Gedagtes vir elke dag
Of lees almal by Gedagtes vir elke dag
Kinders is 'n groot troos in die ouderdom – en hulle help ons ook om dit baie gouer te bereik... maar Martin Luther was waarskynlik ook reg toe hy genoem het dat dit goed sou wees as jongmense meer wys kon wees en ou mense sterk, maar God het dinge beter beplan. Daarom kan ons met hierdie feite vrede maak.
AARDBEWING LAAT MENSE KERKTOE STROOM
BROKKIES GESKIEDENIS (7)
Lees reeks by Brokkies Geskiedenis
'n Aardbewing het die aand van 4 Desember 1809 'n groot indruk op die mense van Kaapstad en omstreke gemaak. 'n Skrikwekkende gerammel is plotseling gehoor "asof 'n honderdtal waens in volle galop die straat opgery, of liewer; met die snelheid van die bliksem daaroor gevlieg het" het 'n ooggetuie gesê. Terselfdertyd het die Kapenaars 'n aaklige skok gevoel wat alles laat wankel het. Die meeste huise is beskadig en op die skepe in Tafelbaai is sommige mense uit hul hangmatte geslinger. Met angs en ontsetting het mense uit hul huise gevlug, bevrees dat die mure op hulle sou instort. Baie het die eerste nagte daarna in tente deurgebring wat hulle op die Parade en ander pleine opgeslaan het.
SATAN EN SY AGENTE
Ds AE van den Berg
Lees reeks by Artikels: Ds Andrè vd Berg
2 Thess.2:9,10 Mt.7:13-23; 24:24-26;
Waarom stroom mense na towenaars en opwekkingspredikers? Omdat hulle honger is. Ongelukkig soek die meeste mense op die verkeerde plekke na geestelike voedsel! Geestelike honger word net gestil as jy met die brood van die lewe in aanraking kom – Jesus Christus. As Jesus in jou leef, is jou honger iets van die verlede.
Johannes waarsku gelowiges in Openb.20:8 dat die Satan net voor die wederkoms van Christus losgelaat gaan word “…om die nasies te verlei wat in die vier hoeke van die aarde is…” Hierdie misleiding sal wêreldwyd wees. Sodra dit gebeur, moet ons weet dat Jesus op pad is. Hierdie naderende wederkomsteken gaan tans in vervulling!
SELFOON- TEGNOLOGIE EN DIE GEVARE
Dr Willem Jordaan
Of ons nou daarvan hou of nie, die tegnologie in die selfoonbedryf is eenvoudig verstommend. ‘n Mens doen deesdae feitlik alles op jou selfoon – van banksake tot jou kosbestellings; en o ja, mens bel darem ook daarmee!
Daar word nou beweeg na 5G oftewel 5e generasie sellulêre telekommunikasie. Die bandreikwydtes raak oorvol en SG is net soveel vinniger en aantrekliker. SG en die IOT (Internet of Things) beloof om ons te verbind in kennis, skole, parke en waar ookal met triljoene objekte in die wêreld.
5G beloof om minstens 100 biljoen apparate te ondersteun en sal sowat 10 tot 100 keer vinniger as 4G wees. 4G was weer 10 maal vinniger as 3G. Om inligting af te laai sal nou 10 Giga-grepe per sekond behels.
WET OP HAATMISDADE EN HAATSPRAAK
Die ANC-regime is besig om ’n nuwe wet te skryf genaamd Die Voorkoming en Bestryding van Haatmisdade en Haatspraakwet waarin hulle bepaal wat alles haatmisdade is. Hierdie tendens is in die VSA reeds in volle gang en bring talle onskuldige mense daagliks in botsing met die gereg.
Jy moet baie wyer dink as jouself wat moontlik hierdeur beskerm kan word. Dink oor wat hierdie drakoniese wet aan jou en jou familie gaan doen wanneer elke jan rap en sy maat met ‘n swak selfbeeld ‘n saak teen julle gaan maak. Die geringste liggaamlike aanraking kan as seksuele teistering of aanranding beskou word, en die geringste woord kan jare van tronkstraf meebring. Dit is wat die onskuldige kant betref.
Dan, enigiemand wat jou werklik te na wil kom, moontlik lankal 'n wrewel teen jou koester, kan nou ’n saak teen jou aanhangig maak. Die persoon het nie veel rede of verwysings nodig nie. Jy as aangeklaagde word onmiddellik in die beskuldigde bank geplaas. Dan moet jy ‘n hele regsproses volg om jouself te verdedig. En dit, gaan baie geld kos! Ja, vir jou as aangeklaagde want die klaer het die wet aan sy kant en kom skotvry.
