Gedagtes vir elke dag
Of lees almal by Gedagtes vir elke dag
HERE, U weet beter as ek dat ek ouer word en dat ek eendag oud sal wees. Help my asseblief om nie praatsiek te word nie, en behoed my veral van die noodlottige gewoonte om iets te sê oor elke onderwerp en by elke geleentheid; help my asseblief om eerder te luister en daardeur 'n waardevolle bydrae te lewer.
50 JAAR NA DR VERWOERD
BRING DR VERWOERD WEER TERUG IN ONS HARTE
Frikkie Strauss
Op Dinsdag 6 September 1966 om 14h15 het Dr H F Verwoerd, sesde Eerste Minister van Suid-Afrika in die Volksraad gesterf na ‘n dolksteek van ‘n sluipmoordenaar deur sy hart gegaan het. Nou, 50 jaar later, kan daar geen twyfel bestaan dat dit ‘n waterskeidingsgebeurtenis in die lewe van die Afrikanervolk was nie. Dit het ‘n einde gebring aan ‘n tydvak van ongeëwenaarde, groeiende prestasies op militêre, politieke, geestelike, ekonomiese en ander terreine sedert ons volk in die laat-agtiende eeu tot ‘n bewuswording van sy afsonderlike identiteit as ‘n volk gekom het. Terselfdertyd het dit ‘n halwe eeu van abdikasie en kapitulasie ingelui wat in sy spoed en intensiteit waarskynlik ook ongekend in die geskiedenis van volkere is. Daar kan ook geen twyfel wees dat, as dié proses toegelaat word om so voort te gaan, dit uiteindelik op die totale vernietiging van ons volk sal uitloop nie. As ons as 21ste eeuse Afrikaners die voortbestaan van ons volk wil verseker en ‘n toekoms vir ons kinders wil skep, is dit dus van kritieke belang dat ons die ware feite van die geskiedenis bemagtig en die regte perspektief daarop vorm.
DIE GELYKENISSE VAN JESUS (7)
U kan hierdie reeks geskryf deur ds Andrè van den Berg lees by Jesus se gelykenisse
Twee ongehoorsame seuns
Mt.21:28-32
Op die oog af skyn die verklaring van hierdie kort gelykenis baie duidelik te wees want dit handel oor ʼn wingerdboer wat sy twee seuns versoek om in sy wingerd te gaan werk. Toe die een seun summier weier om te gaan, het die pa na die ander seun gegaan wat onmiddellik ingewillig het. Daarna het die eerste seun berou oor sy optrede gekry en tog maar in die wingerd gaan werk. Die tweede seun het t.s.v. sy belofte aan sy pa nie ʼn vinger verroer en ʼn toon in die wingerd gesit nie.
Die vraag is: Watter seun het die wil van sy vader gedoen? Die eerste een natuurlik. Tog is die verklaring nie so voor die hand liggend soos wat dit lyk nie. Wat was Jesus se doel met die gelykenis? Wou Hy bloot vir ʼn man met twee seuns wat wyd uiteenlopende persoonlikhede gehad het voorligting gee? Die een was opstandig en weerbarstig en die ander een vriendelik, inskiklik en beleef teenoor sy pa.
DIS NET HOE DIT IS
LC de Villiers
Ek is wit en jy is swart
En dis net hoe dit is.
Ek wil nie met jou ras meng nie;
My volk my trots gewis.
Ek breek nie by jou huis in nie,
My eie plekkie is my lus.
Ek soek nie jou regering nie
Net my eie plasie, wees gerus.
Ek praat nie vreemde tale nie,
Slegs een op vaderstong gesus.
So, ek is wit en jy is swart
En dis net hoe dit is.
DIE GELYKENISSE VAN JESUS (6)
U kan hierdie reeks geskryf deur ds Andrè van den Berg lees by Jesus se gelykenisse
Die hoë eise van die koninkryk van God
Luk.17:7-10; Mt.20:25-28
Alhoewel Lukas in hierdie gelese gedeelte nie duidelik sê dat dit oor die dinge van die koninkryk van die hemele handel nie, blyk dit uit die inhoud wel so te wees. Dit gaan in die gelykenis oor die eise waaraan burgers van die koninkryk van God gehoor moet gee om burgers te wees. Moenie vergeet dat hierdie koninkryk nie ʼn fisiese maar eerder geestelik een is nie en dat burgerskap nie deur die doen van goeie dade verkry word nie.
