Gedagtes vir elke dag
Of lees almal by Gedagtes vir elke dag
Jy kan nie verhoed dat die voëls van droefheid oor jou kop vlieg nie maar jy kan keer dat hulle in jou hare nes maak.
STRYD TEEN VREEMDE OORHEERSING (26)
LW Bienedell
Lees reeks by Stryd teen vreemde oorheersing
26 MEI 1948: “ONS HET ONS LAND WEER TERUG”
22 Mei 1998
“ ‘The fabulous years’, het Financial Mail die jare 1960-66 beskryf. As dr. Verwoerd nog tot omstreeks 1970 kon regeer en dan opgevolg kon word deur iemand wat sy werk voortgesit het, sou die Afrikanervolk die dominante mag in Suider-Afrika, en Suid-Afrika tans ’n magtige nywerheidsreus gewees het. Dit is waartoe 26 Mei 1948 moes gelei het, maar die ontwikkeling is onderbreek en beëindig deur die moord op dr. Verwoerd en die opvolging deur John Vorster.... Jan Botha, ’n opponent van dr. Verwoerd, skryf in Verwoerd is dead: ‘The white people had been forced together in unity, the country was militarily strong and resilient, the police and security forces were effectively dealing with all attempts at subversion and infiltration, the country’s economy was dynamic, expanding and had become largely self-sufficient... in the history of South Africa his name will live forever as the leader who when his country was threatened with internal disorders and with economic sanctions, boycotts and aggression from overseas, stood as a symbol of defiance, and the will and determination to survive.’ Suid-Afrika was op pad om ’n magtige staat te word onder ’n Afrikanerregering”.
BRIEWE UIT DIE HEMEL (7)
Ds Andrè vd Berg
Laodicea
“Kyk, Ek staan by die deur en Ek klop. As iemand my stem hoor en die deur oopmaak, sal Ek ingaan na hom toe en saam met hom maaltyd hou, en hy met My”(Openb.3:20).
Die laaste brief van Jesus aan die kerk is die hartseerste van almal. Hy rig dit aan die gemeente in Laodicea, die rykste stad in Klein-Asië. Wat die brief so hartseer maak, is dat dit geen aanprysing van Jesus ontvang nie. Selfs in ʼn dooie gemeente soos Sardis was daar ʼn klein groepie getroue gelowiges wat van Jesus krediet ontvang het. In Laodicea was daar niks van dié aard nie.
Jesus bestraf hulle uit ʼn liefdevolle hart. Toe Hy geen lofbetuiging by hierdie bestraffing kon voeg nie, maak Hy ʼn liefdevolle uitnodiging – een van die mooistes in die ganse NT: “Kyk, Ek staan by die deur en Ek klop. As iemand my stem hoor en die deur oopmaak, sal Ek ingaan na hom toe en saam met hom maaltyd hou, en hy met My”.
GROND- ONTEIENING
Meinhard Peters
Lees meer by OORSIG EN REPLIEK
Skryf in vir die gereelde gratis volledige uitgawes by Hierdie e-posadres word van Spambotte beskerm. Jy moet JavaScript ontsper om dit te lees.
Vlaag van grondbesettings: diefstal van eiendom
Cyril Ramaphosa het weliswaar die onlangse vlaag van grondbesetttings veroordeel. Dit is egter heeltemal onvoldoende, komende van die regering wat pas die konfiskering van grond as beleidstuk vir die verkiesing van 2019 aanvaar het en bereid is om die grondwet te wysig om dié beleid toe te pas. Terselfdertyd het Ramaphosa saam met Winnie Mandela gevra dat Julius Malema moet terugkeer na die ANC, dit terwyl Malema bekend is as die voorste agitator vir die beslaglegging van blankes se plase en eiendomme. Die belaglikheid van Ramaphosa en Winnie Mandela se uitnodiging aan Malema is onderstreep toe hy die versoek met groot vermaak verwerp het. Deur sy agitasie voort te sit het hy die ANC in ’n dubbele greep: die ANC wil sy stemme terugkry, maar sal dit alleen kan kry (of hoop om dit te kry) indien die ANC na die pype van die EFF dans. Hierdie taktiek is Malema se sterkste hefboom, baie sterker as wat ’n betaalde pos in die regering vir hom ooit kan beteken. Hy besef dit blykbaar baie goed.
