Gedagtes vir elke dag
Of lees almal by Gedagtes vir elke dag
Liewe Here, waarom sukkel ek so om lief te hê? Ek kry dit reg om fatsoenlik, beskaafd en medemenslik te wees, die wet te gehoorsaam, geen verkeerde dade te doen nie. Maar om met liefde en omgee na my medemense uit te reik, dáár Here, is ek in die skuld met opofferende liefde! Leer my asb hoe om lief te hê!?
BROKKIES UIT DIE BOEK – DOODSAKKER (16)
Geskryf deur Philip Venter (u kan die boek bekom deur hom te skakel by 083 444 7672
Gedurende die eerste helfte van 2025 gebeur ‘n hele aantal dinge wat die situasie in Suid-Afrika op die spits dryf:
Donald Trump kom aan bewind en hy stel handelstariewe in. Ook Suid-Afrika word intens daardeur geraak.
Trump ontmoet vir Ramaphosa in die Withuis se ovaalkantoor en dit gaan baie sleg af wanneer Trump video’s wys oor Julius Malema se “Kill the Boer” krete. Hy haal ook ‘n dik stapel nuusverslae uit oor plaasmoorde in Suid-Afrika.
Hy verwys na Malema en vra: “Why hasn’t this man been arrested?”
‘n Lasbrief word vanuit ‘n landdroskantoor in Londen, Engeland uitgereik vir die arrestasie vir Malema aangaande korrupsie, waar die maatskappy Rutherford betrek word vir ongeveer R100 miljoen se geldwassery. Dit word afgegee aan die minister van Buitelandse sake, Ronald Lamola, se kantoor. Ramaphosa is weereens onduidelik in sy antwoord daarop, maar is duidelik gespanne. Almal weet dat, indien Julius Malema gearresteer word, sy volgelinge amok gaan maak.
Die oorlog tussen Rusland en Oekraïne eskaleer, en so ook die haglikhede in die Midde-Ooste.
Statistiek bewys dat daar tans meer as 3000 moskees in Engeland is en 130 gebiede waar sharia-wet ingestel is. Waarnemers merk dat teen 2040 daar waarskynlik meer Moslem-immigrante in Engeland sal wees as Engelse.
Sommige sal in herinnering roep dat een van die Britse generaals gedurende die Anglo-Boereoorlog sou opmerk dat die Afrikaner uitgeroei moet word, hetsy deurdat die manne doodgeskiet word in die veldslae, die plase afgebrand en die vroue oorgegee is aan swartmans om verkrag te word. “We will kill them, or have them bred out of existence.” Een honderd vyf en twintig jaar loop die Engelse die gevaar om uitgeteel te word uit hulle eie land.
Europa ondervind ‘n politieke skuif na regs en in sommige gevalle na ver-regs.
Intern verswak die rand. Werkloosheid neem toe en alhoewel ernstige misdaad in Gauteng afneem, neem dit landwyd toe. Werkloosheid is op ‘n algehele hoogtepunt – of laagtepunt, afhangende hoe ‘n mens daarna sal kyk dat die amptelike syfer 33% is, die uitgebreide werkloosheid, dit wil sê as diegene wat moedeloos geword het om werk te soek, bygetel word, 42% is en onder diejeug naby 65%.
Die Wêreldbank en die IMF weier om meer geld te leen aan die land.
Die begroting is teen Junie 2025 nog nie goedgekeur nie, die minister van finansies, Enoch Godongwana, impliseer dat uitgawes uiteindelik besnoei sal moet word, aangesien daar nie meer geld is nie en dat daar geen vooruitsig is om meer in te kry nie. Dit behels die staatsdiens en selfs SASSA-uitbetalings. 28 Miljoen van die land se bevolking (46,6%) maak op SASSA staat, waarsonder hulle aan hongersnood blootgestel sal word. Plato het al 300 jaar vC gesê wetteloosheid en anargie is nege maaltye – drie dae – weg.
Meer en meer korrupsie word op elke vlak ontbloot en prof William Gumede van Wits meen dat daar soveel as een triljoen rand deur minder as 100 mense vanaf 1994 gesteel is uit die fiskus. Ministers en sommige parlementslede reis die wêreld vol op besigheidsklas en teen astronomiese bedrae.
Die groeikoers vir die eerste kwartaal van 2025 is ‘n skamele 0,1%. Indien Amerika vir Suid-Afrika van AGOA afskop en handelsanksies instel, kan nog 4% van die binnelandse inkomste verdwyn. Intussen verlaat duisende hoogs-opgeleide manne en vroue, tesame met honderde miljardêrs, die land. Baie ander plaas hulle finansies oor na lande en eilande waar belasting heelwat minder is. Die belastingpoel is vinnig aan die opdroog.