Hoe verkry sondaars dan burgerskap van die koninkryk van God? Net deur die reddende genade van God in Christus. En daarvoor gebruik Hy die Heilige Gees wat mense tot burgerskap oproep en daarna ʼn geestelike metamorfose in hul lewe bewerkstellig en alles nuut word. Paulus getuig van hierdie geestelike metamorfose: “Daarom, as iemand in Christus is, is hy ʼn nuwe skepsel; die ou dinge het verbygegaan, kyk, dit het alles nuut geword”.
Sodat hierdie innerlike verandering plaasvind, is die mens se lewe aan ʼn nuwe wet onderhewig.
BLOEDRIVIER
LC de Villiers
Swart die donker nag
Met wapen slag gereed.
Ek hoor hulle stadig nader sluip
Met harte swart en wreed.
Assegaaie pen die grond orent;
Die reuk van kruid wat antwoord gee.
Krygers red jul naam, geskend,
Rivier met dooie bloed besmee
Gebed na God, ons laer gered;
Ons grond geheilig daar.
Gebod daarna met God gesluit;
Ons vir Jou Suid Afrika!
JONGMENS, JY HET NET EEN LEWE
Ds Andrè van den Berg
“Waarmee sal die jongeling sy pad suiwer hou? Deur dit te hou na u woord” - Ps.119:9
Wie Ps.119 geskryf het, weet ons nie. Al wat ons weet, is dat hy baie tyd gehad het. Om ʼn Psalm met 176 verse te skryf, is geen grap nie! Die digter vra in vers 9 ʼn vraag: “Waarmee sal die jongeling sy pad suiwer hou? en beantwoord dit self: “Deur dit te hou na u woord”.
Dis belangrik dat sondaars vrae vra. Dis immers die eerste stap om gered te word. Christus vra Paulus ʼn vraag: “Saul, Saul, waarom vervolg jy My?” (Hand.9:4). Paulus antwoord terug met ʼn vraag: “Wie is u Here?” waarop Jesus hom antwoord: “Ek is Jesus wat jy vervolg” (:5). Toe vra hy weer ʼn vraag: “Here, wat wil U hê ek moet doen?” (:6).
As ʼn sondaar ernstig oor geloofsekerheid word, begin hy vrae te vra soos met die tronkbewaarder van Filippi gebeur het: “Menere, wat moet ek doen om gered te word? “ (Hand.16:39). Geen sondaar word kind van God sonder om vrae te vra nie.
DIE GELYKENISSE VAN JESUS (5)
U kan hierdie reeks geskryf deur ds Andrè van den Berg lees by Jesus se gelykenisse
Die waarde van die koninkryk van God
Mt.13:44-46
Hierdie twee kort gelykenisse is net in Mattheus opgeteken en ontbreek by die ander Evangelie skrywers. Hiermee het Jesus sy volgelinge die belangrikheid van die koninkryk van God geleer; iets so belangrik dat alle ander dinge minder waarde het. Gevolglik moet daarna gesoek word. Vandaar die refrein wat herhaal word: “...gaan hy weg en verkoop alles wat hy het ...” Dit gaan in beide gelykenisse om die prys wat iemand bereid is om te betaal ten einde hierdie kosbaarheid te bekom.
Alhoewel daar verskille tussen die twee gelykenisse is, is die ooreenkomste groter. Beide beskryf die koninkryk van God as iets van onberekenbare waarde, iets wat onverwags gevind word en ʼn waagstuk om dit te bekom. Nogtans moet ons nooit dink dat die koninkryk van God iets is waarvoor ʼn mens kan werk nie. Dit sou op die dwaling van werkheiligheid neerkom wat dikwels by sektes gevind word.
PAUL KRUGER
LC de Villiers
Statig staan hy en kyk,
Met 'n kierie en hoed op sy kop;
Sy gebede weergalm van die Hemel af:
Mag die moorde teen ons burgers stop!
Sy volk is onderdruk;
Hul gemoedere gebreek;
Die volk wat hy gelei het;
'n Dolk in sy hart gesteek.
Altyd het hy bly hoop;
Sy geloof in God was sterk.
Sy volk wil hy terug hê,
Sy woorde sal ons merk.