BANKE TOV PRIVATE EIENDOMSREG
Meinhard Peters
Lees meer by OORSIG EN REPLIEK
Skryf in vir die gereelde gratis volledige uitgawes by Hierdie e-posadres word van Spambotte beskerm. Jy moet JavaScript ontsper om dit te lees.
Waar staan die banke presies met private eiendomsreg?
Die reaksie van die groot korporasies, banke, myne en versekeringsmaatskappye oor die dreigende wysiging van die RSA-grondwet om grondonteienings te versnel, was maar baie effens en gedemp. Mens sou van die “groot kapitaliste” (die voorstaanders van die vrye ekonomie, vrye handel en die reg op private eiendom) ’n baie sterk en volgehoue optrede verwag het. Dit gebeur egter nie. Ons moet goed onthou dat dit die sektor van die Suid-Afrikaanse samelewing was wat die hardste gewerk het vir die JA-stem in 1992, dié sektor wat hulle dag en nag beywer het vir “versoening” met die ANC-SAKP en sy vakbond-vennote. Hulle het nie toe nie, en ook nie daarna, vreeslik bekommerd geraak oor die kruipende sosialisme in die land nie. Manne soos Anton Rupert en Harry Oppenheimer het graag saam met Nelson Mandela vir gesprekke en foto-sessies opgedaag. Hier en daar het wel kritiek gekom uit die sakewêreld oor grondonteiening, maar dit raak kant nog wal. Mens sou groot advertensieborde langs die pad kon sien wat gerig is teen die nuwe plan, berade waar die regering veroordeel word, en buitelandse besoekers wat die nuwe beleid skerp veroordeel; selfs druk vir sanksies teen Suid-Afrika. Dit het nog nie gebeur nie, en ons verwag ook nie dat die sakesektor baie sterk gaan mobiliseer nie.
VOORSPOED- SWENDELAARS
Valse hoop te koop
Ds. A.E van den Berg
Inleiding
"You don't get rich writing science fiction. If you want to get rich, you start a religion." Ron Hubbard
Voorspoedswendelary is ʼn Amerikaanse godsdiensuitvoerproduk waarmee duisende liggelowige mense wêreldwyd uitgebuit word. Dit maak die Christendom baie seer omdat dit vir wanhopige mense valse hoop gee. In ʼn wêreld waar mense toenemend sukkel om kop bo water te hou, geniet die godsdiensswendelaars hul soustreinritte.
Geloof word as ʼn handelsooreenkoms tussen God en mens voorgehou met die belofte dat Hy diegene wat vir hulle geld gee met stoflike welvaart vergoed. Time het met ʼn meningsopname in 2006 bevind dat 17% van die kerkgangers in Amerika hiermee genoeë geneem het. Dit gaan alles oor geldmaak. Hierdie kerke het almal liefdadigheidstatus en is dus nie verplig om fondse aan die staat te verklaar nie.
Suid-Afrika het etlike multi-miljoenêr evangeliste waarvan Angus Buchan (MightyMen), Ray McCauley(Rhema), Theo Wolmarans (Christian Family Church) en Attie Boshoff (Christian Revival Church) die bekendste is. In Afrika het biskop David Oyedepo(Nigerië) na beraming $150 miljoen met die towenaar TB Joshua kort op sy hakke. Minstens ses Nigeriese evangeliste besit hul eie vliegtuig. Die rykste godsdiensswendelaars is Kenneth Copelandvan Amerika met bates van $769 miljoen. Joyce Meyer het $100 miljoen.
