdeeldheid in die party het in Desember tot 'n klimaks opgebou. 'n Mens moet egter aanvaar dat die gebeure sedert 16 Desember 2017 lankal reeds agter die skerms beplan is en dat dit nie 'n natuurlike verloop van omstandighede is nie.

Die EFF het lank gelede reeds 'n voorstel tydens 'n parlementsitting ingedien om grond te onteien sonder vergoeding, maar dit is aanvanklik nie deur die ANC ondersteun nie. Zuma was egter ten gunste van so 'n besluit en het dit gesien as 'n kans om sy aansien onder die Swartes te herstel.

Ben Venter 

Lees reeks by Waterbobbejaan

Die eerste paar weke na sy siekbed kon die boer nie slaap nie.

“Ek het ‘n paar weke lank geslaap,” sê hy. “Hoe kan ek nog vaak wees?”

Hy het snags ure lank op sy stoep gesit en rook en na die naggeluide van die bos geluister. Hy voel eensaam. Hy wil met iemand gesels. Hy oorweeg dit om die volgende week vir ‘n paar dae by oom Stoffel Wolf en oom Paul Raaswater te gaan kuier. Hy kan maklik ‘n paar dae gaan vakansie hou. Die Bantoes is taamlik skaflik en die skoffeltyd is verby.

Die oggend na hy so besluit het, is ‘n helder someroggend. Maar dit het vroeg daardie oggend al drukkend begin voel. Sakamatlakobata se ondervinding sê vir hom dat die reën nie ver is nie. Miskien vanmiddag nog.

Toe die huisgesin twaalfuur gaan eet, is dit broeiend warm.

‘’Die kos is warm Sanna. Kon jy dit nie eers onder die boom gesit het nie?’’

Ds AE vd Berg

Lees reeks by As die waarheid vertrap word

Deel 6

“Daarom dan, terwyl ons so ’n groot wolk van getuies rondom ons het, laat ons ook elke las aflê en die sonde wat ons so maklik omring, en met volharding die wedloop loop wat voor ons lê, die oog gevestig op Jesus, die Leidsman en Voleinder van die geloof.....” (Hebr.12:1,2).

1.   Wantroue

Kerke gaan tans so vinnig agteruit, dat dit of na ʼn na-institusionele vorm van kerk-wees op pad is of selfs heeltemal roemloos in die niet kan verdwyn. Dis die droewige gevolg van hul bedenklike hantering van die Bybel. As hierdie lewenskompas opsy geskuif word, verloor ʼn kerk Christus, die Ware Noord, uit die oog. Hulle behou hoogstens die skulp, maar verloor die pêrel.

Ds AE vd Berg

Lees reeks by As die waarheid vertrap word

Deel 5

“Want hoewel ons in die vlees wandel, voer ons die stryd nie volgens die vlees nie; want die wapens van ons stryd is nie vleeslik nie, maar kragtig deur God om vestings neer te werp” (2 Kor.10:3,4).

1.   Geestelike wapens

Gelowiges sal sterk teenstand van dwaalleraars ontvang. Dis niks ongewoons nie. Die waarheid kry altyd op die skerp klippe van die leuen seer.

“As die wêreld julle haat, moet julle weet dat hy My voor julle gehaat het. As julle van die wêreld was, sou die wêreld sy eiendom liefhê. Maar omdat julle nie van die wêreld is nie, maar Ek julle uit die wêreld uitverkies het, daarom haat die wêreld julle” (Joh.15:18,19).

Elke groot era in die kerkgeskiedenis is aan ʼn ernstige stryd om die waarheid gekenmerk. Feitlik elke NT brief spreek dit ook aan. Die boodskap is altyd duidelik – moenie met die gees van die tyd flankeer nie!

