Gedagtes vir elke dag
Of lees almal by Gedagtes vir elke dag
Jesus het alles vir ons kom doen op aarde; selfs sy uitroep: "My God, my God, waarom het U My verlaat?" het beteken dat ons as Christene nooit weer daardie vraag hoef te vra nie!
SLIM ID-KAARTE, DIGITALE IDENTITEIT ...
...EN KONTANTLOSE SAMELEWING
Hier volg ‘n skrywe van John Brice Belgrove – warm inhoud met betrekking tot internasionale toutjies wat in Suid-Afrika getrek word. U kan maar u eie gevolgtrekkings hieroor maak...
Ek gaan nie nou alles onthul nie, maar ek besit al die bewyse wat alles voor die G20-beraad in Suid-Afrika sal uitkom. Wat ek wel kan onthul, is dat Cyril Ramaphosa voor die Covid-19-pandemie geweet het dat Bill Gates alle Suid-Afrikaanse burgers se digitale identiteite wou verkry. Dit is aan Bill Gates, Rockefeller en Rothschild se families belowe deur 'n groep miljardêrs in Suid-Afrika, insluitend Koos Bekker, Christo Wiese, Whitey Basson, Paul Harris, GT Ferreira, Laurie Dippenaar, Michael Jordaan, Riaan Stassen, Patrice Motsepe, Cyril Ramaphosa, Rob Hersov en Johann Rupert.
1912: BRIEF AAN LOUIS BOTHA OOR KONSILIASIE- POLITIEK
KULTUURDAGBOEK 28 OKTOBER
Lees volledig by Kultuurdagboek
In 'n brief deur J van Graan van Bloemfontein aan premier Louis Botha kom enkele gedagtes na vore wat baie Afrikaners oor baie jare diep gekwel en ontstel het. Hy kla by Botha daaroor dat die indruk bestaan dat die regering slegs mense van die Opposisiepartye tevrede wil stel. Wat van die regeringsondersteuners word, kan die owerheid nie skeel nie. Wat in die Opposisiepers gevra word, word gewoonlik toegestaan.
Die skrywer noem talle voorbeelde van dienste deur genl Hertzog aan die Afrikaner gelewer, en van die herstel van Engelstalige amptenare in hoër ampte hoewel hulle onbevoeg en swakker gekwalifiseer was as die Afrikaners wat ook daarom aansoek gedoen het.
EK HET GESTERF!
HALLOWEEN
Hierdie naby-dood ervaring is in Afrikaans vertaal en neergeskryf deur
Anita Joubert
Toe ek voor Jesus staan, het Hy met ʼn hartseer stem vir my gevra: “Ek het my lewe aan ʼn kruis gegee sodat julle in my Naam die koninkryk van die duisternis kan oorwin, maar julle eer hulle deur saam met hulle fees te vier op Halloween! Besef julle nie dat julle met vuur speel nie?”
My naam is Elijah Vance. Ek is 45 jaar oud en ek bly in New Orleans, Louisiana. Dit is ʼn stad wat bekend is vir geskiedenis, argitektuur en sy Kreoolse kultuurerfenis. Die skeidslyn tussen kultuur en die okkulte in ons stad, is baie dun, en ek het nooit gedink dat my professionele lewe as ʼn argitektuur-historikus ʼn geestelike oorlogsveld sou word nie. Ek was nog altyd flink van denke, sinies en hoog aangeprys deur my werkskollegas. My werk het hoofsaaklik gedraai om die verborge geestelike argitektuur van die Vieux Carré (Ou Plein). Dit is die historiese deel van New Orleans wat gevestig is in 1718, en bekend is vir sy ryk kultuurgeskiedenis.
HALLOWEEN SE DEMONE
Liewe ouers en elke Christen, dit is ons missie om elke Oktober meer erns met gebede vir geestelike oorlogvoering (en spesifiek ons kinders se veiligheid) te maak.
Miskien is Halloween nie so ʼn groot ding in SA as elders in die wêreld nie, maar ʼn geestelike oorlog woed steeds oor ons kinders en kleinkinders se harte en gedagtes. Sonder uitsondering erken bekeerde voormalige sataniste dat Halloween hul besigste tyd was. So, as jy met die regte mense gesels, besef jy vinnig hoe die vyand se gewerfdes hul aanslag op ons kinders fokus, veral tydens hierdie laaste week van Oktober. Die Bybel beveel ons om te waak en bid.