Pantoffels net so langs sy bed,
Sy Bybel by sy laaste vers;
Sy leeskers gooi nog hoopvol lig,
'n Gelofteland vir ons in sig.
GIDEON SCHEEPERS
LC de Villiers
Waar lê jy begrawe;
Die Britte jou versteek?
Seingee was jou gawe,
Jou spieëltjies moed gebreek.
Jonk was jy 'n leier,
Die Khaki's plat gevee.
Volslag net geweier
Jou burgers weg te gee.
Skelm die Union Jack gehys
Om Afrikaners te bevry.
Jou ware vlag het jy gewys
Terwyl jy vooruit ry.
Middelburg was trots op jou,
'n Uitmuntende seun was jy,
Jou hoedjie netjies opgevou,
Klaar jou stryd gestry.
MY GEBED
LC de Villiers
Ek bid vir my nasie;
Ek bid vir my volk;
Gekniel voor U, ons Almagtige God.
Miskien u straf vir 'n gebroke gebod?
Genoeg het ons moeders en kinders gely;
Here, ons smeek U, maak ons plase weer vry!
Swaar soos 'n ossewa loop ons met trane in ons hart;
Was asseblief weg die hartseer en smart
want U alleen het die mag om die vyand te verslaan
en ons volk weer kragdadig op te laat staan.
Here, kweek weer u liefde in ons hart en verstand;
Laat weer u Lig in ons nageslag brand
en ons vra dat U elke plaashuis sal seën,
ons droogtes sal wegneem met u Hemelse reën.
O Here ons God, ons kniel skamend voor U neer;
Tot U kom toe al die heerlikheid en eer.
Amen
DIE EERSTE VRYHEIDS- OORLOG (33 - SLOT)
Lees reeks by Die Eerste Vryheidsloorlog
Steun vir die herstel van Transvaalse onafhanklikheid in die Kaapkolonie (2)
D H Heydenrych
Op ’n goed bygewoonde vergadering aan die begin van Januarie 1881 op Franschhoek is die botsing betreur en is dit toegeskryf aan ’n reaksie op griewe waaraan geen gehoor gegee is nie. Die vergadering was ook van mening dat die onmin deur onderhandeling, deur middel van ’n Koninklike Kommissie of andersins, opgeklaar behoort te kan word. Die regering en die koloniste van die Kaapkolonie moes dan alles in hul vermoë doen om sodanige onderhandelinge te bevorder.
Soortgelyke resolusies is op Moddergat, Caledon, Worcester, Robertson, die Paarl en Stellenbosch en Malmesbury aangeneem. Vergaderings wat soortgelyke simpatie met die Transvalers uitgedruk het, is ook gehou op Tulbagh, Hopefield, Vredenburg, Darling, Beaufort-Wes, Montagu, Ceres, Wellington, Clanwilliam, Murraysburg, Colesberg en elders.
Die gevoelens van die Kaapse Afrikaners is geweldig opgesweep deur beswaddering van die Transvalers en die Boere in die algemeen.
PRETORIA, MY STAD!
(Hierdie een van LC is veral vandag gepas met nuusopskrifte soos "Pretoria brand!" - 'n waarskuwing aan motoriste: alle hoofpaaie in en uit Pretoria is deur ANC-oproermakers versper, motors en eiendom word afgebrand, koeëls trek onbepaald rond; as u moét ry, beplan u roete baie noukeurig!)
LC de Villiers
Pretoria, my stad, wat het van jou geword?
Staan jou Jakarandas nog en jou naam op elke bord?
Is jou strate nog pers as die kinders skool toe ry
en ruik jy nog so lekker as jy 'n stortreen kry?
Hoe gaan dit met jou fort by Klapperkop?
Kry sy kanonne kans om weer te skop
of is jou herkoms finaal gestop?
Kyk oom Paul nog uit oor die grasgroen plein
of het sy respek tussen papiere en gemors verdwyn?
Ek hoop jou Apies vloei nog soos hy moet
en kinders kans kry om liefde tussen die Wilgers te soek.
Pretoria, jy het my groot gemaak;
Mag jy weer 'n stad van inbors raak!
PRAAT MET HOM!