ROOMSE MISLEIDING ONTMASKER (10)
Ds A E vd Berg
Lees reeks by Roomse misleiding ontmasker
Kruistekens
Die maak van die kruisteken oor die bors is een van die opvallendste kenmerke van Roomse lidmate. Geen aanbidding vind daarsonder plaas nie. Dis ook Babilonies van oorsprong en is as ʼn bewaringsteken teen bose magte gebruik. Daarom moet gelowiges kruissimbole liefs vermy.
Dit wat onnadenkend as die Christen-kruis aanvaar word, is eintlik Babilonies van oorsprong en oorspronklik as ʼn simbool ter ere van Tammuz, die hoere-seun van Semiramis, ontwerp en die tau genoem. Vandaar die T-voorkoms.
Dr. Austen Layard wat jare gelede in ou Mesopotamië opgrawings gedoen het, kon bevestig dat die Babiloniese tau ʼn kruisvormige amulet was wat deur die tempelmaagde as ʼn hangertjie op die hart gedra is. Roomse nonne doen dit ook!
BROKKIES GESKIEDENIS (6)
Lees reeks by Brokkies Geskiedenis
Afrikaners veg teen Afrikaners
Soos Afrikaners vandag nog teen mekaar op allerlei wyses veg, so was dit die geval deur al die eeue. Neem nou maar die tydperk vanaf 1850’s. Politieke twiste was volop. Die propaganda dat Afrikaners gedurig verdeeld was onder mekaar, is ongelukkig waar. Daar was aan die begin geen sterk regering in Transvaal nie. Die boere het die kaal, koue vlaktes en bulte van die Hoëveld vir eers links laat lê en gaan woon in die warmer dele wat boonop voldoende swart arbeid gehad het. Die wit mense het ver van mekaar gebly, hoofsaaklik in Potchefstroom, Rustenburg-Marico, Lydenburg en Soutpansberg. Hulle was bitter arm - baie van hul vee was geroof, hul waens en meubels verniel deur die trek oor berge en riviere, kontantgeld uitgegee om lood en kruit en die nodigste ware van smouse te koop. Daar was geen markte vir produkte nie, en hulle het groot skades gely weens onbekendheid met die land. Duisende beeste het in 1851 aan longsiekte gevrek. Geelkoors was ‘n moordenaar. Perdesiekte en die tsetsevlieg het gereeld slagoffers geëis. In die Laeveld is baie mense dood aan malaria en geelkoors.
SUIWER DIE HARTE . . .
…WANT ONS DIEN ‘N JALOERSE GOD
Hannes Ollewagen
Jak. 4:1-12
“Of meen julle dat die Skrif tevergeefs sê: Met jaloersheid begeer die Gees wat in ons woon?” (:5).
“Nader tot God, en Hy sal tot julle nader. Reinig die hande, julle sondaars, en suiwer die harte, julle dubbelhartiges!” (:8).
Dit is duidelik uit God se Woord dat Hy min tyd het vir ‘n dubbelhartige man. Getrouheid, eerlikheid en opregtheid is alles eienskappe wat in God se oë kosbaar is. ‘n Dubbelhartige persoon het nie hierdie eienskappe nie. Ons word selfs in Jakobus 1 geleer dat die gebed van ‘n persoon wat dubbelhartig is nie vir God aanneemlik is nie. “Want dié mens moenie dink dat hy iets van die Here sal ontvang nie – so ‘n dubbelhartige man, onbestendig in al sy weë.” (Jak. 1:7&8).
ROOMSE MISLEIDING ONTMASKER (9)
Ds A E vd Berg
Lees reeks by Roomse misleiding ontmasker
Boetedoening en goeie werk
In sy brief aan die Galasiërs is Paulus uiters besorg oor ʼn dwaalleer wat sy kop in die kerk uitsteek het. Ketters het ʼn vreemde verlossingsleer verkondig dat sondaars op grond van goeie werke gered kon word. Dit het die Evangelie geskaad:
“Maar al sou ons of ʼn engel uit die hemel julle ʼn evangelie verkondig in stryd met die wat ons julle verkondig het, laat hom ʼn vervloeking wees!” (Gal.1:8).
Die RK het eeue later dieselfde dwaalleer begin verkondig.
Die leer van verlossing deur goeie werke bied redding as’t ware te koop aan. Dis onbybels!
