Gedagtes vir elke dag
Of lees almal by Gedagtes vir elke dag
Gelowige volksleiers het ‘n sterk sin vir reg en geregtigheid wat nie deur wette bepaal word nie, maar deur die Woord van God en die lewens-insig wat Hy aan gelowiges gee. Gevolglik kan ‘n gelowige volksleier hom nie met ‘n teenstrydige waardesisteem versoen nie. Hy laat hom nie deur onregsdienaars beïnvloed nie en lei eerder self onreg as om volksgenote te veronreg.
BRIEWE UIT DIE HEMEL (4)
Ds Andrè vd Berg
Aan Thiatire
“Hou maar net vas wat julle het, totdat Ek kom” (Openb.2:25)
Vyf eeue voor die geboorte van Christus het die Perse die Babiloniese ryk verslaan en die nuwe wêreldheersers geword. Daarna het die Babiloniese priesters het na Pergamus gevlug om hul afgodery daar voort te sit. Soos wat Jerusalem God se setel op die aarde was, het Pergamus die Satan s’n geword soos wat die priesters beherende mag oor lidmate verkry het.
Dit was ʼn Satanshool. Jesus sê self: “Ek ken jou werke en die plek waar jy woon, waar die troon van die Satan is. En jy hou vas aan my Naam en het die geloof in My nie verloën nie; selfs in die dae waarin Antipas my getroue getuie was, wat gedood is by julle waar die Satan woon” (Openb.2:13).
STRYD TEEN VREEMDE OORHEERSING (15)
LW Bienedell
Lees reeks by Stryd teen vreemde oorheersing
FW TERREGGEWYS IN OPE BRIEF
2 Desember 1994
DIE uitlating van mnr. FW de Klerk tydens die NP-kongres in die PWV-gebied dat die ANC slegter is as wat die NP was toe mnr. Jaap Marais en dr. Andries Treurnicht lede daarvan was omdat hulle diskriminasie op ’n rassegrondslag beoefen, het reaksie van mnr. Marais uitgelok. In ’n ope brief wys mnr. Marais daarop dat mnr. De Klerk se vader, senator Jan de Klerk ook nog lid was van daardie party toe dit korrekte nasionale beginsels toegepas het. Mnr. De Klerk se klap na die NP van dr. Verwoerd, is dus ook ’n direkte repudiëring van sy vader en sy grootvader wat nog ’n positiewe bydrae tot die NP gelewer het.
Die volledige brief lees soos volg:
“Geagte mnr. De Klerk
“Daar word opgemerk dat u op ’n konferensie van die ‘Nasionale’ Party onder andere gesê het dat die ANC krasse diskriminasie op rassegrondslag beoefen. ‘Die ANC’, lui die berig, ‘is slegter as wat die NP gelyk het toe Jaap Marais en Andries Treurnicht nog binne-in hom was’.
STRYD TEEN VREEMDE OORHEERSING (14)
LW Bienedell
Lees reeks by Stryd teen vreemde oorheersing
Jaap Marais bedank uit die NG Kerk
29 Oktober 1993
NA langdurige korrespondensie met die lede van die Algemene Sinodale Kommissie (ASK) van die NG Kerk, het mnr. Jaap Marais uit die NG Kerk bedank.
In ’n brief aan dr. Fritz Gaum, die skriba van die ASK, voer hy redes aan waarom hy nie langer lidmaat van die kerk kan wees nie.
Mnr. Marais verwys na die Noord-Transvaalse sinode van die kerk se “afwysing van apartheid as sonde” en na die “betekenis vir die kerk om trou aan die waarheid te bly”. Hy vermeld dat dit hoofsaaklik gaan om “eerstens vasstelling van die waarheid, en tweedens, die eer van die Afrikanerpolitiek.” Die antwoord wat hy daarop gekry het, was onbevredigend. Daar is altesaam 9 punte genoem as antwoord op sy kritiek, waarvan vyf gladnie ter sake was nie.
STRYD TEEN VREEMDE OORHEERSING (13)
LW Bienedell
Lees reeks by Stryd teen vreemde oorheersing
’N VOLk WAT VEG, GAAN NIE ONDER
15 Oktober 1993
“Dit wys ons daarop dat die Blankes die grond van Suid-Afrika beset, verower en gekoop het. Hulle het die grond bekom volgens elke regmatige bepaling van die volkereg. Daarop het die Blankes elke deel van hulle land ontwikkel, terwyl die Swartes dit nie gedoen het nie. Derhalwe gee dit nie nou die Swartes die reg om aanspraak te maak op Blanke Suid-Afrika nie. Die Blanke het in hierdie land deur stryd, ontberings en opofferings gebou.”