U word uitgenooi om veral tydens hierdie laaste week van Oktober (26-31 Oktober) saam te bid teen die volgende:
● Dank God dat ons kinders van die Lig kan wees, ʼn Koning van die Lig het wat vir ons lief is, en ons gered het teen die een wat ons met ʼn passie haat omdat daar geen lig of vreugde uit hom kan skyn nie.
● Bid vir al die onskuldige maar onkundige mense wat Halloween as ʼn blote "menslike feesviering" beskou, bid vir hul veiligheid en dat hulle geestelike oë deur Goddelike ingryping geopen sal word sodat die sluier van geheimenis gelig sal word en hulle die demoniese werking in hierdie feeste sal kan raaksien.
● Bid vir die bewaring en veiligheid van kinders oral oor wat hierdie Halloween gaan "trick or treat" of na partytjies uitgenooi is; teen ontvoerings en ander gevaar van enige aard wat hierdie tyd van die jaar hoogty vier, en dat die bose nie sy kwade dade met hierdie kinders uitgerig sal kry nie, omdat die Here dit sal blokkeer.
● Bid dat die Here op sy tyd en sy manier in die harte van mense sal werk wat satanisme, New Ageism, Wicca ens. aanhang, sodat hulle tot bekering kan kom en deur die Heilige Gees insig ontvang, om nie die Koninkryk van die Here verder te saboteer nie, maar op te bou met nuwe ywer en krag.
HERE, ons bid vir u Lig op ʼn dag wat andersins die donker dinge vier. Skyn asb regoor ons wêreld en lei mense na Uself. Ons vra dat mense wegdraai van die bose, towery, New Age en die donker. Openbaar asb u Lig en Majesteit om hulle te help. Help ons om teen die bose werke van die duiwel te veg, rus ons toe en maak ons sterk vir geestelike oorlogvoering, want ons worstelstryd is nie teen vlees en bloed nie, maar teen die owerhede, die magte, die wêreldheersers van die duisternis van hierdie eeu, teen die bose geeste in die lug. Ons vra u insig en onderskeiding in hierdie oorlog. Gee ons asb nie ʼn gees van vreesagtigheid nie, maar van krag en liefde en selfbeheersing, in Jesus se Naam. AMEN.
1901: EMILY HOBHOUSE IN ARRES
KULTUURDAGBOEK 27 OKTOBER
Lees volledig by Kultuurdagboek
Emily Hobhouse is op hierdie dag in militêre arres geplaas by haar aankoms met die Avondale Castle in Tafelbaai. Hierdie arbitrêre stap het gevolg op die verklaring van krygswet in die Kaapkolonie, maar vir mej Hobhouse was dit 'n bittere vernering en maar net nog 'n tasbare voorbeeld van oorlogsonreg.
Nadat 'n deportasiebevel aan haar beteken is, is sy met geweld deur Britse soldate na die Roslyn Castle oorgeplaas en na Engeland teruggestuur. Haar gesondheid is as gevolg van hierdie voorval ernstig benadeel en haar vertroue in "Britsh fairplay" blywend geskok.
1937: AFRIKAANSE RADIODIENS BEGIN
KULTUURDAGBOEK 27 OKTOBER
Lees volledig by Kultuurdagboek
Enkele brokkies Afrikaans is vir die eerste keer in 1924 oor die radio gehoor. In daardie jaar het die radio in Suid-Afrika as drie afsonderlike private ondernemings in Johannesburg. Kaapstad en Durban begin. Die uitsendingsterkte van hierdie drie streekstasietjies was uiters beperk, en die Afrikaanse bydraes sporadies en heel gering.
In 1927 het die regering 'n konsessie aan die Schlesinger-organisasie toegeken om die uitsaaiwese in die land te beheer en is die African Broadcasting Company gestig. Daar het nog 'n paar senders bygekom maar die uitsendings was steeds op 'n streekbasis.
DIE BEDIENING VAN VERSOENING
Ds A.E. van den Berg
“En dit alles is uit God wat ons met Hom versoen het deur Jesus Christus en ons die bediening van die versoening gegee het, naamlik dat God in Christus die wêreld met Homself versoen het deur hulle hul misdade nie toe te reken nie en die woord van die versoening aan ons toe te vertrou. Ons tree dan op as gesante om Christus wil, asof God deur ons vermaan. Ons bid julle om Christus wil: Laat julle met God versoen” (2 Kor.5:18-20)
Ons leef net eenmaal op die aarde. Daarna sterf ons en gaan dan na een van twee plekke – die paradys of doderyk. Na die oordeelsdag gaan hulle wat in die paradys is na die nuwe Jerusalem en wie in die doderyk is na die hel. Elkeen kies self waar hy die ewigheid wil deurbring. Die meeste kies verkeerd: Jesus sê: “...want breed is die poort en wyd is die pad wat na die verderf lei, en daar is baie wat daardeur ingaan”.