Hannes Ollewagen

Hebreërs 2:1-18

“...maar iemand het êrens getuig en gesê: Wat is die mens, dat U aan hom dink, of die mensekind, dat U hom besoek? U het hom ’n weinig minder as die engele gemaak; met heerlikheid en eer het U hom gekroon en hom oor die werke van u hande aangestel.” (:6&7).

Die skrywer van die brief aan die Hebreërs haal die bekende woorde van koning Dawid uit Psalm 8 aan. “...wat is die mens dat U aan hom dink, en die mensekind dat U hom besoek? U het hom ’n weinig minder gemaak as ’n goddelike wese en hom met eer en heerlikheid gekroon. U laat hom heers oor die werke van u hande; U het alles onder sy voete gestel:” (Ps. 8:5-7).

Ben Venter 

Lees reeks by Waterbobbejaan

‘n Paar weke lank werk die boer en sy seuns in die lande. Hulle het bome uitgehaal en hulle landerye vergroot. Hulle het die leidam gestraat met leiklip wat hulle in lae uit die rantjies gebreek het. Intussen het die boord goed herstel. Warm son en baie reën het Waterbobbejaan se kattekwaad uitgewis.

Die man in die grot word deur niemand gewaar nie. Die Bantoes het snags begin rondloop en pluimvee en kleinvee gesteel. Die boer was naderhand half spyt dat Waterbobbejaan so heeltemal verdwyn het. Bobbejane en ape het weer stadigaan teruggetrek na sy plaas.

Die eerste week na hy vir Waterbobbejaan gelooi het, het Sakamatlakobata nie goed geslaap nie. Hy het weerwraak verwag, maar hy kon nie dink wat dit sal wees of van watter kant af dit sal kom nie. Na die eerste paar weke verby is, trek malaria hom ‘n ruk lank neer.

Van die eerste twee weke kan hy niks onthou nie. Maar sy vrou en kinders het kort-kort in die nag of dag gehoor dat hy al ylende met die maaifoelie van ‘n Waterbobbejaan besig is. Dan is dit net of hy met ‘n vriend, of ou medebosvelder gesels. By tye gesels die boer alleen en dan luister hy weer en knik aandagtig met sy kop. Af en toe verskil hy van sy maat oor iets en dan skud hy sy kop. Maar dit het selde gebeur. Soms is dit net of hulle saamlag oor kattekwaad wat hulle aangevang het. Dan is dit weer of die boer met sy hand oor ‘n wond streel.

(Die hele pastei by: Korsies van Pastei)

Eskom het 'n samewerkingsooreenkoms aangegaan met 'n bekende vervaardiger van flitsbatterye. Die Eskom-produk sal onder die handelsnaam 'Neveready' bemark word.    

Wat het 'n vrou en `n handgranaat in gemeen? As jy die ring afhaal is die huis weg.

Die seuntjie vertel opgewonde aan sy onderwyser van die baba wat hulle verwag by die huis. Dit gaan vir 'n paar maande so aan en hy bly aan sy onderwyser van die verwagte baba vertel. Op 'n dag roep sy moeder hom en vra hom om sy hand op haar maag te plaas. Sy vra of hy kan voel hoe die baba skop en beweeg. Hy lewer geen kommentaar nie. Die volgende dag vra die juffrou toevallig wanneer die baba gaan kom? Die seuntjie bars in trane uit en sê: “Juffrou, die baba HET al gekom maar my ma het hom opgeëet!”

Tyd om verraaiers met hul "hoofseun-mentaliteit" uit te skakel

Toe Robert Mugabe en sy Zanu-PF terroristebende Rhodesië met die hulp van Brittanje en Amerika in 1980 oorgeneem het, was dié land bekend as die "Broodmandjie van Afrika".

Dié land was vooruitstrewend en dit het 'n redelik gesonde ekonomie gehad, wat natuurlik sterk op landbou en mynbou gesteun het om te groei.