Verskeie ingrypende wette word gepromulgeer, onder andere die BELA-wet wat die regering totale beheer oor skole gee en die wet op Onteiening Sonder Vergoeding.
PSIRA, die oorkoepelende gesagsowerheid wat die privaat sekuriteitsmaatskappye reguleer, maak aanstaltes om sekuriteitsbeamptes (meer as 500 000) te ontwapen.
Nuwe BEE-matreëls bring mee dat nog 110 000 blanke vroue en 70 000 blanke mans hulle werk verloor.
Die SAPD en SANW bewys weereens dat hulle onbekwaam, korrup en onmagtig is om die land se inwoners te beskerm. Geen vuurwapenlisensie-aansoeke wat reeds in Maart ingedien is, is verwerk teen Junie nie.
Elke dag, sonder uitsondering, word daar gevalle van protesoptogte en onrus iewers in die land aangemeld.
*
In die Middeleeue het die Rooms-Katolieke Kerk gesê: “Alle paaie lei na Rome”, dit wil sê na die kerk, maar dit was nie waar nie. Die protestantisme het oral toegeneem en nie teruggelei Rome toe nie. Wanneer onrus, chaos, onsekerheid en ‘n gebrek aan veiligheid toeneem, het die Boere die manier om berge toe te gaan en dus kan die spreekwoord eerder lui: “Alle paaie lei na die Berge toe.” In ons geval is dit die bergreeks aan die noorde.
Ons is ‘n geleentheid aangebied in een van die Amerikaanse HMMVEE (Hummer)-voertuie, wat ons natuurlik benut het. Nog een ry agterna, met wat ons aanvaar begeleiding is. Ons het eers ons wapens gaan herwin en daarna is ons na waar Herrie se voertuig weggesteek is. Tot ons verbasing en verligting is die ding ongeskonde, vat maklik en ry ewe gemaklik terug oor die hoop rommel.
‘n Majoor sien ons af, vra of ons nog iets kort, en gee vir ons ‘n kas 9mmP ammunisie en ‘n paar honderd .300 Winchester Magnum rondtes, tesame met drie honderd .45’s. Daar is genoeg MRE’s (Meals Ready to Eat) pakke en tesame met ‘n vol tenk diesel, asook vier jerry-kanne vol, wat ons op die buffers vasmaak.
Die stad is nie heeltemal verlate nie, maar vir alle praktiese doeleindes is dit sonder enige beweging. Die N1 is oop, behalwe waar die pad versper is met uitgebrande voertuie, bande en plekke waar die pad heeltemal opgekap is. Met die vierwieldryf van Herrie se “Jeep”, kan ons verby dit beweeg.
Herrie en Tersia sit op die voorste sitplekke, met die uwe, May en Jessica wat agter-op vir ons sitplekke gemaak het op en tussen die bagasie en rantsoenkiste. Dis winderig en baie koud, al is die lug oopgetrek en die son sy bes doen om te skyn, maar die verligting om uit die stad te kom, is baie groter as die ongemak.
Ek en May sit met ons rûe teen die voorkant van die laaibak. Dis koud en ek maak ons toe met my aap-jas en onder die jas vat May my hand met haar regter een, nog vol seerplekke en rowe wat nog aan die genees is. Haar hand is klein, skaar en koud en ek vou dit toe met myne. Dan leun sy haar kop op my skouer en raak vir ‘n paar minute aan die slaap. Wanneer sy wakker skrik en vra waar ons is, want sy soek iets, naby die pad, sê ek so dertig kilometer vanaf Pretoria.
Sowat sestig kilometer vanuit Pretoria klop May angstig vir Herrie op die skouer. Hy hou vinnig stil, en ons elkeen hou ons wapens gereed.
“Wat is dit?”
“Ek moet iets dringend gaan doen en vir julle iets gaan wys.”
Herrie ry sover moontlik na ‘n rots-stapel aan ons linkerkant, waarheen May hom beduie en wanneer die veld te ruig word, hou hy stil.
May klim uit en loop na die lae koppie toe, met ons vier op haar hakke, waar ‘n rotsvy teen ‘n groot rots klou. Sy kniel by ‘n hopie grond aan die voet daarvan. Teen die rots krap sy met haar mes uit:
“Cornelia Bruce. 16 Augustus 2021- Mei 2025.”