1706: VERBOD OP IMMIGRASIE NA KAAP
KULTUURDAGBOEK 26 OKTOBER
Lees volledig by Kultuurdagboek
Teen 1700 het daar na vyftig jaar sedert die volksplanting slegs ongeveer 1 600 blankes aan die Kaap gewoon. Nogtans het die Here XVII op hierdie dag in 1706 besluit om amptelik geen verdere immigrasie na die Kaap te steun nie. Dit was 'n ernstige fout want die Afrikaneraanwas is daardeur drasties beperk.
Met hierdie beleid is boonop tot 1820 volhard toe Britse immigrante deur Engeland op groot skaal ingevoer is. In 1800 was daar 30 000 blankes aan die Kaap. Boonop was hulle oor 'n ontsaglik groot gebied versprei, sodat ekonomiese, kulturele en opvoedkundige probleme diep ingegryp het, juis ook omdat die VOC 'n vrotsigtige en selfsugtige ekonomiese beleid gevolg het.
1927: VLAGSKIKKING AANGEKONDIG
KULTUURDAGBOEK 26 OKTOBER
Lees volledig by Kultuurdagboek
Suid-Afrika het sy Nasionale Vlag op 31 Mei 1928 amptelik in gebruik geneem nadat die Nasionale Party van genl JBM Hertzog en die Opposisie onder leiding van genl JC Smuts 'n skikking bereik het.
Genl Hertzog het dit op 26 Oktober 1927 in die Volksraad aangekondig waarna die Vlagwet deur die Unie-Parlement aanvaar is. Met 'n seremoniële hysing by die Parlementsgebou in Kaapstad en hysingsplegtighede die hele land oor, het Suid-Afrika sigbaar sy verskyning onder die vrye volke van die wêreld gemaak.
GOD SE KRAG IN ONS SWAKHEID
Hannes Ollewagen
2 Kor. 12:1-10
“En Hy het vir my gesê: My genade is vir jou genoeg, want my krag word in swakheid volbring. Baie liewer sal ek dus in my swakhede roem, sodat die krag van Christus in my kan woon. Daarom het ek behae in my swakhede, in mishandelinge, in node, in vervolginge, in benoudhede, om Christus wil. Want as ek swak is, dan is ek sterk.” (:10).
As jy nou na ’n mooi voorbeeld van ’n paradoks soek, is hierdie ’n goeie opsie – “...want my krag word in swakheid volbring.” En dan word dit boonop in die volgende vers op ’n effense ander wyse herhaal – “...as ek swak is, dan is ek sterk.” Die herhaling is vir ons ’n beklemtoning van die waarheid – hierdie waarheid wat juis as ’n paradoks aangebied word sodat dit sal tref en ons hierin moet delf om by die kosbare skat wat daarin opgesluit is uit te kom. Hierdie verskynsel vind ons ook in Filippense 4:13 waar ons die oënskynlike teenstrydigheid dalk nie dadelik so duidelik raaksien nie. “Ek is tot alles in staat deur Christus wat my krag gee.”
1949: RAPPORTRYERS VERTREK UIT KAAPSTAD
KULTUURDAGBOEK 25 OKTOBER
Lees volledig by Kultuurdagboek
In die namiddag van 25 Oktober 1949 vertrek 'n kommando Rapportryers van die Moederstad op die derde van vyftien roetes, wat uit elke uithoek van die land gestrek het, na die inwydingsfees van die Voortrekkermomument op 16 Desember in Pretoria. Die vertrek uit Kaapstad is voorafgegaan deur drie dae van feestelikheid, waarby ruim 7 000 mense byeen was.
In die begin van 1949 is die Uniale Rapportryersreëlingskomitee gestig, bestaande uit verteenwoordigers van die ATKV en die FAK. In 'n omvattende landwye program het die Rapportryeraantog na die Voortrekkermonument die geesdrif van die volk beetgepak en die volk se boodskappe vir die toekoms na die Monument gedra. Die boodskappe is uit elke gemeenskap langs die roetes versamel en in tradisionele kommandobladsakke van dorp tot dorp aan die afloskommando's onder leiding van veldkornette, oorhandig.