DIE wêreld het nog nie met die Boere afgereken nie, en daarom het hulle mikpunte met die Tweede Vryheidsoorlog misluk. Nou is hulle besig met hulle felste aanvalle teen die Afrikaner sedert daardie tyd, en moet die oogmerke waarvan hulle nog nooit afgesien het nie, nou verwesenlik word.
STRYD TEEN VREEMDE OORHEERSING (12)
LW Bienedell
Lees reeks by Stryd teen vreemde oorheersing
GENL VILJOEN EN OORLOGVOERING
17 September 1993
GENL. Constand Viljoen se onlangse uitspraak in ’n SATV-uitsending in verband met hedendaagse oorlogvoering moet van nader beskou word. Hy het gesê dat oorloë deesdae nie geveg word om te wen nie. Dit sluit aan by sy vroeëre stelling dat die oorlog om Suidwes-Afrika nie militêr deur een van die twee kante gewen is nie.
Genl. Viljoen is kennelik baie selektief met sy gegewens wanneer hy die bewerings maak, want hy verontagsaam sommige hedendaagse oorloë wat groot aandag geniet het. Dit is die VSA-Israel-oorlog teen Irak en die Britse oorlog teen Argentinië om die Malvina-eilande.
LAAT HOM TRIOMFEER!
Hannes Ollewagen
Númeri 24:1-25
“Hoe mooi is jou tente, o Jakob, jou wonings, o Israel!” (:5).
“Water vloei uit sy emmers, en sy saad is by baie waters. En laat sy koning hoër wees as Agag, en sy koninkryk hom verhef!” (:7).
“Toe hy Ámalek sien, het hy sy spreuk aangehef en gesê: ‘Ámalek is die eersteling van die heidene, maar sy einde is ondergang.’ ” (:20).
In vers 7 van die gelese gedeelte vind ons die profetiese woorde van Bíleam dat die koning van Israel oor die koning van Ámalek (Agag) triomfeer. Die oorwinning van Israel oor Ámalek sou die vervulling van die verdelgingseed wees wat God reeds in die tyd van Moses gemaak het. “Toe sê die HERE vir Moses: Skrywe dit as ‘n aandenking in ‘n boek en prent dit Josua in, dat Ek die gedagtenis van Ámalek onder die hemel heeltemal sal uitdelg. En hy het gesê: Waarlik, die hand op die troon van die HERE! Oorlog het die HERE teen Ámalek van geslag tot geslag.” (Ex. 17:14&16).
STRYD TEEN VREEMDE OORHEERSING (11)
Marais takel De Klerk oor Kommunisme
“Ek wil dit aan u stel mnr De Klerk: as daar sedert 1990 ’n verskuilde Kommunis-leier van die “Nasionale” Party en tegelyk Staatspresident van Suid- Afrika was, watter verskil sou daar wees tussen wat hy sou gedoen het en wat u sedert Februarie 1990 doen? Net soos u gedoen het, sou hy die ANC, die SAKP en die PAC ontban het; sou hy Nelson Mandela, Walter Sisulu en ander ANC-figure en Kommuniste vrygelaat het; sou hy Kommuniste en terroriste laat terugkeer het na Suid-Afrika; sou hy ook die Veiligheidsmagte aan bande gelê het; sou hy ook die apartheidswette herroep het; sou hy ook die plakkery by dorpe en stede toegelaat het; sou hy ook die beginsel van een mens, een stem aanvaar het; sou hy ook vredesonderhandelings met die ANC gevoer het; sou hy ook die ANC-SAKP as “mede-hoofspeler” erken het; sou hy ook die Blankes verarm het in naam van herverdeling van rykdom; sou hy ook wet en orde laat verval het; sou hy ook toegelaat het dat ’n haatveldtog teen Blankes bedryf word met slagspreuke soos “One settler, one Bullet” en Kill a farmer, kill a Boer’ “.