STRYD TEEN VREEMDE OORHEERSING (25)
LW Bienedell
Lees reeks by Stryd teen vreemde oorheersing
Die Strydvraag oor Ideologie: APARTHEID EN KOMMUNISME
“Dat rasegte Afrikaners met verbetenheid sou stry vir hulle oortuigings in verband met die erkenning van rasseverskille behoort ds. Van Staden nie te verbaas het nie. In die volgehoue aanslag sedert 1948 om die Afrikaners se politieke mag te breek, was vanuit die Engelstalige wêreld dit toegespits op 'apartheid', want apartheid het in die pad gestaan van die 'demokrasie' van een mens, een stem, wat in die voortgesette 'Boer War' die resep was om die Afrikaners magteloos te maak teen die getalle van miljoene Swartes wat geen benul van demokrasie het nie en aangedryf is deur haat en wrewel wat jarelank by hulle ingeprent is deur die Engelse pers, Engelse kerke, Engelse universiteite en ander meer verskuilde instansies — ’n haat wat betuig word deur die kreet: 'Kill a farmer, kill a Boer'... Daarby het die voorstanders van die beleid van rasseskeiding die bewys gehad van die skitterende sukses wat dit was in die hooggety van die beleid: die jare 1960-66, wat deur Financial Mail beskryf is as 'The Fabulous Years', en waarvan ’n voormalige Britse Minister, Lord Deedes, gesê het dat terwyl Suid-Afrika gegroei het tot die ekonomiese reus van Afrika, die ander Swart Statebondslande in armoede versink het—nadat hulle uitgelewer was aan die 'demokrasie' van een mens, een stem... soos mnr F W de Klerk in Junie 1977 in ’ n 'Nasionale' Party-publikasie geskryf het: ‘Magsdeling... is ’n bloudruk vir die ondergang van die Witman in Suid-Afrika’ ”.
SY BEELD IN MY LEWE
Hannes Ollewagen
Génesis 1:1-31
“En God het gesê: Laat Ons mense maak na ons beeld, na ons gelykenis, en laat hulle heers oor die visse van die see en die voëls van die hemel en die vee en oor die hele aarde en oor al die diere wat op die aarde kruip. En God het die mens geskape na sy beeld; na die beeld van God het Hy hom geskape; man en vrou het Hy hulle geskape.” (:26&27).
Nadat God die aarde en alles daarop geskape het, het Hy besluit om die mens te skape. Hy sou hierdie mens aanstel om heerskappy te voer oor die werk van sy Hande. En soos alles wat deur God geskape is, was die mens as geskape wese ook goed. God het eintlik die beste vir laaste gelos en die mens as die kroon van die Skepping geskape. Na die beeld van God is die mens geskape. Ons lees hierdie bevestiging in ‘n hele aantal verdere Skrifgedeeltes sodat daaroor geen twyfel sou bestaan nie. “DIT is die stamboom van Adam. Die dag toe God Adam geskape het, het Hy hom gemaak na die gelykenis van God.” (Gén. 5:1). “Hy wat die bloed van ‘n mens vergiet, sy bloed sal deur die mens vergiet word; want God het die mens na sy beeld gemaak.” (Gén. 9:6).
WOLF IN SKAAPKLERE
By hierdie skakel kan u Hendrik Pretorius se samestelling oor hierdie onderwerp gaan lees.
‘N NUWE KOUE OORLOG?
Dr Danie Theron
“ Die VSA dreig selfs om kernwapens onder die vaandel van oorlog twv selfverdediging aan te wend. President Donald Trump dreig die ganse wêreld nou openlik met kernoorlogvoering. Iran en Noord-Korea moet op feitlik daaglikse basis hoor dat dit die medisyne is wat die VSA op hulle sal toepas.... Rusland tree toenemend op soos 'n groot moondheid en is sy politici en regeringslui koel en beredeneerd; anders as die VSA s'n wat telkens histeries en arrogant tekere gaan. En anders as wat die Media Konglomeraat voorgee, begeer Rusland vrede en die VSA oorlog.... Die geldmag-beheerde media raak al hoe meer desperaat in hulle verkondiging van leuens oor Rusland. Dis juis hierdie desperaatheid van die VSA en Brittanje wat nou 'n Tweede Koue Oorlog inlui. En dit sal nie veel kos om dit in 'n volskaalse militêre offensief te verander nie. Maar anders as destyds kan die VSA en sy bondgenote hierdie keer hulle hand oorspeel. Rusland is nie meer 'n teddiebeer nie.”
Die Koue Oorlog wat sedert die einde van die Tweede Wêreldoorlog tot en met die val van die Berlynse Muur geheers het, was 'n tydperk waarin veral die VSA sy greep op die wêreldpolitiek versterk het en die USSR, veral weens sy beleid van kommunisme, sy greep verloor het.