Hannes Ollewagen
Exodus 5:22-24
“Toe gaan Moses weer na die HERE en sê: Here, waarom het U hierdie volk kwaad aangedoen? Waarom het U my tog gestuur?” (:22)
Toe God aan Moses verskyn het om aan hom die opdrag te gee as leier van God se volk, was Moses nie dadelik gewillig om te gaan nie. Die feit dat Moses dalk die groot verantwoordelikheid van hierdie roeping deeglik besef het, het waarskynlik tot gevolg gehad dat hy homself nie as opgewasse hiervoor beskou het nie. Na vele verskonings het God se geduld met Moses min geraak en het hy besef dat God se woorde nie ‘n versoek was nie, maar eerder ‘n duidelike opdrag waaraan hy moes gehoor gee. “Toe ontvlam die toorn van die HERE teen Moses ...” (Ex. 4:14).
Die Moses wat ons na hierdie ontmoeting met God leer ken, was egter die toonbeeld van nederigheid, sagmoedigheid en gehoorsaamheid aan God.
DIE GELYKENISSE VAN JESUS (4)
U kan hierdie reeks geskryf deur ds Andrè van den Berg lees by Jesus se gelykenisse
Die onkruid in die koring
Mt.13:24-30;36-43
Benewens die gelykenis van die Saaier is die gelykenis van die onkruid in die koring die enigste ander gelykenis wat Jesus self uitgelê het. Hy het dit, net soos dié van die Saaier, ook op versoek van die dissipels gedoen. Hy wou hulle ʼn groot waarheid laat raaksien wat hulle andersins sou gemis het. Alhoewel hierdie gelykenis sekere raakpunte met dié van die Saaier het, beklemtoon Jesus hierin ʼn nuwe saak wat die koninkryk van God baie nou raak.
In die gelykenis van die Saaier gaan dit oor saad wat t.s.v. baie ongunstige omstandighede sonder toedoen van die saaier nogtans ʼn goeie oes opgelewer het. In die gelykenis van die onkruid en die koring val die klem op ʼn faktor wat nie verontagsaam kan word nie – ʼn vyand wat onkruid saai en die oes belemmer.
Daardeur het Jesus ʼn groot waarheid beklemtoon - die koninkryk van God het nie uitsluitlik met goeie oeste te doen nie, maar ook met vyandige optrede wat God se werk hartstogtelik haat.
ONS WONDERLIKE SEISOENE
...EN 21 JUNIE
Dr JP Botha
Ons gee vandag aan ons lesers ‘n stukkie Aardrykskunde omdat u waarskynlik die besonderhede daarvan al vergeet het of nie meer daaraan dink nie.
Dit is vandag 21 Junie 2016 - dit is vandag Winter-sonnestilstand, want dit is die kortste dag en vannag die langste nag. Van môre af begin die dae stadigaan elke dag effens langer word en die nagte effens korter, tot op 22 September. Daardie dag noem ons Lente-dag-en-nag-ewening want op daardie dag is die dag en die nag weer ewe lank.
Daarvandaan word die dae nog verder elke dag effens langer en die nagte effens korter. Dit gebeur tot op 21 Desember wanneer die dag op sy langste is en die nag op sy kortste. Ons noem daardie dag Somer-sonnestilstand.
Daarvandaan word die dae stadigaan weer al hoe korter en die nagte al hoe langer totdat hulle weer ewe lank is op 22 Maart, wat ons noem Herfs-dag-en-nag-ewening.
Dit is ons vier pragtige seisoene se aanvangstye wat deur ons liewe Here so bepaal is om vir die mens tot permanente en maksimum diens te wees.
DIE OSSEWA
LC de Villiers
Stadig het jy gerol
Oor Platteland oor Plato,
Oor Dorsland oor Karoo,
Jou wakis oorgetrek met wol.
Bloedrivier se assegaaie gekeer,
Die Drakensberge se pieke trotseer.
Jou osse het jou braafheid geleer,
Die velde het jou krag geëer.
Soms het jy moeg gaan staan,
Jou asse stukkend gestamp;
Nog 'n keer vorentoe gebeur;
Jou seile die simbool van 'n Voortrekkerkamp.
Tot vandag word jou naam genoem,
Jou spore het genoeg gedoen.
Hopelik sal jy in ons nageslag bly;
Miskien kan ons mekaar weer op boeregrond kry.