3 September 1993
Geagte mnr De Klerk
U het onlangs aan mnr William Clinton, die VSA-president, gesê dat u bekommerd is dat “agreements reached in negotiations could be torn up”. En kort daarna het u skerp veroordelend verwys na die Kommuniste en hulle verbintenis aan die ANC. “Kommuniste het hulle in sleutelposisies in die ANC ingewerk”, het u gesê. En “Kommunisme het ellende en armoede aan miljoene mense oor die wêreld gebring. Dit het die demokrasie en die vryheid van die enkeling vernietig oral waar dit aan bewind gekom het”
AMERIKANER BESKRYF DR VERWOERD
Hendrik Verwoerd, Hero of South Africa
Posted By Kerry Bolton On May 26, 2017 @ 10:34 pm In North American New Right | 14 Comments
1,583 words W Stephen Mitford Goodson
Hendrik Frensch Verwoerd: South Africa's Greatest Prime Minister ^
Second edition, self-published, 2017
This is a thoroughly referenced, cogent biography on the "man of granite" whom I respectfully suggest remains immeasurably more than only South Africa's "greatest Prime Minister," but rather is one of the great statesmen of our era.
STRYD TEEN VREEMDE OORHEERSING (10)
Verwoerd se nagedagtenis word vermoor
3 Maart 1993
Sedert 1960 is daar geprobeer om dr. Hendrik Verwoerd, wat die simbool van Afrikanernasionalisme geword het, om die lewe te bring. Vir die magte en lande wat hul eie duister oogmerke met Suider-Afrika gehad het, het dr. Verwoerd se ooglopende sukses met die toepassing van sy beleid ’n gevaar geword. Met hul tweede poging in 1966, toe die Griek Tsafendas hom in die Parlement doodgesteek het, was hulle suksesvol.
Die tweede fase was die moord op dr. Verwoerd se beleid. Die fase het van 1966 tot 1992 geduur. Noudat die Afrikanervolk se vyande reken dat hulle die beleid klaar vermoor het, het die derde fase begin, die moord op sy nagedagtenis.
NATUURLIK WAS ONS REG!
Kliek op hierdie skakel en lees hoe sommige se oë begin oopgaan.
OP SOEK NA DIE WARE KERK?
Ds Andrè van den Berg
Inleiding
Jongmense wat in konserwatiewe kerke grootword en later lidmate word, wonder soms of dit die regte kerk is. Moet hulle in die kerk van hulle ouers bly of miskien tog van kerkverband verander? Wie erns met die Woord van God maak en die waarheid liefhet, moenie vra by watter kerk hy moet aansluit nie, maar eerder watter een die ware kerk is en daarby aansluit. Die klem val op die navolg van die waarheid en veragting van die leuen al het dit ʼn godsdienstige baadjie aan.
Die ware kerk bestaan eeue lank tussen al die sektes en valse kerke wat leuens verkondig. Laasgenoemdes mislei die kerklike wêreld sodat baie mense al kerke verlaat het op soek na God! Die Bybel waarsku dat die waarheid aan die einde van die tyd ernstig versaak en mense mislei gaan word. Om die ware kerk in hierdie tyd te wil vind, sal ʼn liefde vir die waarheid en deeglike Bybelkennis onontbeerlik wees.
STRYD TEEN VREEMDE OORHEERSING (9)
LW Bienedell
Lees reeks by Stryd teen vreemde oorheersing
Verfynde man van daad: Dr. Albert Hertzog
6 Augustus 1993
DIE veiling van ’n deel van dr. Albert Hertzog se versameling van oudhede en kosbaarhede het weer die uitsonderlike hoedanighede van die merkwaardige man onder die aandag gebring.
Onder die politieke figure van sy tyd was hy ongetwyfeld die mees gekultiveerde en verfynde persoon, maar tegelyk die man wat in harde stryd op ’n verskeidenheid terreine groot suksesse behaal het. Dat hy teenstanders en vyande onder sy tydgenote en kollegas sou hê, was verseker deur sy voortreflike en veelsydige menslikheid. Voortreflikheid en beginselvastheid en toegewydheid in die openbare lewe roep altyd naywer op by die gefrustreerdes, die oorambisieuses en die middelmatiges. En menslike voortreflikheid, politieke beginselvastheid en patriotiese toegewydheid was sinoniem met dr. Hertzog se naam.
STRYD TEEN VREEMDE OORHEERSING (8)
LW Bienedell
Lees reeks by Stryd teen vreemde oorheersing
Ope brief: Jaap Marais eis Blanke verkiesing by FW
"So, vir u is dit nou moreel verdedigbaar om Suid-Afrika se Blankes te onderwerp aan ’n bloudruk vir hulle ondergang. Vir u is dit nou moreel verdedigbaar om onder druk van die linkse Amerikaanse magshebbers ’n stelsel van een mens, een stem op Suid-Afrika af te dwing, sodat nasionale selfmoord gepleeg kan word. En koelbloedig word die leuen verkondig dat die Blankes van Suid-Afrika in die referendum van 1992 aan u ’n mandaat sou gegee het vir hulle ondergang en selfmoord. Politieke ironie en openbare eerloosheid kan nie groter wees nie."