BRIEWE UIT DIE HEMEL (6)
Ds Andrè vd Berg
Aan Filadelfia
“Kyk, Ek het voor jou ʼn geopende deur gegee....” (Openb.3:8)
Christus stuur die sesde brief aan die gemeente in Filadelfia wat “broederliefde” beteken en betreklik onbeduidend in Klein-Asië. Desondanks is dit een van net twee gemeentes wat lof van Jesus ontvang. Die ander was Smirna. Die rede vir Smirna se lof, was dat sy in tye van verdrukking geestelik sterk gestaan het. Filadelfia ontvang lof omdat sy die deur wat Jesus vir haar in ʼn krisisuur van haar bestaan oopgemaak het, gebruik het.
Hierdie geopende deur dui op die geleentheid wat Jesus vir hulle geskep het om die Evangelie uit te dra. Paulus praat van soortgelyke deure wat oopgegaan het: “’n Groot en kragtige deur het vir my oopgegaan ...(1 Kor.16:9). “Bid tegelykertyd ook vir ons dat God vir ons die deur van die woord mag open...” (Kol.4:3). Mense maak nie sulke deure oop nie; alleenlik Jesus.
STRYD TEEN VREEMDE OORHEERSING (24)
LW Bienedell
Lees reeks by Stryd teen vreemde oorheersing
VERRAAD VAN BINNE HET LAND OORGELEWER
Hulle wat weier om te berus, sal geskiedenis maak
4 November 1994
DIE OORNAME van die land deur ’n bende Kommuniste was die gevolg van ’n lank beplande politieke moord op ons volk, soos ook die sluipmoord op dr. Verwoerd lank tevore beplan was.
Dit was lank voorbereide verraad van binne wat tot die ramp gelei het. Daarna het sorgvuldig geplante broedertwis die weerstand van die volk verlam.
Die wapens waarmee ons verower is, was misleiding, valse beloftes, openlike verraad en gesaaide verwarring. Teen die agtergrond van verarming en ekonomiese wanbestuur is Suid-Afrika se kredietwaardigheid afgebreek tot op die vlak van Meksiko. So veel as 32 persent van die Blankes lewe onder die broodlyn, die Afrikaner se besittings en swaarverdiende welstand word deur die gewettigde roof van “regstellende optrede” en “herverdeling van rykdom” van hom ontneem.
RAMAPHOSA SE KAARTEHUIS
Meinhard Peters
Lees meer by OORSIG EN REPLIEK
Skryf in vir die gereelde gratis volledige uitgawes by Hierdie e-posadres word van Spambotte beskerm. Jy moet JavaScript ontsper om dit te lees.
Cyril Ramaphosa se vreemde kaartehuis
Die aanstellings wat Cyril Ramaphosa in sy kabinet gemaak het word allerweë as kompromie-politiek vertolk – slim skuiwe om verskillende faksies te betrek. Maar dit het ook duidelik geword dat toplede van die Suid-Afrikaanse Kommunistiese Partye doelbewus ingetrek en in sleutelportefeuljes aangestel is. Hulle verteenwoordig tot ’n hoë mate die “nuwe orde” in die ANC, daardie figure wat gesorg het dat Ramaphosa in Desember 2017 tot leier van die ANC verkies word en wat hard gewerk het om Jacob Zuma te pootjie. Van hierdie figure is juis deur Zuma uitgestoot na die rand van die ANC se leierskorps. ’n Oorblyfsel uit die Zuma-kabinet was Malusi Gigaba wat van sy pos as minister van finansies verskuif is na binnelandse sake – juis daar waar hy reeds aangekla staan van onbehoorlike optrede en wanbestuur.
BRITSE KONNEKSIE, MANDELA EN RAMAPHOSA
Meinhard Peters
Lees meer by OORSIG EN REPLIEK
Skryf in vir die gereelde gratis volledige uitgawes by Hierdie e-posadres word van Spambotte beskerm. Jy moet JavaScript ontsper om dit te lees.