1854: BELEG VAN MAKAPANSGROT
KULTUURDAGBOEK 25 OKTOBER
Lees volledig by Kultuurdagboek
In Oktober 1854 is 'n Boerejaggeselskap, bestaande uit 23 mans, vrouens en kinders, wreed deur die swart volk van Makapan (soms ook gespel Magopane, Mokopane of Makapaan) en Mapela, opperhoofde van klein inboorlingstamme in die gebied Waterberg in die distrik Soutpansberg, naby die latere Makapanspoort, vermoor. Die lyke van die vermoordes is gruwelik vermink, en die leier van die geselskap, Hermanus Potgieter, broer van die Voortrekkerleier AH Potgieters, is lewend afgeslag. Die gruweldade van die swartes teenoor die blankes vandag in hierdie land is dus niks nuuts nie – al verskil is dat die blankes nie meer die swart barbare straf en op hulle plek hou nie, die volksmoord op die blanke gelate aanvaar, hulle God nie meer vertrou nie en daarom reeds as volk gesterf het.
Na aanleiding van hierdie wrede dade het kmdt-genl Piet Potgieter, seun van AH Potgieter,saam met MW Pretorius, kommandant-generaal van Potchefstroom, 'n strafekspedisie teen Makapan georganiseer.
1683: OLAF BERGH, ONTDEKKINGS- REISIGER
KULTUURDAGBOEK 24 OKTOBER
Lees volledig by Kultuurdagboek
Op hierdie dag het hierdie Sweedse ontdekkingsreisiger van sy tweede binnelandse reis, in opdrag van Simon van der Stel, in Kaapstad aangekom. Olaf Bergh is in 1643 in Swede gebore en het hom in 1665 aan die Kaap gevestig in diens van die VOC. Deur sy bekwaamheid en ywer het hy die belangrike posisies van lid van die politieke raad en kaptein van die garnisoen beklee.
In opdrag van goew Simon van der Stel het hy verskeie ontdekkingstogte na die binneland onderneem, sonder om die geheim van die Namakwalandse Koperberge of die Gariep op te klaar, maar met 'n magdom betroubare en noukeurig aangetekende inligting oor die landstreek tot noord van die Olifantsrivier. Iets meer oor van Olaf Bergh se wedervaringe:
In die vroeë ure van 8 Junie 1682 het die Britse skip, die Joanna, wat oppad was na Surat in Oos-Indië, noordwes van die Kaap Agulhas gestrand.
1874: VIERKLEUR DEUR KRUISVLAG VERVANG
KULTUURDAGBOEK 24 OKTOBER
Lees volledig by Kultuurdagboek
Omdat staatspresident TF Burgers graag die sogenaamde Voortrekkervlag in ere wou herstel het die Volksraad van die ZAR op hierdie dag die bestaande landsvlag, die Vierkleur, deur 'n nuwe vlag, die sogenoemde Kruisvlag, vervang.
Die Kruisvlag was, naas die bekende Driekleur van die Natalse Voortrekkers, die vlag van die Voortrekkers onder leiding van AH Potgieter.
1838: PIETERMARITZ- BURG GESTIG
KULTUURDAGBOEK 23 OKTOBER
Lees volledig by Kultuurdagboek
Die aanwesigheid van verhongerde Boesmans het die Voortrekkers van Natal se beoogde eerste dorp Bosjesmansrand laat heet. Dit was ook as Stinkhoutrand bekend. Die vermoede bestaan dat Piet Retief self die standplaas in die Umzinduzivallei uitgesoek het. Ná die moord op hom en die dood van Gerrit Maritz is daar op hierdie dag besluit om die beoogde dorp na die twee Trekkerleiers te noem – Pietermaritzburg.
1914: UITBREEK VAN REBELLIE
KULTUURDAGBOEK 22 OKTOBER
Lees volledig by Kultuurdagboek
Die uitbreek van die gewapende Afrikanerprotes van 1914 tot 1915 het twee grondoorsake gehad. Aan die een kant het 'n oorweldigende meerderheid Afrikaners in verset gekom teen die besluit van die Unie-Parlement dat Duits-Suidwes-Afrika vir die Britse Ryk verower moes word. Aan die ander kant het 'n groot aantal Afrikaners, wie se vryheid hul in 1902 wederregtelik ontneem is 'n geleentheid gesien om hul republikeinse onafhanklikheid te herstel. Spontaan sou veral die Afrikaners van Noord-Vrystaat en Wes-Transvaal teen die opkommandeer van manskappe protesteer.