23 Julie 1993
Geagte mnr De Klerk
Op u besoek aan die VSA het pres Bill Clinton volgens Sunday Times van 4 Julie gesê: “We sit here and marvel at what you are doing in South Africa”. Klaarblyklik is dit met groot genoegdoening gesê, omdat wat u in Suid-Afrika doen, presies is wat die linkse Amerikaanse voorskrif is, naamlik om deur ’n stelsel van een mens, een stem Suid-Afrika uit te lewer aan ’n Kommunisties-beheerde Swart regering, soos die NP-regering se optrede in Zimbabwe en Namibië verseker het.
STRYD TEEN VREEMDE OORHEERSING (7)
LW Bienedell
Lees reeks by Stryd teen vreemde oorheersing
’n Proses van bloedlose verowering
19 Oktober 1983
DIE TOESTAND waarin ons vandag verkeer, kan seker op verskillende maniere beskryf word, maar hoe jy ook al daarna kyk, dit is ’n proses van bloedlose verowering waarmee ons te doen het. Oor hoe ver die proses gevorder het, kan wel geredeneer word, maar dat dit wel ver gevorder het, moet ons ook aanvaar.
Nou kan u dadelik vir my vra, as u saamstem dat daar ’n proses van verowering aan die gang is, wie die veroweraar is, want dit is tog net so ’n wesenlike deel van die hele saak. Daaroor moet ’n mens ook volkome duidelikheid kry.
’n Mens kan seker by verskeie punte in ons resente geskiedenis begin om hierdie vraag te probeer beantwoord en jy sal altyd by dieselfde antwoord uitkom. Tog is die datum 24 Oktober 1974 vir ons van groot belang wanneer jy die huidige situasie wil beoordeel. Dit is op hierdie dag dat Suid-Afrika se Ambassadeur by die Verenigde Volke, mnr. Pik Botha, in die Veiligheidsraad opgestaan en feitlik vir die VVO gesê het ons vra om verskoning omdat ons in Suid-Afrika ’n toestand het waarin diskriminasie tussen Blank en Nieblank bestaan, maar ons gee die versekering dat ons daarvandaan sal wegbeweeg met al die middele tot ons beskikking.
OP HIERDIE ROTS SAL HY BOU
Hannes Ollewagen
Matt. 16:13-23
“En Simon Petrus antwoord en sê: U is die Christus, die Seun van die lewende God.” (:16).
In die gelese gedeelte stel Jesus ‘n belangrike vraag aan sy dissipels. Hy wou by hulle weet wie die mense sê dat Hy is. Uit hulle antwoorde is dit duidelik dat hierdie mense Jesus nie waarlik geken het nie. Hulle het besef dat Hy nie ‘n “gewone mens” was nie en dat daar iets besonders rondom sy Persoon was. Nietemin was hul steeds op ‘n dwaalspoor deur te dink dat Hy maar net nog ‘n profeet was. Die lang verwagte Messias, die Verlosser van die eeue, het onder hulle gewoon en gewandel en tog het hulle Hom nie geken nie.
STRYD TEEN VREEMDE OORHEERSING (6)
LW Bienedell
Lees reeks by Stryd teen vreemde oorheersing
Paul Kruger: Sy betekenis vandag
5 Oktober 1983
DIE AFRIKANERVOLK se roem was nooit hoër as tydens en ná die wapenstryd wat pres. Kruger Brittanje in Oktober 1899 aangesê het nie. Drie jaar waarin die wreedste metodes deur die Britse mag toegepas is, kon die Afrikanervolk nie breek nie — die afbranding van plaashuise, die doodmaak van plaasdiere en die vemietiging van graanlande, die gevangeneming van vrouens en kinders na konsentrasiekampe waar duisende gesterf het weens ontbering, die verbanning van krygsgevangenes na Ceylon en St. Helena...
Die smartvolle ervaring het ook die karakter-adel van mense tot uiting gebring en leiers na vore gestoot wie se onversetlikheid en krygskuns wêreldroem verwerf het. De Wet en De la Rey se name het weerklink oor kontinente. Die Boer het groot teen die horison van die geskiedenis gestaan.