Die Britse konneksie, Mandela en Cyril Ramaphosa
Een aspek van die onlangse verandering van die ANC se leierskapstruktuur is die interessante vraag tot welke mate daar buitelandse invloed deurgewerk het. In Amerika kom die Demokrate en Trump se vyande nog nie tot rus oor die vraag of Rusland die presi-dentsverkiesing beïnvloed het nie. In Suid-Afrika is die aanduidings veel sterker dat daar invloed van buite was in die hele drama rondom die vernietiging van Jacob Zuma, die seepgladde infasering van ’n nuwe leier vir die ANC en kort daarna die inswering van ’n nuwe staatspresident, komende kort op die hakke van ’n “seepgladde” leiersverandering in Zimbabwe. Dit laat ’n sterk indruk dat iets meer aan die gang is as wat die man op straat besef. Lees gerus ons opmerkings in Oorsig & Repliek Nommer 3 (21 Februarie 2018), waarin aspekte belig word in verband met die intensiewe mediaveldtog wat daar gevoer is om van Jacob Zuma ontslae te raak.
‘N LEWE VAN VREDE...
... MET GOD
Hannes Ollewagen
Romeine 5:1-11
“Omdat ons dan uit die geloof geregverdig is, het ons vrede by God deur onse Here Jesus Christus; deur wie ons ook deur die geloof die toegang verkry het tot hierdie genade waarin ons staan; en ons roem in die hoop op die heerlikheid van God.” (:1&2).
Leef u in vrede? Voordat ons hierdie vraag beantwoord, wil ek eers die volgende vraag stel: “Wat is vrede?” Hierdie is dalk ‘n baie interessante vraag in die tyd waarin ons leef aangesien almal van ‘n wêreld droom waarin daar “vrede” is. Tog is daar weinig mense wat al self ware vrede gesmaak het.
Wanneer ons van vrede praat, beteken dit dat ek my hand moet uitstrek en versoen met ‘n opstandeling wat dans en skree dat hy my volksgenote gaan vermoor en hul uit hul erfdeel gaan verdryf? Is die vrede waarvan die Woord ons leer só‘n oppervlakkige en skynheilige vrede tussen mense? Is die vrede waarvan die Woord ons leer dat ons met die werkers van ongeregtigheid moet versoen? Allermins!
STRYD TEEN VREEMDE OORHEERSING (23)
LW Bienedell
Lees reeks by Stryd teen vreemde oorheersing
SÓ VOORSPOEDIG WÁS SUID-AFRIKA!
Oppenheimer aangevat oor sy uitsprake oor apartheid
22 Julie 1994
“You may remember that the average annual economic growth rate from 1962 to approximately 1968 was 6 percent—the 7,9 percent in 1965 having been the second highest in the world. The average rate of inflation was about 2,5 percent and the prime interest rate about 3,5 percent. The accomodation of new labour in the formal sector was at 73,6 percent per year. These, you will recall, were the conditions of prosperity in spite of hostility on the part of the American and British establishments and opposition from you and your fellow liberals and leftists in South Africa. A visiting American professor (Gilbert) said in 1962: ‘The performance of the South African economy is one of the miracles of modern science’. And Paul Bareau in 1966 wrote in The Statist: ‘At the rate at which South Africa is now expanding, the term ‘miracle’ is likely to be appropriate to its development over the next few years” . You yourself wrote in your 1964 annual Statement to Anglo-American Corp: ‘The South African economy is presently very strong... South Africa’s control of the economy is really good... For this the government must certainly take credit’. You may also be reminded that in your 1965 Statement to Anglo- American Corp, you said that the living standards of whites were rising at 3,9 percent per year. But those of the blacks were rising 40 percent faster, namely at 5,4 percent per year. So, the population as a whole was enjoying the beneficial results of a policy based on apartheid. As if this was not enough, Time of 26th August, 1966—eleven days before Dr. Verwoerd was assassinated—wrote: ‘... investors from all over the world have plowed money into the country...’ . The system introduced in South Africa in 1994 has been tried and tested in many countries and has failed in every instance with dreadful results. Even now it can be safely predicted that there will not be a growing national feeling in South Africa but increasing racial and ethnic friction and tension.” – En wás hierdie voorspelling in die kol!!
DIE LAASTE VERVOLGING
Ds Andrè vd Berg
Inleiding
Die Bybel moedig gelowiges nie aan om te bid dat hulle vir hul geloof vervolg word ten einde ʼn plek in die hemel te verdien nie. Petrus waarsku gelowiges egter baie duidelik om geloofsvervolging te verwag:
“Geliefdes, verbaas julle nie oor die vuurgloed van vervolging onder julle wat tot julle beproewing dien, asof iets vreemds oor julle kom nie” (1 Pet.4:12).