DIE EERSTE VRYHEIDS- OORLOG (32)
Lees reeks by Die Eerste Vryheidsloorlog
Steun vir die herstel van Transvaalse onafhanklikheid in die Kaapkolonie
D H Heydenrych
Die arbitrêre inlywing van die onafhanklike Transvaalse Republiek by die Britse Ryk wat ’n gevolg van die Groot Trek uitgewis het, het in die klimaat van Carnarvon se federasiestrewe tot ’n Suid-Afrikaanse kwessie geword wat polariserend tussen Boer en Brit gewerk het. Dit het die verbeelding aangegryp omdat daar sentiment op die spel was. Die was geleë in die gebeure om die Groot Trek, ’n goeie veertig jaar vroeër, maar ook in ’n etiese aspek, naamlik dat dit gelyk het of mag reg is.
Teenoor die Anneksasie van 1877, die stryd om die herstel van die onafhanklikheid wat daarna gevoer is en die oorlog van 1880-1881, kon niemand onverskillig staan nie. Die hele Suid-Afrika het standpunt ingeneem. Daar was Kaapse, Vrystaatse en Natalse Afrikaners wat van hulle laat hoor het asook Engelssprekendes, afgesien van die regerings.
DIE GELYKENISSE VAN JESUS (3)
U kan hierdie reeks geskryf deur ds Andrè van den Berg lees by Jesus se gelykenisse
Die mosterdsaad en suurdeeg
Mt.13:31-33
Sedert die profete byna 3000 jaar gelede van die koms van die Messias begin voorspel het, wag die Joodse volk tot vandag toe nog steeds op Hom. Wat dit so tragies maak, is dat toe die Messias wel gekom het, hulle Hom nie as die verwagte Een aanvaar het nie: “Hy het na sy eiendom gekom, en sy eie mense het Hom nie aangeneem nie” (Joh.1:11).
Die rede hiervoor is dat die Jode ʼn politieke bevryder verwag het wat die Romeinse owerheid uit Palestina sou verdryf en as koning in Jerusalem gekroon sou word. Toe Jesus geensins aan hierdie verwagting voldoen het nie, het hulle Hom verwerp en selfs doodgemaak. Jesus se optrede was heel anders as wat die Jode van die beloofde Messias verwag het.
KAROO
LC de Villiers
Jy lyk so verlate en eensaam maar jou bossies hou jou vas;
Kriedoring en bitou met 'n peperboompie wat ook pas.
Jy soek na jou tolbos rolbos en jy laat hulle maar gaan;
Die vryheid wat jy aan alles gee sal eintlik net jy verstaan.
Hier en daar 'n windpomp wat water die grond uit trek
En 'n dowwe grondpad wat 'n plaashuis merk.
Jy kyk in die verte uit en jy dink aan die dae
Van kommando's op perde en die Engelse se pakslae.
Jy lê tussen berge en dorpe en almal ry jou verby;
Vergete oor jou hulp om vir ons 'n nageslag te kry.
Stil en koud raak jy in die donker nag;
Net die maan wat lig gooi en 'n jakkals wat lag,
Tog te bly jy is ver van alles af... jy is vry.
Eendag as ek moeg raak wil ek tussen jou bossies kom bly.
NABOT SE WINGERD
Ds Andrè van den Berg
“Maar Nabot het vir Agab gesê: Mag die Here my daarvoor bewaar dat ek die erfdeel van my vaders aan u sou gee!” - 1 Kon.21:3
Nabot beteken in Hebreeus vrug en om volksgrond te erf, was ʼn groot voorreg. Die wynplaas wat hy geërf het, was op daardie tydstip toe al baie lank in sy familie se besit, ja, vandat Israel in Kanaän gekom en God aan elke stam sy eie grondgebied afgemeet het. Omdat Nabot se plaas uitsoekgrond was soos niemand anders in Samaria gehad het nie, het die koning dit begeer.
Nabot was ʼn gelowige en het hard op die familieplaas gewerk. Hy was altyd daarvan oortuig dat hierdie spogplaas nooit werklik sy eie was nie en dat hy maar net die rentmeester daarvan was. Dit was net vir ʼn tyd lank sy grond om te bewerk, maar nog belangriker om dit te beskerm sodat dit in familiebesit bly. Nabot het ʼn verantwoordelikheid teenoor sy kinders en ook sy kleinkinders gehad. As hy dit nie beskerm het nie, het hy niks gehad om aan sy nageslag te gee nie.