Soos in alle ander Afrika lande wat in die sogenaamde na-kolonialistiese era deur Swart kommuniste oorgeneem is, het Mugabe en sy bende die land stelselmatig geplunder. Hulle het soos koninklikes geleef, terwyl die gewone burger van die land, Zimbabwe, al hoe armer geword het en al hoe swaarder gekry het.

Ds AE vd Berg

Lees reeks by As die waarheid vertrap word

Deel 4

“En word nie aan hierdie wêreld gelykvormig nie, maar word verander deur die vernuwing van julle gemoed, sodat julle kan beproef wat die goeie en welgevallige en volmaakte wil van God is” (Rom.12:2). 

1.   Wêreldlikheid

Wêreldlikheid is een van die grootste vyande van die kerk van Christus. Dis vir elke kerk baie belangrik om te weet wat wêreldlikheid is omdat baie van hulle skynbaar nie duidelikheid hieroor het nie. Die Bybel sê:

“Moenie die wêreld liefhê of die dinge wat in die wêreld is nie. As iemand die wêreld liefhet, dan is die liefde van die Vader nie in hom nie. Want alles wat in die wêreld is — die begeerlikheid van die vlees en die begeerlikheid van die oë en die grootsheid van die lewe — is nie uit die Vader nie, maar is uit die wêreld. En die wêreld gaan verby en sy begeerlikheid, maar hy wat die wil van God doen, bly vir ewig” (1 Joh.2:15-17).

Twee kernwoorde is hier ter sprake – liefde en wêreld. Hier gaan liefhê nie oor dinge waarvan mense hou of nie hou nie, maar oor ʼn wilsbesluit en opoffering vir die waarheid. Wêreld is hier ʼn geordende wêreld-sisteem met Satan aan die voortou van mense wat God en die waarheid teenstaan (Ps.2:2,3).

Ben Venter 

Lees reeks by Waterbobbejaan

Die aand na sy boord verniel is, het die boer rustig gaan slaap. Sy plan met Waterbobbejaan is klaar gemaak. Hy weet wat hy gaan doen. Hy weet ook dat dit ‘n baie dom of ‘n baie astrante dier is wat twee nagte na mekaar op dieselfde plek gaan aas. Hy onderskat Waterbobbejaan se verstand glad nie.

Die volgende oggend het die werk op die plaas normaalweg sy gang gegaan. Die boer het sy gesinslede belet om na die boord te loop. Waterbobbejaan mag geen belangstelling van die opstal se kant af in die boord gewaar nie.   

Na aandete het Sakamatlakobata sy donkerste hemp en broek aangetrek. Toe het hy na die grofsmid-geboutjie gegaan. Hy het houtskool geneem en sy hande en gesig pikswart gesmeer.

“Kootjie, probeer jy die kinders skrikmaak?” vra sy vrou verontwaardig toe hy by die kombuisdeur inkom. “Sannie het alreeds die hele dag lank effens koors. Wat doen ons as sy vannag stuipe kry?”

“Aaag, bog! Dink jy ek is laf? Ek wil vir Waterbobbejaan ‘n les leer.”

T B Floyd

Lees reeks by Afrikaner-nasionalisme

Ontstaan van Afrikaner-nasionalisme

Die instelling van die Vryburgers in 1657 en die koms van die Hugenote na die Kaap in 1688 is gebeurtenisse wat uiteindelik gelei het tot die ontstaan van ’n nuwe nasie en die ontwikkeling van Afrikaner-nasio­nalisme. Dit het ’n groep mense bymekaar gebring wie se belange met dié van die amptenare van die Kompanjie gebots het.

Die amptenare wou hulself verryk deur te boer en die terrein van die Vryburgers te betree, met die voordeel dat hulle die mag besit het om die vryburgers se mark te belemmer. Aangesien die ekonomiese toekoms van die Vryburgers van hul mark afhanklik was, was hierdie botsing vir hulle ernstig. Die gevolg van die stryd was dat die Hugenote en ander Vryburgers saamgesnoer is as een ekonomiese groep.