BROKKIES GESKIEDENIS (5)
Lees reeks by Brokkies Geskiedenis
VIER SOORTE AFRIKANERS
Die meerderheid Kapenaars was in 1795 afsydig van die Engelse. Een van die Britse gesagvoerders, JH Craig, skryf op 22 September 1795 dat, behalwe 'n halfdosyn of wat van die handelaars en hoe amptenare van die kolonie byna elkeen die vyand van die Britte is. Hy het gesê dat, as daar 'n vyandelike mag na die Kaap sou kom, niemand die Engelse sou help nie. Dit was in elk geval waar van die Graaff-Reinetters, wat hulp van Batavia ontbied het. Maar die skip wat die hulp sou bring, Het Haasje, is in Saldanhabaai deur die Engelse gevang en die troepe moes hulle oorgee,
Die mislukte poging om die Kaap te herower, het demoraliserend op die meeste Afrikaners ingewerk. Die meerderheid het hulle rustig gedra.
BRITTANJE EN DONALD TRUMP
Dr Danie Theron
BRITTANJE SE ROL IN DIE ONDERMYNING VAN DONALD TRUMP SE PRESIDENTSKAP
Ek is tans besig om die boek van MCE van Schoor, Chistiaan Rudolph de Wet: Krygsman en Volksman, te lees. Dit het in 2007 verskyn. Hieroor sal ek later skryf maar mens word opnuut met veragting vervul vir die wandade van die Britte tydens die Tweede-Vryheidsoorlog. En toe hulle die oorlog teen ‘n klein klompie Boere nie met regverdige oorlogvoering kon wen nie, toe wend hulle hul tot barbaarsheid teen weerlose vroue en kinders. “British foulplay”.
Vandag skryf ek egter oor ‘n man wat op 12 Februarie 2019 in die ouderdom van 96 jaar oorlede is en wat waarskynlik by meeste van die lesers onbekend is. Terloops, 2 Februarie is die geboortedatum van president Abraham Lincoln.
Lyndon H Larouche, ‘n Amerikaner, was veral in die VSA bekend vir sy politieke visie en die korrektheid van sy uitsprake oor neo-kolonialisme.
BROKKIES GESKIEDENIS (4)
Lees reeks by Brokkies Geskiedenis
NOG MOORDE OP ENGELAND SE KERFSTOK
'n Amerikaanse skip het op 28 Junie 1795 die nuus gebring dat die State-Generaal alle Nederlanders, ook in die kolonies, van hul eed van trou aan die Prins onthef. Dit het geïmpliseer dat hulle die Kaap moes verdedig. Hoewel baie Kaapse amptenare Oranjegesind was, het daar vir hulle geen keuse oorgebly nie.
Deur middel van seine is bekend gemaak dat 'n vyand die land bedreig, en die naaste gewapende burgers van Kaapstad, Stellenbosch en Drakenstein het begin opdaag. Die Engelse, wat bewus daarvan was dat baie offisiere Oranjegesind was, het sogenaamde "briefjes" onder die soldate versprei waarin hulle baie geld aan oorlopers beloof het. 'n Dertigtal het inderdaad oorgeloop.
ONS STAAN VOOR ‘N MOEILIKE TYD
Ds Andrè van den Berg
Jesus waarsku in Mt.24 dat daar baie valse profete gaan kom en soveel mense mislei, dat as God die dae wat oploop na die wederkoms nie verkort het nie, niemand gered sou word nie.
“En as daardie dae nie verkort was nie, sou geen vlees gered word nie; maar ter wille van die uitverkorenes sal daardie dae verkort word. Want daar sal baie valse christusse en valse profete wees en hulle sal groot tekens en wonders doen om, as dit moontlik was, ook die uitverkorenes te mislei” (Mt.24:24).
“En baie valse profete sal opstaan en baie mense mislei” - Mt.24:11
Sekere tekens moet egter eers in vervulling gaan voordat Jesus op die wolke terugkeer. Een daarvan is ’n wêreldwye godsdiensherlewing waarvan Jesus in die teksvers melding maak; ’n gebeure wat miljoene mense gaan begeester.
THERESA MAY...
...NET NOG ‘N PION VAN DIE INTERNASIONALE GELDMAG
Dr Danie Theron
Theresa May, Eerste Minister van Brittanje, is soos Emmanuel Macron van Frankryk en Angela Merkel van Duitsland, pionne van die internasionale geldmagte. Hulle uitsluitlike funksie is om hulle state prooi van die geldmagte te maak. Van patriotisme (ondanks Macron se beteuterde uitspraak daaroor) en nasionalisme is daar by hulle niks te vinde nie.