STRYD TEEN VREEMDE OORHEERSING (5)
LW Bienedell
Lees reeks by Stryd teen vreemde oorheersing
KP kies die middelposisie —
Dieselfde pad na ondergang as die NP
8 Junie 1983
Net so ’n waarheid as wat dit is dat in die Suid-Afrikaanse politiek daar net twee beginselbasisse is—’n nasionale en ’n liberale—net so ’n waarheid is dit dat daar tussen die partye wat die basisse beset, ’n middelposisie is wat nooit onbeset bly nie.
Met tye was dit die regerende party wat in die middelposisie gestaan het, soos die SAP tussen die Unioniste aan die een kant en, ná 1914, die NP aan die ander kant—’n soortgelyke posisie as wat die VP gaandeweg ná 1934 ingeneem het met die Arbeiderparty links en die destydse Gesuiwerde (later Herenigde) NP regs van hom.
STRYD TEEN VREEMDE OORHEERSING (4)
LW Bienedell
Lees reeks by Stryd teen vreemde oorheersing
NP se Advies aan Amptenare- KRY HULLE MOEDELOOS EN PRAAT HULLE BANG
30 Maart 1983’n Opspraakwekkende dokument uit die Nasionale Party se hoofkantoor met opdragte aan organiseerders en ander amptenare vir die komende tussenverkiesing bevestig bo alle twyfel hoe desperaat die NP is en hoe die taktiek van bang praat en vreesaanjaging gevolg gaan word om die kiesers agter die party te probeer monster.
Die dokument het die afgelope week in die hande van DIE AFRIKANER beland. Dit lewer verdoemende getuienis van die NP se taktiek om die Swart getalle-oorwig, die sg, kommunistiese aanslag en die vyandskap van Swart state en die Weste te gebruik om soveel vrees by die Blanke te wek dat toegee aan eise en druk as die enigste alternatief vir Suid-Afrika gesien moet word.
“Kry hom moedeloos oor getalsoorwig en bring hom tot instemming met Kissinger se advies”, is die opdrag in die dokument aan NP-organiseerders en -amptenare.
STRYD TEEN VREEMDE OORHEERSING (3)
LW Bienedell
Lees reeks by Stryd teen vreemde oorheersing
Naakte Magsdeling in Kabinetsraad
16 Maart 1983
Die Nasionale Party se grondwetlike voorstelle van 1977 is in die afgelope dae opnuut in die politiek ingeruk met die voormalige Eerste Minister, mnr. John Vorster, se optrede hy die Universiteit van Pretoria as gas van die KP. Daar kan aangeneem word dat dit ’n belangrike strydvraag in die komende reeks tussenverkiesings gaan word.
In sy toespraak voor die Pretoriase studente het mnr. Vorster twee vanselfsprekende uitlatings gemaak: dat hy steeds die 1977-voorstelle onderskryf en dat dit nie politieke magsdeling is nie. Dit is wesenlik ook die amptelike standpunt van die KP namens wie hy opgetree het. Die Leier van die KP, mnr. Andries Treumicht, was persoonlik daar en het mnr. Vorster oor sy standpunt toegejuig. KP-leiers voer aan dat die 1977-voorstelle nie magsdeling sou wees nie en dat die Blanke Parlement sy soewereiniteit sou behou het. Verder is hulle argument dat die voorgestelde Raad van Kabinette van Blankes, Kleurlinge en Indiërs nie ’n Kabinet in die ware sin van die woord sou wees nie en bloot in ’n raadgewende rol sou optree.
STRYD TEEN VREEMDE OORHEERSING (2)
LW Bienedell
Lees reeks by Stryd teen vreemde oorheersing
“Die Geskiedenis is ‘n volk se geheue. Dit vertel aan hom wie hy is en vanwaar hy kom. Sonder ‘n sterk historiese sin is ‘n volk soos ‘n mens wat aan geheueverlies ly: hy weet nie wie hy is, vanwaar hy kom en waarheen hy op pad is nie”. [Aanhaling 92 in die boek AFSPRAAK MET DIE TOEKOMS: DIE STEM VAN JAAP MARAIS EN AFRIKANER- NASIONALISME.
Onder die huidige Afrikanervyandige bewind word alles in werking gestel om die Afrikaner sy geskiedenis te laat herinterpreteer om in ooreenstemming te kom met die sienswyse van die Kommuniste, die liberaliste en die NG Kerksinode. Daar word byvoorbeeld na die NP bewind van 1948 tot 1994 verwys as “Die Apartheidsregering”. Dit is ‘n doodgewone leuen. Reeds tydens die bewind van PW Botha het daar ‘n gemengde regering tot stand gekom bestaande uit blankes Kleurlinge en Indiërs.