Johannes geedie rede vir geloofsvervolging – ʼn wêreld wat Jesus haat: “Verwonder julle nie, my broeders, as die wêreld julle haat nie” (1 Joh.3:13).Geloofsvervolging is deel van geloofsbeproewing. Redding word egter nie daardeurverdien nie. Daarvoor het Jesus die volle prys aan die kruis betaal.
LES VAN DIE GESKIEDENIS
“In die engtes waarin die Afrikanervolk weer vanaf 1990 gedwing is deur die politieke verraad van leiers van die party wat die draer van Afrikaner-nasionalisme moes gewees het, sal die stryd gaandeweg moontlik met middels gevoer moet word wat aangepas is by die eise van die tyd. En besinnig daaroor is dringend nodig. Hoe dit gedoen sal word, is belangrik, maar belangriker is die wil tot stryd, die weiering om oor te gee, die gehegtheid aan ’n ideaal van vryheid in ’n vaderland waarvoor alles gegee word wanneer daartoe geroep word."
Die Afrikanervolk het in sy betreklik kort bestaan in Afrika deur geweldige beproewings gegaan. Telkens het hy op die rand van ’n afgrond beweeg as gevolg van die aanslae op sy bestaan. Maar dit is ’n opvallende feit van die geskiedenis dat die Afrikanervolk, selfs in sy vroeë wordingsjare, die vermoë gehad het om by die eise van die stryd aan te pas en sy nederlae in oorwinning te omskep.
WAT IS IN JOU HART?
God is besorg oor die dinge in jou hart want ʼn beter wêreld, land, gemeenskap en gesin begin op geen ander plek as in jou hart nie. As ons met rein harte begin bid, sal ons verbaas staan oor wat God met Suid-Afrika gaan doen.
WATERBESTUUR
Meinhard Peters
Lees meer by OORSIG EN REPLIEK
Skryf in vir die gereelde gratis volledige uitgawes by Hierdie e-posadres word van Spambotte beskerm. Jy moet JavaScript ontsper om dit te lees.
Strategiese waterbestuur as gevallestudie
Vir ’n dekade of meer al was die berigte oor swak bestuur van munisipale waterinstallasies voorbladnuus. Watersuiweringsaanlegte is in baie munisipale gebiede nie behoorlik in stand gehou nie; of die begrotings daarvoor is verkeerd aangewend. Dit het reeds gedui op die krisis wat later sou kop uitsteek, naamlik: die algemene verwaarlosing van ’n kritieke hulpbron soos water.
Ten spyte daarvan dat nuwe waterbelastings ingestel is, en die regering se nasionalisering van alle waterbronne, het die ANC-regering bitter min gedoen om die fisiese voorsiening van water landswyd te verbeter. Die regering se prioriteit was om varswater aan afgeleë gebiede en plakkersdorpe te voorsien; terwyl die strategiese uitdagings om genoeg water op te gaar, water te benut en demografiese verskuiwings in ag te neem klaarblyklik verwaarloos is. Nou het die droogte en waterkrisis in Wes-Kaapland almal die skrik op die lyf gejaag; behalwe die regerings-leiers wat hulle eerder met politieke konferensies, die top-ses se kopsere en ’n onderlinge gekibbel oor kommissies en kabinetsposte besig hou.
HY WAG OP SY BRUID
Hannes Ollewagen
Génesis 24:1-67
“Rebekka het ook haar oë opgeslaan en Isak gesien. Toe het sy van die kameel afgegly en aan haar dienaar gesê: Watter man is dit wat ons tegemoetloop in die veld? En die dienaar antwoord: Dit is my heer. Toe neem sy die sluier en bedek haar.” (:64&65).
Hoe kosbaar is die onderdanigheid van Rebekka nie in die gelese gedeelte nie. En nie alleen is haar onderdanigheid waarvan ons in verse 64&65 lees ‘n kosbare deugde nie, maar ook haar bereidwilligheid om diensbaar te wees in die groei en uitbreiding van haar volk. Sy het op die vraag of sy met die man wil saamgaan en of sy nog ‘n wyle wou vertoef sommer onverwyld ingestem om haar heer te gaan ontmoet.