Nou het May boonop die grootste nederlaag ooit in die Britse Laerhuis gelei oor haar voorstel hoe Brittanje die Europese Unie moet verlaat. Die vorige “rekord” is deur Ramsey MacDonald gehou. Sy het net-net daarin geslaag om ‘n mosie van wantroue in haar regering af te weer, maar die skrif is duidelik aan die muur.
Dit is net verregaande dat ‘n land in ‘n referendum kan stem om die Europese Unie te verlaat (bekend as Brexit), maar dan nie slegs jare moet veg voordat enigiets gebeur nie, maar boonop met ‘n eerste minister wat met ‘n halfgebakte voortel na haar mense kom wat meer lyk asof Brittanje deel van die Europese Unie wil bly. Dit is ook bewys daarvan dat dit veel makliker is om deel van hierdie unie te word as om jou daaraan te onttrek.
ISRAEL ERKEN NOU SY OORLOG TEEN SIRIË
Dr Danie Theron
Kommentators buite die hoofstroom het lankal met gesag aangevoer dat Israel ‘n oorlog teen Sirië voer en ook betrokke is by die huidige oorlog wat die VSA teen Sirië voer. Dit is hewig ontken. Hierdie kommentators is as “conspiracy theorists” afgemaak.
Nou het die uittredende bevelvoerder van die Israelse weermag, Gadi Eisenkot, openlik erken dat Israel wapens aan “rebelle” verskaf en dat Israel lank reeds “an invisible war” teen Sirië voer. Hy maak melding van “thousands of attacks”.
Sirië het ook vir jare beweer dat Israel wapens aan terroriste in Sirië verskaf, maar daarop is geen ag geslaan nie.
Die Sunday Times van Londen het soos volg berig:
Eisenkot acknowledged for the first time, however, that Israel had supplied rebel groups in the border area with light weapons for “self defence”. Israel was a hidden player on a crammed battlefield.
‘Ν NUWE GEES. . .
...DIE GEES VAN HEILIGHEID
Hannes Ollewagen
Eségiël 11:1:25
“En Ek sal hulle een hart gee, en ‘n nuwe gees in julle binneste gee; en Ek sal die hart van klip uit hulle vlees verwyder en hulle ‘n hart van vlees gee, sodat hulle in my insettinge kan wandel en my verordeninge kan hou en dit doen; en hulle sal vir my ‘n volk wees, en Ek sal vir hulle ‘n God wees.” (:19&20).
Alhoewel die HERE in hierdie gedeelte verwys na ‘n nuwe gees is die verwysing na die hart nie ook as ‘n nuwe hart nie, maar as een hart. En dit is nie sonder rede dat Hy dit só stel nie. Één hart sou beteken ‘n hart wat aan Hom getrou is. Dit is natuurlik die teenoorgestelde van dubbelhartigheid of ‘n hunkering op twee gedagtes. Die Here het ‘n behae daarin om met getrouheid en met ‘n opregte hart gedien te word en dubbelhartigheid is in sy oë verfoeilik. “Want dié mens moenie dink dat hy iets van die Here sal ontvang nie – so ‘n dubbelhartige man, onbestendig in al sy weë.” (Jak. 1:7&8). “Nader tot God, en Hy sal tot julle nader. Reinig die hande, julle sondaars, en suiwer die harte, julle dubbelhartiges!” (Jak. 4:8). “En Elía het nader gekom na die hele volk en gesê: Hoe lank hink julle op twee gedagtes? As die HERE God is, volg Hom na; en as Baäl dit is, volg hom na! ...” (1 Kon. 18:21).
WANNEER GAAN DIE AMERIKAANSE RYK VAL?
Dr Pieter Swart
Alle ryke het in duie gestort. Dit kan in klippe uitgekap word. Tans is daar een moondheid wat beslis besig is om tekens te toon van agteruitgang: die Amerikaanse ryk.
Mense sal verskil want op die oog af lyk alles nog goed. Die dollar is baie sterk. Aandele op Wallstraat se pryse is hemelhoog. Verskeie state skuld die VSA geld wat in dollar terugbetaal moet word. Die VSA het militêre basisse oor die hele wêreld gevestig en lyk dit net of daar geen einde is aan die uitbreiding van Amerikaanse mag nie. Die VSA het met die ontginning van olie (“fracking”) ook sy posisie verstewig en gaan selfs olie uitvoer.