Met die bedanking van genl CF Beyers as hoof van die Verdedigingsmag uit protes teen die regeringsbesluit, en die ongelukkige doodskiet van genl JH de la Rey wat geen ongeluk was soos die regering dit wou afmaak nie maar koelbloedige moord, het die spanning hoog geloop.
ONS GEDAGTES
Hannes Ollewagen
Jos. 1:1-18
“Hierdie wetboek mag nie uit jou mond wyk nie; maar bepeins dit dag en nag, sodat jy nougeset kan handel volgens alles wat daarin geskrywe staan; want dan sal jy in jou weë voorspoedig wees, en dan sal jy met goeie gevolg handel.” (:8).
Ek dink nie ons besef die groot taak wat op Josua se skouers gerus het nie. Hierdie man moes die skoene van Moses volstaan – beslis nie iets waarvoor enigiemand opgewasse is nie. Daarbenewens was daar nog groot en gedugte vyande teen wie oorlog gevoer moes word en Josua sou die volk hierin moes lei. Wanneer God vir Josua as Moses se opvolger aanwys, verseker Hy hom dan ook dat Hy met hom sou wees en hom vir hierdie belangrike en groot taak sou toerus. Ons lees dan waar God aan Josua raad gee, hom toerus vir hierdie groot taak voorhande.
1899: GEVEG BY ELANDSLAAGTE
KULTUURDAGBOEK 21 OKTOBER
Lees volledig by Kultuurdagboek
Genl JHM Kock, met die Johannesburg-kommando en die Duitse en die Hollandse korps onder hom, het op 19 Oktober daarin geslaag om die Britse spoorverbinding tussen Ladysmith en Glencoe gedeeltelik te ontwrig. Daarna het Kock so oormoedig geraak dat hy besluit het om die spoorwegstasie Elandslaagte, sowat 24 km noord van Ladysmith, te beset.
Dit was 'n growwe flater want sy mag was hiervoor veels te swak. Lt-genl sir George White, bevelvoerder van die Britse mag by Ladysmith, het na ontvangs van die tyding van Kock se aantog 'n sterk afdeling onder genl-maj JPD French gestuur om die Boeremag tegemoet te gaan.
DIE WÊRELD SE VERHOOGTEATER
DIE GRATIS KAARTJIES WORD AL HOE DUURDER...
Die meeste mense in die wêreld besef nie dat hulle die gehoor is nie wat elke dag na 'n wêreldverhoogteater kyk waar narre toneelspeel wat jou laat lag, huil en wonder.
Daar is verskeie toneelopvoerings byvoorbeeld soos Trump die vredemaker. Nege maande in sy tweede presidentskap is daar geen vrede in sig in die Oekraïne nie, en daar is geen vrede in Palestina nie, wat nog te sê die res van die Midde-Ooste en die wêreld.
Selfs al eis president Trump krediet vir die brose Israel-Gaza-wapenstilstand wat hy sê hý bemiddel het, weet ons nie of dit gaan hou of soos al die voriges uitmekaar sal val nie? Net, hierdie een lyk asof dit 'n uitruil van Hamas-gyselaars (in die dosyne) en Israeliese gevangenes (in die duisende) bewerkstellig het. Laat Israel inderdaad al haar politieke gevangenes vry?
1915: 2e ALGEMENE VERKIESING IN DIE UNIE
KULTUURDAGBOEK 20 OKTOBER
Lees volledig by Kultuurdagboek
Die verkiesingstryd wat hierdie algemene verkiesing voorafgegaan het was buitengewoon heftig. Dit het geskied teen die agtergrond van die 1914-Rebellie en die opbloei van die Afrikaanse taalbeweging, wat gesamentlik meegewerk het tot 'n opstuwing van Afrikanernasionalisme en steun vir die Nasionale Party.
In die verkiesingstryd het die Nasionale Party veral die Botha-bewind gekritiseer oor sy steun aan die Britse oorlogspoging en die regering se eenstroombeleid wat, volgens die Nasionale Party, die Afrikaner nog steeds in 'n posisie van ongelykheid gehou het. Die regering se optrede met die Rebellie het ook tot groot ontevredenheid gelei.