Maar is die groot katastrofe nie dalk net om die draai nie?
GOD SELF HET GRENSE TUSSEN VOLKE GETREK
Ds Andrè vd Berg
“Laat alles welvoeglik en ordelik toegaan”. (1 Kor.14:40).
Oral waar God heers, is daar orde. Waar Hy nie heers nie, heers wanorde soos in Suid-Afrika. Toe die land ’n Christelike grondwet gehad het, was daar orde. Toe dit afgebreek is, was wanorde onafwendbaar. Alles wat met Hom verbind is, word aan ordelikheid gekenmerk. Dit onderskei gelowiges van heidene wie se godsdiens onordelik is omdat dit in diens van Satan staan en hy die teenpool van God is. God is orde; Satan is wanorde. God het ’n bepaalde orde daargestel, sodat mense ’n gehalte lewe kan geniet. En dis slegs moontlik as ons in vrede met mekaar leef. Niemand lei ’n gehalte lewe as vrede in sy lewe ontbreek. Hoe maak God dit moontlik? Deur grense (skeidingslyne) tussen mense te bring. “En Hy het uit een bloed al die nasies van die mensdom gemaak om oor die hele aarde te woon, terwyl Hy vooraf bepaalde tye en die grense van hul woonplek vasgestel het” ((Hand.17:26) ) Goeie grense sorg vir goeie bure!
DIE “BONES”
Dr Willem Jordaan
We offer no objections to their excisting claws
No one disputes with them their right...
Only he who wears upon his breast their emblem
He for every part shall be considered best
Yale student 1873
Die meeste mense wil niks daarvan weet dat meeste gebeure in die geskiedenis plaasgevind het as gevolg van ‘n sameswering of ‘n komplot nie. Dws, as gevolg van beplanning nie. Volgens hulle vind hierdie gebeure onbepland en spontaan plaas.
So bv het die twee wêreldoorloë glo spontaan plaasgevind en seker 9/11 ook! Wat hulle nie weet nie is dat diegene wat hierdie gebeure beplan het en wat die “amptelike” geskiedenis skryf, dws die goedgekeurde geskiedenis, wil hê dat hulle moet glo gebeure hou nie verband met mekaar nie en dat dit die een of ander “mal alleenloper” of “mal diktator” is wat gebeure eensklaps laat plaasvind het.
So byvoorbeeld is enkele ure na die sluipmoord op president John F Kennedy verklaar dat dit nie gebeur het as gevolg van ‘n sameswering nie, en soos Antony Sutton skryf:
SO WORD ONS LAND AFGEBREEK
Dr Pieter Swart
Magnus Heystek is seker een van die min ekonome wat die waarheid praat oor die stand van sake in ons land.
Op 5 Februarie 2018 skryf hy op Biz News se webblad onder die opskrif: “Zuma’s nine wasted Years” dat toe Rome gebrand het en Nero op sy fluit gespeel het, dit darem net sewe dae geduur het, maar ons moes nege jaar beleef.
Heystek is natuurlik verkeerd. Dit duur al 25 jaar! In daardie nege jaar van Zuma het hy gedans en gesoek na ‘n masjiengeweer...
Maar Zuma, wat nie kan tel nie, spog met sy bewindstermyn:
I remain proud of what we and the country achieved over the past decade. Could we have done more? Yes. Was it a wasted decade? No.
Van die skade deur Zuma aangerig sal waarskynlik nooit herstel kan word nie. En om te dink dat dit gaan herstel onder enige swart leier is ‘n leuen deur enigiemand wat dit verkondig.
BROKKIES GESKIEDENIS (3)
Lees reeks by Brokkies Geskiedenis
JUTA DIE SWAER VAN KARL MARX
De Gereformeerde Kerkbode het van 1880 tot 1883 verskyn onder die naam De Christen en van 1884 tot 1932 as De Kerkbode. Tot in 1910 is dit uitgegee deur Van de Sandt de Villiers. BJ van de Sandt (1798-1850) was die eerste Afrikaner wat 'n drukker geword het. Hy het in 1809 as seun van elf jaar by die staatsdrukker begin werk en was van 1832 tot 1844 superintendent. Hy en sy vrou was kinderloos, en het die seun van haar jongste broer aangeneem, wat dieselfde naam as sy oom gehad het: BJ van de Sandt de Villiers (1826-1878).
Nadat die kantoor van die staatsdrukkery gesluit is, het Van de Sandt en sy aangenome seun in 1845 met 'n eie drukkery begin.